كشافة
 | هاد لمقال مامراجعش. |
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
| كشافة | |
|---|---|
 | |
| حركة اجتماعية | |
| كلاص فرعية ديال | تعليم، نشاط ترفيهي  |
| بدية | 1907 |
| جانب من جوانب | دفاع مدني |
| مجال د لخدمة | شَبَاب |
| لمؤسس | بادن پاول |
| موقع التأسيس | لينڭليز |
| نقطة البداية | لمملكة لمتاحدة |
| عندو خصلة | scout group |
| مهتم ب | مهارات البقاء |
| كيمارسها | قائد كشفي |
| كايخدّم | fleur-de-lis in Scouting، scouting uniform |
لكشافة هي حركة شبابية عالمية كاينة فـ بزاف ديال لبلدان فـ لعالم كامل. لأصل ديالها كان فـ لمملكة لمتاحدة(بريطانيا)، اللي منها بدات لفكرة وانتاشرات بعدا فـ دول أخرى.تأسسات لحركة لكشّفية فـ سنة1907 على يد اللورد بادن پاول، اللي كان ضابط بريطاني، ودار أول مخيم كشفي باش يعلم لشباب لعتماد على نفس، تعاون، وحب طبيعة.دابا لكشافة ولات حركة كبيرة ومعروفة فـ جميع أنحاء لعالم.
لكشافة راه حركة ديال شبان، كتربّي وكتكون، وكتخدم ف إطار ديال تطوع وما عندهاش علاقة ب سياسة. هاد لحركة منتشرة ف لعالم كامل، ولهدف ديالها هو تنمية شباب من ناحية لجسد ديالهم وثقافة ديالهم والعقل ديالهم.
اللي دارها وحط لقواعد ديالها هو اللورد بادن پاول فـ سنة 1907، وكان باغي بها يعلّم شباب ل عتماد على نفس، روح التعاون، وحب طبيعة ولوطن.[1]
.png)
لفكرة ديال لكشافة جات بادن پاول للورد أثناء حصار مافكنج ، ملي حاصرت عصابات البوير (مهاجرين من أصل هولندي) ديال لينكليز . فهاد الوقت، استعان بالشباب باش يقومو ببعض لأعمال لعسكرية بحال الحراسة، الطهي، ونقل الرسائل، وتمكنو من فك الحصار بعد .
من بعد هاد التجربة، قرر بادن پاول يدير فرق كشفية حسب عمر الشبان، ودار أول مخيم تجريبي سنة 1907 فـ انكليز، فالأيام التسعة الأولى من شهر أغسطس فـ جزيرة براونسي، وشارك فيه 20 فتى. من بعد نجاح ديال هاد لفكرة، وسع لفئة لعمرية وضم أشبال .
بادن پاول دار مبادئ لكشافة ف كتابو "لكشافة للأولاد" اللي خرج فـ لندن عام 1908، وداكشي كان مبني على تجاربو لعسكرية، وبمساعدة ودعم ديال فريدريك راسل بيرنهام، اللي كان كبير لكشافين فإفريقيا البريطانية.
فبداية لقرن لعشرين، ولات لحركة لكشفية كتضم ثلاث مجموعات عمرية ديال الدراري: الأشبال، لكشافين، ولجوالة. ومن بعد، فـ 1910، تأسسات منظمة خاصة بالبنات سموها "المرشدات"، وكانت من تأسيس خت بادن پاول، وبمساعدة حتى من مراتو. وهاد المنظمة شملت فئات بحال الزهرات، والمرشدات، وبنات الكشافة.
وفـ 1909، تنشر كتاب "الكشافة للأولاد" بنسخة موسعة، وتترجم لعدة لغات، ودار صدى كبير فالعالم فمجال التربية والكشفية. و بادن پاول و مراتو بقاو كيسيرو هاد الحركة حتى توفى.
أول مهرجان عالمي ديال الكشافة تدار فـ عام 1920، ومن بعد ولات الكشافة كتنتاشر فـ العالم كامل ما بين الحرب العالمية الأولى والتانية، إلا فـ الدول الشيوعية اللي تمنعات فيها.
واللي خاصنا نعرفوه هو أن فكرة الكشافة جات عندها أهداف تربوية وتعليمية، وتسميات "الكشافة" جاية من "الكشف"، حيت الهدف منها هو أن الواحد يتعلم القيم، والأخلاق الزوينة، والتربية الصالحة باش يكون مواطن نافع فالمجتمع.
لحركة لكشفية كتستعمل برنامج تعليمي كيعتمد على لأنشطة لعملية ف لهواء طلق، بحال نصب لخيام، صناعة الخشب، اللعب فالماء، الم على رجلي، التجوال، والألعاب الرياضية.
