كاس إفريقيا 2019

كاس إفريقيا 2019 كانت هي الدورة 32 د كاس إفريقيا د لأمم، وهي بطولة كتنظمها كونفدرالية إفريقية د لكورة بين لمنتخبات الإفريقية. تنظّمات ف مصر ما بين 21 يونيو و19 يوليوز 2019، وشاركو فيها 24 منتخب.^[1]

لخلفية والتنظيم

هاد نسخة كانت أول دورة د كاس إفريقيا فيها 24 منتخب، من بعد ما كان العدد هو 16 منتخب. تلعبات لماتشات ف 6 تيرانات موزعين على 4 مدون ف مصر.

شاركو ف البطولة 24 منتخب. مصر شاركات نيشان حيت هي لبلاد لمضايفة، وباقي لمنتخبات تأهلو من التصفيات.

كانت هاد النسخة فيها منتخبات قوية بحال دزاير، السنغال، نيجيريا، تونس، مصر، لمغريب و الكوت ديفوار.

لمغريب شارك فهاد دورة، وداز من دور لمجموعات، ولكن خرج من ثمن النهائي قدام بنين بضربات الترجيح.

تلاعب النهائي نهار 19 يوليوز 2019 بين دزاير و السنغال ف ستاد القاهرة الدولي. دزاير ربحات ب 1–0، والبيضة سمرقها بغداد بونجاح فبداية لماتش.

بهاد رباح، ربحات دزاير كاس إفريقيا للمرة تانية ف تاريخها، من بعد اللقب اللول ديال كاس إفريقيا 1990.