كاس لعالم د قل من 17 عام 2025
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
كاس لعالم د قل من 17 عام 2025
| ||
 | ||
| معلومات عامة | ||
| نوع د تورنوا | كاس لعالم د قل من 17 عام | |
| سپور | كورة | |
| لبدية | 3 نونبر 2025 | |
| لمسالية | 27 نونبر 2025 | |
← → | ||
كاس لعالم د قل من 17 عام 2025 غادي تكون هيّ كاس لعالم د قل من 17 عام نمرة 20 لي هوّ التورنوا السنوي لي كاتنظمو فيفا للمنتخبات لوطنية لعضوة فيها د كورة ديال قل من 17 عام. غادي يدوز هاد التورنوا ف قطر مابين 3 و 27 نونبر.[1] غادي يكون اللول من 5 د كيسان لعالم د قل من 17 عام متّابعين لي غادي يتلعبو ف قطر، ديال 2026، 2027، 2028، و 2029.[2]
هاد النسخة هي اللولة ف لفورما الجديد لي غادي يتلعب كل عام، و غادي يكونو فيه 48 فرقة، بلاصت 24 فرقة كل عاماين كيما كان قبل.[3]
لمنتخب د ألمانيا هوّ لي كيدافع على اللقب ديالو لي داه ف 2023.
من هاد النسخة، كاس لعالم د قل من 17 عام غادي تعرف تبديلات ف لفورما لي كان معتامد ف نسخة 2023. هاد التبديلات جاو من قتيراحات ديال الجامعة د لكورة د ليبيريا ف لكونڭري نمرة 71 ديال فيفا لي تدار ؤنلاين نهار 21 ماي 2021، على موضوع لمنافسات ديال الشباب.[4][5] بدات فيفا واحد لپروصي ديال لإستشارة بين الجامعات لأعضاء ديالها، قبل ماتنشر تقرير لي دارو رئيس تطوير لكورة لعالمية عند لفيفا أرسين ڤينڭر، لي من ضمنو كانت فكرة كاس لعالم د قل من 17 عام ب 48 فرقة.[6][7] ف الشهورا لي تبعو التقرير، تدارت مراجعة مستامرة ل هاد لقتيراحات تا وافقات عليهم لجنة لفيفا ف أكتوبر 2023،[8][9] و عاود كونفيرمات ف 14 مارس 2024.[3]
لفورما اللول كان غادي يقسم لفراقي ل 4 التورنوات صغار ب 12 فرقة ف كل واحد، و ف كل تورنوا يكونو ڭروپات فيهم 4 د لفراقي. الرابحين التلاتة و أحسن منتخب جا التاني غادي يلعبو الدومي فينال و لفينال ديال كلا تورنوا صغير، و الرابحين د كلا تورنوا غادي يعاودو يلعبو دومي فينال و فينال ا ماتش د الترتيب ديال التورنوا كامل.[7]
ف مارس 2025، فيفا علنات بلي لفورما غادي يتلعب بحال ف كاس لعالم 2026. لفراقي غادي يتقسمو ل 12 ڭروپ ب 4 د لفراقي ل كل واحد، و كل فرقة غادي تلعب ماتش واحد ضد لفراقي التلاتة لخرين ف لڭروپ ديالها. الجوج فراقي اللولين و أحسن 8 جاو التانيين كايتأهلو للدور د 32، و كيبقاو يلعبو تا كانوصلو للفينال. التورنوا كامل غادي يتلعبو فيه 104 ماتش، لي هوّ الضوبل ديال النسخات لي فاتو.[10]
ف 15 نونبر 2023، دارت فيفا إعلان طلب ديال الترشيحات من عند الدول لأعضاء، باش يضايفو النسخات لخمسة الجايين ديال كاس لعالم د قل من 17 عام (2025 تال 2029) ف دقة وحدة. لأجال اللخر كان هوّ 4 دجنبر 2023.[11][12]
مور لإجتماع ديال لجنة لفيفا ف 14 مارس 2024، تّعلن بلي قطر غادي تضايف النسخات لخمسة الجايين، لي غادي يدوزو كل عام.[13][14] وخا فيفا ماعلناتش شكون دفع الترشيحات، معروف بلي إندونيسيا و سانغافورة دارو ترشيح موحد، و الدانمارك تا هيّ دفعات ترشيح خور.[15][16] هادي لمرة اللولة لي قطر كاتنظم هاد التورنوا.
