كاسيلدا إيتورريزار
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
كاسيلدا إيتورريزار
| ||
| ||
| معلومات عامة | ||
| زيادة | 20 يوليوز 1818 بيلباو | |
| لموت | 22 فبراير 1900 (81 عام) بيلباو | |
| لجنسية | سپانيا | |
| لحرفة | بيزنيسمان و بنايكي | |
| لّوغات لي كيعرف | صبليونية | |
| لفاميلة | ||
| شريك | Tomas José Epaltza | |
كاسيلدا إيتورريزار (1818 - 22 فبراير 1900) معروفة حتى بسمية ديال لهجّالة[ن 1] ديال إيپالزا، هي مُحسِنَة و مرا د لأعمال صبليونية مْنْ مْدينة بيلباو فبلاد لباسك. كانت كتعاون الناس الضوعافا ديال مدينة بيلباو ب الصَّدَقة من فلوس الثروة ديالها. الشارع لي كانت كتعيش فيه، و الجناح ديال صبيطار باسورتو و حتى الجردة ديالْ لمدينة تْسماوْ بسميتها.
كاسيلدا مارڭاريتا دي إتورريزار و أوركيو تزادت ف بيلباو الصبليونية. بَّاهَا سميتو خوصي يلاريون كان تاجر و مْهَا سميتها يوجينيا نيكولاسا أوركييو سيورتيڭاراي. ف عام 1833 من بعد ما مات بَّاهَا، إتورريزار غادية تخدم عند واحد من كبار تجار ديال بيلباو لي غادية تتزوج بيه من بعد سميتو توماس خوصي دي إيپالزا (1798-1873).[1]
باش يتزوج إيپالزا من مارڭاريتا طلب الطلاق من مراتو لولى، شي لي حصل عليه من الكنيسة ولكن هاد الطلاق ما لغاش رسميا الزواج ديالو من مراتو لولى. و بقى مزوج بيها حتى مات ف1857.[1]
إيتورريزار و إيپالزا تزوجو ف عام 1859.[1] ف داك الوقت راجلها إيبالز كان جمع ثروة ديال لفلوس من لبنكة ديال بيلباو لي كان واحد من المؤسسين ديالها (1857) مع ولاد عمو پابلو دي إپالزا ليكاندا و دومينڭو دي إپالزا لاراوندو.[2]
كان عند إيپالزا ستثمارات وحدا خرة بحال لمشروع ديال سكة ديال بيلباو-توديلا و أول شركة ديال صناعة الفولاد ف بلاد لباسك.[1]
من بعد ما مات راجلها ف عام 1873، إيتورريزار غادية تولي هي لمسؤولة على الأملاك ديال راجلها. غادية تْخلَّى على شي أملاك و غادي تبقى مْركْزَة على الأبناك و العقارات، السكة ديال تران، التعدين و لفاخر الحجري. إيتورريزار غادية تولي أغنى مرا ف مدينة بيلباو من بعد لموت ديال راجلها.
إيتورريزار مَوْلاتْ لبني ديال مدرسة تيڤولي لي غادي تتسمى من بعد بسميتها، ب لمعاونة ديال الجمعية لكورالية د بيلباو، و دارت منحة للتلامد المتفوقين ديال لمدينة لي كايقراو مزيان. و كانت كتبرع ل بزاف ديال لمنظمات الكثوليكية بحال الكلاريتيون ف حي سان فرانسيسكو. و لجماعة ديال خدام ليسوع دي لا ناخا ولأوڭوستينيين ديال مدينة پورتوڭاليطي.[1]
ستثمرات إيتورريزار ف جمعية لمجهولين ديال لمسرح الجديد ديال بيلباو، لي تأسسات ف عام 1885 و لي بنات مسرح أرياڭا ف عام 1890.[3]
غادية تدخل لمجلس الأمناء ديال المؤسسة الكاثوليكية للمدارس و العمال ف عام 1891 باش تحقق هدفها باش توفر "تعليم فابور، معايير أخلاقية، تفواج (ترفيه)، و لحماية ديال الطبقة العاملة".[1]
توفات إيتورريزار ف بيلباو، ف 22 فبراير 1900.[1]
ما كان عندها حتى شي ولد أولا شي وريث، فَ غَادي توْهب الثروة ديالها لي وصلات ل 7.5 مليون پيصيطا ل بزاف ديال لمنظمات الإجتماعية، دار دي ميركورديا و الصبيطار المدني من بعد ما ماتت.[4] ،
خلات إيتورريزار الدخل ديالها ل صندوق ب منحة دراسية للمدارس العامة ف بيلباو، و لي بدات ف عام 1902 و مازالا خدامة حتى لليوم.
ف الجردة لكبيرة ديال ضونيا كاسيلدا إيتوريزار ف بيلباو، لي تسمات بسميتها و لي كاينة ف سونطر ديال لمدينة. كاين تمثال تدكاري ديالها لي صايبو الفنان و النحات لكاطالوني أڭوستين كيرول.[5][6]
واحد من الجناحات ديال صبيطار باسورتو ف بيلباو تسمى على شرفها.[3]
الذكرى ديال إيتوريزار مازالة مُخلَّدَة ف الشَّارع لي عاشت فيه ف بيلباو Viuda de Epalza على واحد بلاكة لي مكتوب فيها (بالصبليونية):
"عام MCDCCCC، مدينة بيلباو، ف الدكرى ديال ضونيا كاسيلدا دي إيتوريزار، السْمَا عْطاتْ ليها بزافْ ديال الثروات، لي شاركتها بْسْخاوَة مْع لفقرا ديال العالم".[3]
|
ويكيميديا كومنز عندا تصاور و معلومات على كاسيلدا إيتورريزار. |
- ^ a b c d e f g "Casilda de Iturrizar y Urquijo (1818-1900) - Euskonews". www.euskonews.eus (ب الباسكية). تطّالع عليه ب تاريخ 2020-07-10."Casilda de Iturrizar y Urquijo (1818-1900) - Euskonews". www.euskonews.eus (in Basque). Retrieved 2020-07-10.
- ^ "EPALZA Y ZUBARAN, Tomás José de - Auñamendi Eusko Entziklopedia". aunamendi.eusko-ikaskuntza.eus (ب الباسكية). تطّالع عليه ب تاريخ 2020-07-10.
- ^ a b c Cava Mesa، Begoña. "Casilda de Iturrizar y Urquijo". Real Academia de la Historia (ب صبليونية). مأرشيڤي من لأصل ف 2020-07-14. تطّالع عليه ب تاريخ 2020-07-14.
- ^ "Casilda Iturrizar Urquijo. Viuda de Epalza (1818-1900). Una biografía – Fundación Bilbao 700 – III Millenium Fundazioa". www.bilbao700.eus. مأرشيڤي من لأصل ف 2021-04-19. تطّالع عليه ب تاريخ 2020-07-10.
- ^ "Iturrizar, Casilda - Auñamendi Eusko Entziklopedia". aunamendi.eusko-ikaskuntza.eus (ب الباسكية). تطّالع عليه ب تاريخ 2020-07-10.
- ^ "Monumento a Casilda de Iturrizar". esculturaurbana (ب صبليونية). مأرشيڤي من لأصل ف 2018-10-27. تطّالع عليه ب تاريخ 2020-07-14.
- بالپاردا، جي.: ضونيا كاسيلدا دي إيتورريسار، هجّالة من إيپالزا، مجلة "Euskal Erria"، 1906، LV، ص 230-235.