اللي كيميز لحركة هو زي الرسمي ديال الكشاف، واللي الهدف منو هو يخفي الاختلافات الاجتماعية ويعطي إحساس بالمساواة بين الكل. هاد الزي فيه وشاح رقبة، لقبعة ديال لحملةولا لباس ديال لقائد.
وكاينين حتى لشارات اللي كتكون علا زي، بحال شعار لكشافة، وشارات لستحقاق ورموز اللي كتدل على لمهارات ونشاطات اللي دارهالكشاف.
في عام 2007، كانو لكشافة كيتجاوزو 38 مليون عضو من 216 دولة. أكبر جمعيتين هما لمنظمة اعالمية ديال لكشافة (WOSM) اللي كتضم غير لولاد، ولجمعية لعالمية ديال لمرشدات وبنات لكشافة (WAGGGS) اللي فيها منظمات مختلطة. هاد لعام كان كيحتافلو فيه ب ذكرى المية للحركة لكشفية ف لعالم، وكل لمنظمات خططات باش تحتفل بهد لمناسبة لكبيرة.[2]
لمرحلة ديال لبراعم كتهم لأطفال من 3 حتى لـ7 سنين، هادو كيبداو يتعلمو لمبادئ لأولى ديال لكشفية بطريقة بسيطة وممتعة. من بعد كتجي مرحلة لأشبال من 7 حتى لـ11 سنة، وهنا كيولي تركيز على تنمية مهارات تعاون وحب طبيعة. من 11 حتى لـ14 سنة كتكون مرحلة لفتيان، اللي فيها كيتمكنو من تحديات أكبر وتكوين شخصية قوية. مرحلة لمتقدم كتبدا من 14 حتى 17 سنة، وكاينين لي يسميوها "مرشحين لجوالة"، وهنا كيحضرو باش يولي عندهم دور قيادي. بعد ذلك كتجي مرحلة لجوال من 17 سنة حتى يكمل شخص لمنهج ديالو، وهنا كيولي أكثر استقلالية ومسؤولية. مرحلة لقيادة كتجي بعد هاد لمرحلة، فين كيبدأ لواحد يساهم بشكل مباشر في تكوين لأجيال جديدة. وأخيراً، مرحلةرواد كتهم ناس اللي وصلو لـ40 سنة وفوق، هادو كيعتبروا خبراء ومكرمين ف لحركة لكشفية، ولكن ما كيشاركوهاش مباشرة في لفرق ولا لإشراف، بل كيعطيو الدعم والنصيحة بناءً على التجربة ديالهم. هاد لمراحل كلها متكاملة، وكتساعد على بناء شخصية متوازنة وقادرة على مواجهة تحديات الحياة.
وعد لكشافة هو وعد كيقولو لكشاف أول مرة كينضم فيها للكشفية، ونص ديالو هو :"كنوعد بشرفي أنني غادي ندير كامل جهدي باش نكون قد لمسؤولية قدّام الله وبلادي، ونعاون ناس فكل وقت وفكل حال، ونتبع قوانين لكشافة."[3]
قانون لكشافة هو مجموعة ديال لمبادئ اللي كيوعد بها لكشاف باش يلتازم بيها، وهما:
1. الكشاف يكون صادق وكيتحلى بثقة.
2. مخلص لله، للوطن ولمولا أمره، وكيطيعهم بلا ما يتردد.
3. كيسعى يكون نافع ويساعد ناس فكل ظروف.
4. ودود وصاحب للجميع وأخ لكل كشاف.
5. مؤدب فكلامو وتصرفاتو.
6. كيحب لحيوانات ونباتات وكيتفكر أنلطبيعة آية من الله.
7. كيطيع والديه وعريف طليعتو وقائدو بلا ما يعاند.
8. بشوش وكيواجه صعوبات بابتسامة وصدر رحب.
9. مقتصد فمصروفو وتصرفاتو.
10. نظيف فكلامو، أفعالو، فكرُو وحتى فلباسو.
11. شجاع، ماكيهربش من تحديات ولا لمخاطر.[4]
- ↑ Scouting 'round the world: facts and figures on world scouting and on national scout organizations which are members of the world organization of the scout movement = Le scoutisme à travers le monde: informations et statistiques sur le scoutisme mondial et les organisations nationales membres de l'organisation mondiale du mouvement scout. Geneva : North Brunswick, N.J: Public Relations and Communications Service, World Scout Bureau ; available from Supply Service, Boy Scouts of America. 1979. ردمك 978-2-88052-001-4.
- ↑ An Ideal, a Movement, an Organization. Palgrave Macmillan. ردمك 978-1-137-01206-7.
- ↑ Grylls, Edward, (Bear), (born 7 June 1974), television presenter and author; Chief Scout, Scout Association, since 2009. Oxford University Press. 2009-12-01.
- ↑ Grylls, Edward, (Bear), (born 7 June 1974), television presenter and author; Chief Scout, Scout Association, since 2009. Oxford University Press. 2009-12-01.