التيرانات فين غادي يتلعب التورنوا علتانهم فيفا ف 22 ماي 2025.[17]
جميع لماتشات غادي يتلعبو ف مدينة الريان ف لموكراب الرياضي ديال منطقة أسپاير. لفينال غادي تّلعب ف التيران الدولي د خليفة لي تا هوّ جا ف منطقة أسپاير.
|
| الريان | |
|---|---|
| منطقة أسپاير | |
| 8 د التيرانات د اللعب | التيران الدولي د خليفة |
| التيساع: 45.857 | |
 |
 |
48 فرقة تأهلات للتورنوا. زيادة على منتخب قطر لي تأهل نيشان على قيبال كيمتل لبلاد لمضايفة، لفراقي ال47 لخرين دازو من إقصائيات قارية. عدد لبلايص ديال كل قارة ف لفورما الجديد حدداتهم لجنة لفيفا ف 15 ماي 2024:[18]
- أسيا: 9 (منهم قطر لمضايفة)
- إفريقيا: 10
- كونكاكاف (أمريكا الشمالية، لوسطانية و لكارايبي): 8
- كونميبول (أمريكا الجنوبية): 7
- ؤقيانوسيا: 3
- ؤروپا: 11
الصالڤاضور، فيدجي، جمهورية إرلاندا، ؤڭاندا و زامبيا غادي يشاركو لمرة اللولة ف كاس لعالم د قل من 17 عام. ؤڭاندا كاتشارك لمرة اللولة ڭاع ف شي تورنوا ديال فيفا.
بوليڤيا تأهلات ل تورنوا د فيفا للمرة اللولة من كاس لعالم 1994. إندونيسيا، بعدما نظمات التورنوا ديال 2023، تأهلات ب دراعها (على طريق لإقصائيات) لمرة اللولة ف تاريخها ل تورنوا د فيفا.[a]
إكواضور، إيران، پولونيا و سپانيا فشلو ف التأهول، وخا كانو شاركو ف النسخة لي فاتت.
- ↑ ف كاس لعالم 1938، لمنتخب د لهند الشرقية لهولاندية ديك الساع خدا لبلاصة ديال الجاپون لي كانت نسحبات؛ ف 1979، لمنتخب لإندونيسي د قل من 20 عام لعب ف الشومپونا لعالمي د الشباب 1979 باش يكون واحد من بين منتخبات لي خداو لبلاصة ديال 3 د لفراقي من أسيا لي كانو نساحبو.
- ↑ "Qatar appointed as host of FIFA U-17 World Cup annually from 2025 to 2029". FIFA.com. Fédération Internationale de Football Association. 14 March 2024.
- ↑ "FIFA U-17 World Cup expands to 48 teams". FIFA.com. Fédération Internationale de Football Association. 14 March 2024.
- 1 2 Onyeagwara، Nnamdi (14 March 2024). "FIFA men's U17 World Cup increasing to 48 teams with next five to be held in Qatar". The New York Times.
- ↑ "FIFA Congress votes on future of FIFA Women's World Cup™ hosting and looks to explore new competition opportunities". FIFA.com. Fédération Internationale de Football Association. 21 May 2024.
- ↑ Kokoi، Anthony (25 May 2021). "LFA's Proposal Overwhelmingly Voted for at FIFA 71st Congress". Liberian Observer.
- ↑ "The most inclusive and thorough consultation process that football has ever seen". FIFA.com. Fédération Internationale de Football Association. 30 September 2021.
- 1 2 "FIFA Proposal for the future of global youth competitions" (PDF). FIFA.com. Fédération Internationale de Football Association. 20 December 2021.
- ↑ "FIFA World Cup 2022™ praised for its "unique cohesive power"". FIFA.com. Fédération Internationale de Football Association. 16 December 2022.
- ↑ "2023-2027: FIFA President lays out objectives for the future". FIFA.com. Fédération Internationale de Football Association. 16 March 2023.
- ↑ "Regulations for the FIFA U-17 World Cup Qatar 2025–2029" (PDF). FIFA.com. Fédération Internationale de Football Association. March 2025. تطّالع عليه ب تاريخ 13 April 2025.
- ↑ "Circular no. 1864 Expression of interest to host upcoming FIFA tournaments" (PDF). FIFA.com. Fédération Internationale de Football Association. 15 November 2023.
- ↑ "FIFA gave MAs 20 days to bid for U-17, 5-year hosting packages before handing rights to Qatar and Morocco". Inside World Football. 27 March 2024.
- ↑ "FIFA Council takes key decisions ahead of the 74th FIFA Congress". FIFA.com. Fédération Internationale de Football Association. 14 March 2024.
- ↑ "Qatar to Host FIFA U-17 World Cup for Next Five Editions". Qatar Football Association. 14 March 2024.
- ↑ Deepanraj، Ganesan (4 December 2023). "Singapore and Indonesia express interest to co-host football's U-17, U-20 World Cup". The Straits Times.
- ↑ "FIFA moved goalposts as Danish bid for U17 World Cup ignored in favour of Qatar and Morocco". Inside World Football. 20 March 2024.
- ↑ "Everything you need to know about the FIFA U-17 World Cup 2025™". FIFA.com. Fédération Internationale de Football Association. 9 January 2025. تطّالع عليه ب تاريخ 22 May 2025.
- ↑ "FIFA Council approves Women's International Match Calendar 2026-2029". FIFA.com. Fédération Internationale de Football Association. 15 May 2024.