انتقل إلى المحتوى

كاس لعالم 2026

من ويكيپيديا
(تحولات من كأس العالم 2026)
كاس لعالم 2026
معلومات عامة
نوع د تورنواكاس لعالم
سپوركورة
نمرة23
لبلاد لمضايفةلمكسيك، الولايات المتاحدة د ميريكان و كانادا
لمونضيمليتيحاد الدولي ديال كورة
لبدية9 يونيو 2026
لمسالية19 يوليوز 2026
عدد د لمشاركين48
لبلايصملعب أروهيد، ملعب دالاس كاوبويز، بي سي بليس، ملعب بي إم أو فيلد، ملعب أكرون، ملعب أزتيكا، ملعب بي بي في إيه، ملعب جيليت، ملعب هارد روك، ملعب ليفاي، ملعب لينكون فاينانشال فيلد، ملعب سينشري لينك فيلد، ملعب مرسيدس-بنز، ملعب ميتلايف، ملعب إن آر جي و ملعب صوفي


كاس لعالم فيفا 2026 هيّا كاس لعالم نمرة 23 د لكورة د رّجال لي غادي تّلعب ف ميريكان، كانادا، و لمكسيك ف الصيف د 2026.

هاد التورنوا غادي يكون أول كاس لعالم كيتنضّم ب 48 فرقة بلاصت 32، أول تورنوا كينضّموه تلاتة د لبلدان، و لمكسيك غادي تكون أول بلاد كاتشارك ف تنضيم كاس لعالم تلاتة د لمرات، بعدما كانت نضّماتو ف 1970 و 1986. التورنوا غادي يتّلعب ف 16 مدينة، ب مجموع د 104 ماتش، 78 ف ميريكان، و 13 ل كلا وحدة من كانادا و لمكسيك.[1][2]

الترشيح لموحد ديال لميريكان، كانادا، و لمكسيك كان غلب الترشيح د لمغريب ف لمؤتمر د لفيفا نمرة 68 لي تدار ف موسكو ف 13 يونيو 2018.

42 منتخب ل حد الساعة تأهلو ل هاد التورنوا، منهم 26 بانو ديجا ف كاس لعالم 2022، و 4 كايشاركو لمرة اللولة، هوما الراس لخضر، لأردن، كوراصاو و ؤزباكيستان.

لمنتخب د لارجونتين هيّ لفرقة لي كاتدافع على اللقب ديالها ف هاد النسخة بعدما كانت دّات لكاس لي فاتت.

ختيار لبلاد لمضايفة

[بدل | بدل لكود]

مابين 2013 و 2017، كان بزاف ديال سير و أجي ف اللجنة د لفيفا على مسألة الضورة د لمضايفة على حساب لكونفيديرالية. ف اللول كانو لبلدان ممنوعين ينظمو يلا كينتاميو ل كونفيديرالية نظمات كاس ف الجوج لمرات اللخرين. تبدّل لقانون مؤقتاً باش يمنع غير لبلدان ديال لكونفيديرالية لي نظمات لمرة اللخرة،[3] قبل مايعاود يرجع كيفما كان.

اللجنة د لفيفا دارت إستتناء ف حالة يلا عضو ديال كونفيديرالية نظمات لكاس قبل اللخرة مستاعدة تنظم ف لوقت لي ماكاين تا شي ترشيح مزيان كيلبّي الشروط التقنية و لمالية.[4][5] ف مارس 2017، جياني إنفانتينو، الرئيس د لفيفا كونفيرما بلي ؤروپا و أسيا ممنوعين من الترشيح بعدما تختارو روسيا و قطر ل تنظيم كاس لعالم 2018 و 2022 على التوالي.[6] داكشي علاش باب الترشيح كان محلول غير ل أمريكا الشمالية (نظمات لمرة اللخرة ف 1994)، إفريقيا (نظمات لمرة اللخرة ف 2010)، أمريكا الجنوبية (نظمات لمرة اللخرة ف 2014)، ؤقيانوسيا (ماعمّرها نظمات)، و تقدر لكونفيديرالية د ؤروپا تنظم ف حالة يلا ما كان تا ترشيح مزيان.

