كاراتشي

كاراتشي
کَراچی (ur) Karachi (en) ڪراچي (sd)
تاريخ التأسيس	1729
لبلاصة
لبلاد	پاكيستان
لعاصيمة	Gulshan Town
لإقليم	السند
لإدارة
لعمدة	مرتضى وهاب (19 يونيو 2023)
السكان
شحال دالسكان	14,910,352 (2017)
اللوغات	لأوردو نڭليزية
لجغرافيا
لميساحة	3,527 كم²
لعلو	8 م
معلومات خرين
توقيت ديال لمدينة	ڭرينيتش +5
نمرة التيليفون لمحلية	021
كود د لبوصطة	74000–75900
السيت الرسمي	kmc.gos.pk
الرمز لجغرافي	1174872

كاراتشي (بلينݣليزية: Karachi - بلأوردو: كراچى - بالسندي: ڪراچي) هي أكبر مدينا ف پاكيستان و لعاصيما د لمحافضة د السند. هي لعاصيما لقتيصاديا و لمالية د لبلاد، و كانت تا عاصيما إدارية من 1947 ل 1959. جات كاراتشي ف لجنوب د لبلاد، ف الشمال لغربي د الديلطا د لواد د السند، و كاطّل على لبحر لعربي.

تيسكنو ف كاراتشي شويا كتر من 20 مليون د الناس، و هو اللّي مخلّيها تكون طانش أكبر مدينا ف لعالم. فيها مطار دولي (مطار جناح، أكبر مطار ف پاكيستان)، و أكبر مرسا ف لبلاد.

التاريخ ديالها

لبلاصة اللي فيها كاراتشي سكنو فيها الناس من لعصور لقدام، و كانو فيها بزاف د الدواور مفرقين. ملّي حتلّوها لبريطانيين ف 1839، تطورات دغيا حيت خدّمو بزاف لمرسا ديالها و وسعوه، و ردّوها لعاصيما د السند. من مورا ما ستاقلات پاكيستان، كانو ساكنين فيها جوايه 400 ألف واحد، و لكن زادو دغيا، كتيرشي باللي بزاف د لمسلمين د لهند جاو ليها من مورا ما كانو لبلدان بجوج كيجريو على الناس على حساب الديانة.

كاراتشي كانت هي أول عاصيما د پاكيستان ملّي ستاقلات ف 1947، و لكن لحكومة بغات تبدّلها لمدينا خرا تكون ف لوسط د لبلاد كتر، و حيت كان لما فيها كيقلال و ضايرا بيها غي الصحرا. داكشي علاش ولاّت راوالپندي هي لعاصيما ف 1959. تا هي من بعد ما بقاتش عاصيما ف 1967، حيت صافي ديك الساعة كانت تبنات لعاصيما الجديدة إسلام أباد.

ناس مشهورين منها

بزاف د الناس مشهورين عندهم علاقة ب كاراتشي، و إما تولدو ولا عاشو ولا ماتو فيها. بحال:

• محمد علي جناح (تولد و مات فيها و كاين الضريح ديالو تمّا)
• پيرڤيز مشرف (كبر فيها)
• بينازير بوتو (تولدات فيها)

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.

ويكيميديا كومنز عندا تصاور و معلومات على كاراتشي.