كاس لعالم 1998

كاس لعالم 1998
الشعار الرسمي د كاس لعالم 1998
معلومات عامة
نوع د تورنوا	كاس لعالم
سپور	كورة
نمرة	16
لبلاد لمضايفة	فرانسا
لمونضيم	ليتيحاد الدولي ديال كورة
لبدية	10 يونيو 1998
لمسالية	12 يوليوز 1998
عدد د لمشاركين	32
تيرانات	10
لبلايص	10 مدون
نتايج
لفرقة رّابحة	فرانسا
لفرقة تّانية	لبريزيل
لفرقة تّالتة	كرواتيا
لفرقة رّابعة	هولندا
لماتشات لملعوبين	64
بيوتا تماركاو	171 (2.67 ف كل ماتش)
لجمهور	2.785.100 (43.517 ل كلا لماتش ف لموعدّال)
لهدّاف	داڤور شوكر (6 د لبيوتا)
أحسن لعّاب	رونالدو
أحسن لعّاب شاب	مايكل أوين
أحسن ڭون	فابيان بارتيز
جايزة د لّعب نّقي	نڭليز و فرانسا
كاس لعالم 2002 ← → كاس لعالم 1994

كاس لعالم 1998 كانت هي الدورة 16 د كاس لعالم ديال الفيفا، و هي بطولة عالمية كتنظمها ليتيحاد الدولي ديال كورة كل ربع سنين بين لمنتخبات لوطنية. تنظّمات ف فرانسا ما بين 10 يونيو و 12 يوليوز 1998، و شاركو فيها 32 منتخب من قارات مختالفة.

لخلفية و التنظيم

الفيفا ختارات فرانسا باش تنظم كاس لعالم 1998. هاد نسخة كانت أول دورة د كاس لعالم فيها 32 منتخب، من بعد ما كان العدد ف نسخ سابقة هو 24 منتخب.

تلعبو لماتشات ف 10 تيرانات موزعين على 10 د لمدون. من لمدون لي حتاضنات لبطولة كانو باريس، مارسيليا، ليون، سان دوني، بوردو، لانس، نانت، تولوز، مونپوليي و سانت إيتيان. لفينال تلعب ف ستاد دو فرانس ف سان دوني.

لمنتخبات لمشاركة

شاركو ف البطولة 32 منتخب. فرانسا شاركات نيشان حيت هي لبلاد لمضايفة، و لبرازيل شاركات نيشان حيت كانت هازة لقب كاس لعالم 1994. باقي لمنتخبات تأهلو من التصفيات القارية.

كانت هاد نسخة فيها منتخبات قوية بحال فرانسا، لبرازيل، كرواتيا، هولاندا، الطاليان، لارجونتين، ألمانيا و النڭليز.

لمغريب شارك ف هاد الدورة ف المجموعة اللولة مع لبرازيل، النورڤيج و سكوطلاندا. المنتخب المغربي ربح سكوطلاندا ب 3–0، تعادل مع النورڤيج ب 2–2، و خسر ضد لبرازيل ب 3–0، ولكن ما دازش للدور تاني.

فرانسا دارت دورة قوية وربحات اللقب للمرة اللولة ف تاريخها، من بعد ما ربحات لبرازيل ف لفينال ب 3–0. ف المقابل، كرواتيا دارت مسار كبير ؤ وصلات للدومي فينال ؤ ربحات لمركز تالت ف لمشاركة اللولة ليها ف كاس لعالم كـ دولة مستاقلة.