التنظيم لمشتارك كان تّمنع من عند فيفا بالنسبة ل كاس لعالم 2022، ولايني دارت دارت إستتناء ل كاس لعالم 2026، بلا تحديد ديال عدد لمنظمين و على حساب دراسة كلّا حالة. لأمانة لعامة ديال لفيفا، مور إستشارة معا اللجنة، ولّات عندها السلطة باش تحيّد أي ترشيح ماكيحققش الشروط التقنية لأولية ديال التورنوا.[4]

كانادا، لمكسيك و لميريكان كانو معوّلين يترشحو كل واحد بوحدو، ولايني ف 10 أبريل 2017 علنو بلي غادي يترشحو مجموعين.[7][8] ف مارس 2022، ميكيل أريولا، الرئيس ديال ليڭا إم إكس (لبوطولة د لمكسيك) ڭال بلي لمشاركة ديال بلادو ف التنظيم كانت تقدر تكون تحت لحكاكة كون الليڭا و لفيديرالية د لمكسيك ماستاجبوش بالزربة للحاديتة د كيطيرارو و أطلس لي تجرحو فيها 26 متفرج و تشدو 14 واحد. أريولا ڭال بلي فيفا "تصدمات" ب هاد لحاديتة ولايني لإستجابة و لعقوبات لي طبقو السلطات ضد فرقة كيطيرارو قنّعوها.[9]

التصويت

[بدل | بدل لكود]

التصويت تدار ف 13 يونيو 2018 ف لمؤتمر نمرة 68 د لفيفا، ف موسكو. و كان مفتوح ل 203 د لأعضاء لي عندهم لحق ف التصويت.[10]

لفراقي لمأهلين

[بدل | بدل لكود]
(لخريطة خاص يتدار ليها تحديث)
  فراقي تأهّلو
  فراقي باقي ماتحددش التأهّول ديالهم
  فراق فشلو ف التأهّول
  فراقي نساحبو ولّا تمنعو
  ماشي عضو ف لفيفا

لعزلة

[بدل | بدل لكود]

لعزلة تدارت ف 5 دجنبر 2025 معا 12:00 UTC-5 (التوقيت الشرقي لمعياري EST) ف مركز كينيدي ف واشينطون.[11] لفراقي 48 تقسّمو ل 4 د الزلافات ب 12 فرقة ف كل وحدة. الزلافة 1 كاينين فيها لبلدان لمضايفين التلاتة و 9 د لفراقي اللولين ف لكلاصمة د فيفا د نونبر 2025 لي تأهلو ديجا. الزلافات 2، 3 و 4 فيهم لفراقي لي بقاو على حساب لكلاصمة ف فيفا. الربعة لي غادي يربحو الدور التاني ديال لإقصائيات د كاس لعالم ف ؤروپا و الجوج لي غادي يربحو ف لإقصائيات بين لقارات، تدارو نيشان ف الزلافة 4، حيت باقي ماتحددوش تال مارس 2026. لمنتخب د لمكسيك تحط نيشان ف ڭروپ A، و غادي يلعب لماتش د لإفتتاح ف تيران أزطيكا ف 11 يونيو. كانادا و لميريكان جاو ف ڭروپ B و ڭروپ D، و غادي يلعبو لماتش التالت و الرابع ديال التورنوا، ب هاد الترتيب، ف 12 يونيو.[12][13]

لعزلة تدارت ب الزهر زلافة ب زلافة من اللولة تال الرابعة، ولايني تحت هاد الشروط:

  • جوج فراقي من نفس لكونفيديرالية مايقدروش يجيو بجوج ف نفس لڭروپ، من غير لمنتخبات ديال ؤروپا لي يقدرو يكونو منهم جوج علّكتيرة. حيت كاينين 16 منتخب ؤروپي، هادشي كيعني بلي كلا ڭروپ خاص ضروري يكون فيه واحد ولّا جوج منهم.[14][15]
  • لفراقي الجوج اللولين ف لكلاصمة ف فيفا، سپانيا و لارجونتين، خاصهم يتعزلو بحيت يلا جاو اللولين ف لڭروپ ديالهم مايتلاقاو تال لفينال، و نفس الشي للفراقي التالتة و الرابعة ف لكلاصمة ف فيفا، فرانسا و النڭليز. لفراقي ب ربعة خاصهم يتعزلو بحيت مايقدروش يتلاقاو قبل الدومي فينال يلا جاو اللولين د لڭروپات ديالهم.
زلافات
زلافة 1 زلافة 2 زلافة 3 زلافة 4
  1.  ميريكان (مضايفة) (14)
  2.  لمكسيك (مضايفة) (15)
  3.  كانادا (مضايفة) (27)
  4.  سپانيا (1)
  5.  لارجونتين (2)
  6.  فرانسا (3)
  7.  نڭليز (4)
  8.  لبريزيل (5)
  9.  لبرطقيز (6)
  10.  هولندا (7)
  11.  بلجيكا (8)
  12.  ألمانيا (9)

