كاس لعالم 2018

كاس لعالم 2018
الشعار الرسمي د كاس لعالم 2018
معلومات عامة
نوع د تورنوا	كاس لعالم
سپور	كورة
نمرة	21
لبلاد لمضايفة	روسيا
لمونضيم	ليتيحاد الدولي ديال كورة
لبدية	14 يونيو 2018
لمسالية	15 يوليوز 2018
عدد د لمشاركين	32
تيرانات	12
لبلايص	11 مدون
نتايج
لفرقة رّابحة	فرانسا
لفرقة تّانية	كرواتيا
لفرقة تّالتة	بلجيكا
لفرقة رّابعة	نڭليز
لماتشات لملعوبين	64
بيوتا تماركاو	169 (2,64 ف كل ماتش)
لجمهور	3.031.768 (47.371 ل كلا لماتش ف لموعدّال)
لهدّاف	هاري كيين (6 د لبيوتا)
أحسن لعّاب	لوكا مودريتش
أحسن لعّاب شاب	كيليان مباپي
أحسن ڭون	تيبو كورتوا
جايزة د لّعب نّقي	سپانيا
كاس لعالم 2022 ← → كاس لعالم 2014

كاس لعالم 2018 كانت هي الدورة 21 د كاس لعالم ديال الفيفا، و هي أكبر بطولة عالمية ديال كورة. تنظّمات ف روسيا ما بين 14 يونيو و 15 يوليوز 2018، و كانت أول مرة روسيا كتحتاضن هاد المسابقة، و أول مرة كاتنظم ف بلاد من ؤروپا الشرقية.

لمغريب ف كاس لعالم 2018

لمغريب رجع ل كاس لعالم من بعد غياب طويل دام 20 عام، حيت آخر مشاركة قبلها كانت ف كاس لعالم 1998. لمنتخب لوطني لمغريبي د لكورة كان فالمجموعة تانية مع سپانيا، لبرطقيز ؤ إيران.

لمغريب خسر لماتش لول ضد إيران ب 1–0، ؤ خسر ضد لبرطقيز ب 1–0، ؤ تعادل مع سپانيا ب 2–2. وخا تّقصى من دور لول، لمنتخب لمغربي بان بمستوى مزيان ؤ كان قريب يربح ف بعض لماتشات.