نويطات

[بدل | بدل لكود]
  1. 1 2 3 4 5 6 الرابحين ديال الدور التاني د لإقصائيات د ؤروپا و لإقصائيات بين لقارات ماكانوش معروفين ف لوقت ديال لعزلة.
  2. ↑ الشاد د لبلاصة ديال طريق 1 د لإقصائيات بين لقارات خاصو يتبع للشرط ديال لكونفيديراليات د إفريقيا، كونكاكاف و ؤقيانوسيا.
  3. ↑ الشاد د لبلاصة ديال طريق 2 د لإقصائيات بين لقارات خاصو يتبع للشرط ديال لكونفيديراليات د أسيا، كونكاكاف و كونميبول.

مصادر

[بدل | بدل لكود]
  1. ↑ "World Cup 2026: Canada, US & Mexico joint bid wins right to host tournament". BBC Sport. 13 يونيو 2018. Archived from the original on 14 يناير 2021.
  2. ↑ كارليز, دجيف (10 أبريل 2017). "U.S., neighbors launch 2026 World Cup bid". ESPN. Archived from the original on 11 أبريل 2017.
  3. ↑ "Current allocation of FIFA World Cup confederation slots maintained". FIFA. May 30, 2015. Archived from the original on May 30, 2015.
  4. 1 2 "FIFA Council discusses vision for the future of football". FIFA. October 14, 2016. Archived from the original on October 17, 2016.
  5. ↑ "FIFA blocks Europe from hosting 2026 World Cup, lifting Canada's chances". Canadian Broadcasting Corporation. Associated Press. October 14, 2016. Archived from the original on October 14, 2016.
  6. ↑ "Trump travel ban could prevent United States hosting World Cup". The Guardian. March 9, 2017. Archived from the original on November 14, 2021. Retrieved March 24, 2017.
  7. ↑ "USA, Mexico, Canada announce bid to host '26 WC". Sports Illustrated. April 10, 2017. Archived from the original on April 11, 2017.
  8. ↑ Carlise, Jeff (April 10, 2017). "U.S., Mexico and Canada officially launch bid to co-host 2026 World Cup". ESPN. Archived from the original on April 11, 2017.
  9. ↑ Garcia, Arriana (March 9, 2022). "Mexico violence almost cost World Cup 2026 hosting duties - Liga MX president". ESPN. Archived from the original on March 17, 2022. Retrieved March 9, 2022.
  10. ↑ Graham, Bryan Armen (June 13, 2018). "North America to host 2026 World Cup after winning vote over Morocco – as it happened". The Guardian. Archived from the original on July 18, 2018. Retrieved July 12, 2018.
  11. ↑ "2026 World Cup draw to be held at Kennedy Center in December". ESPN.com. August 22, 2025. Retrieved August 22, 2025.
  12. ↑ "FIFA World Cup 26 – Match Schedule" (PDF). FIFA. February 4, 2024. Archived (PDF) from the original on February 5, 2024. Retrieved February 4, 2024.
  13. ↑ Bushnell, Henry; Crafton, Adam (August 22, 2025). "2026 World Cup draw to be held at Kennedy Center, President Trump announces". The New York Times (ب American English). ISSN 0362-4331. Retrieved August 22, 2025.
  14. ↑ "Procedures for the Final Draw for the FIFA World Cup 2026 revealed". FIFA. November 25, 2025. Retrieved November 25, 2025.
  15. ↑ "Draw Procedures for the FIFA World Cup 2026" (PDF). FIFA. November 25, 2025. Retrieved November 25, 2025.
مرجّعة من "https://ary.wikipedia.org/w/index.php?title=كاس_لعالم_2026&oldid=459681"