قلب
| قلب | |
|---|---|
 | |
| نوع ديال عضو، كلاص ديال كيان أناطومي | |
| كلاص فرعية ديال | عضو حيواني  |
| طرف من | جهاز الدوران |
| الاستعمال | blood circulation |
| كيدرسو | طب القلب |
| وُجد في الأصنوفة | حيوان |
| الموقع التشريحي | جوف الصدر |
| الإمداد الشرياني | شريان تاجي أيمن، شريان تاجي أيسر |
| النزح الوريدي | وريد أجوف علوي |
| تعصب بـ | ضفيرة قلبية |
| تطور البنية التشريحية | نماء القلب |
| متصل بـ | شريان، وريد |
| عندو خصلة | ضربة د لقلب |
| الصوت المنتج | أصوات القلب |
| إدونتيفيكاتور ديال مكنز لمعهد لقومي د لكونصير (NCI) | C12727 |
| كاراكطير د يونيكود | 🫀 |
القلب هو واحد لعضو عضلي لي كاين عند البشر و الحيوانات. هاد العضو تيضخ الدم ف العروقا[1] القلب مع العروقا تيشكلو الجهاز الدوراني.[2] الدم اللي كيدوز من القلب كيهز معاه الأكسجين و المواد د لماكلة باش يوصلهم للأنسجة ديال لڭسدة، و ف نفس الوقت كيجمع النفايات اللي كاتصاوب من العمليات تاع الميطابوليزم (اللي كاتديرها لڭسدة باش تحرق الماكلة، تخرّج منها الطاقة، تبني بيها الأعضاء، و تخرّج منها النفايات) بحال ثاني أكسيد الكربون و تايديها للرية باش يخرجهم من لڭسدة. [3] عند الإنسان، القلب كيكون قد البونية، و كاين بين الريات، فوسط الصدر ف واحد البلاصة كيسميوها المنصف (mediastinum). [4]
عند الإنسان، القلب مقسوم على ربعة ديال البيوت: جوج الفوقانيين كيتسماو الأذين[تدريج] ليمن و الأذين ليسر، و الجوج التحتانيين كيتسماو البطين[تدريج] ليمن و البطين ليسر. غالباً كيسميو الأذين و البطين اللي فج يهة ليمن "القلب ليمن"، و اللي ف جيهة ليسرى "القلب ليسر".
ف القلب اللي تيكون خدام مزيان، الدم كيدوز ف طريق وحدة بلا ما يرجع اللور، و هادشي بسباب الصمامات ديال القلب اللي كيتسدو باش يمنعو الدم يرجع اللور. القلب ضاير عليه واحد الغلاف فيه شوية ديال الما باش يحمي القلب.
الحيط ديال القلب راه مكوّن من ثلاثة د الطبقات: الطبقة البرّانية كاتسمى إيپيكارد epicardium، الطبقة اللي ف الوسط هي مايوكارد myocardium، والطبقة اللي فالداخل هي إندوكارد endocardium.
القلب كيدق ب واحد الإيقاع اللي كيتنظم من عند مجموعة ديال لخلايا اللي كيتسمّاو لخلايا الناظمة[تدريج] و كاينين ف واحد البلاصة ف القلب اللي كتسمّا العقدة الجيبية الأذينية.[تدريج] هاد الخلايا كيطلقو واحد التيار الكهربائي اللي كيدوز ف القلب باش يقدر يدير الإنقباضات. هاد التيار كيمشي من بعد للعقدة الأذينية البطينية و كيدوز ف النظام ديال التوصيل الكهربائي ديال القلب.
عند الإنسان، الدم اللي ما فيهش الأوكسجين تيجي من الوريد الأجوف لفوقاني و السفلي كيدخل للقلب من الأذين ليمن. من بعد كيمشي للبطين ليمن، و من تم تيمشي للشرايين د الرية باش يدخل للرية، فين كياخد الأوكسجين و كيلوح ثاني أوكسيد الكربون. الدم اللي ولا فيه الأوكسجين تيرجع من الرية باش يدخل للأذين ليسر، و من بعد كيمشي للبطين ليسر، اللي كيدخّو ف الشريان الأبهر[تدريج] باش يمشي يدور ف ڭاع لڭسدة و هادشي لي تنسميوه الدورة الدموية لكبيرة. الدم كيدوز ف الشرايين، و من بعد ف الشُريينات، و من تما تيوصل للشعيرات الدموية، فين تيعطي الأوكسجين و المواد د لماكلة للخلايا، و تياخد من عندها ثاني أوكسيد الكربون. من بعد الدم تيدوز من الأوردة الصغيرة موراها الأوردة الكبيرة. باش يرجع للقلب[5] القلب د بنادم بالغ تيضرب علاين 72 مرة ف الدقيقة فاش تيكون مرتاح.[6]
الأمراض ديال القلب و الشرايين كانو سبب رئيسي ف الموت ديال بزاف د الناس ف العالم ف 2008، و وصلات النسبة تاعهم 30% د لوفيات.[7][8] كاينين بزاف ديال الحوايج اللي كيزيدو من الخطر ديال الإصابة ب هاد الأمراض، بحال: لكماية، الزيادة ف الوزن، قلة الحركة، الكوليسترول الطالع، الطونسو الطالع، و السكار اللي ما متحكمش فيه مزيان، و زيد و زيد.[9] هاد الأمراض ما كتكونش ديما باينة الأعراض ديالها، ولكن يقدر يكون ألم ف الصدر ولا صعوبة ف التنفس. الطبّا كيعرفو واش كاين مشكل ف القلب على طريق الأسئلة على الحالة الصحية (التاريخ الطبي)، و تيسمعو ل صوت القلب ب سطيطوسكوپ، و كيديرو تخطيط القلب الكهربائي (ECG)، و حتى التصوير ب الصدى اللي تيستعمل الموجات فوق الصوتية.[4] الإختصاصيين اللي كيهتمو ب أمراض القلب كيتسماو كارديولوڭ، ولكن ف العلاج يقدرو يتدخلو طبا من تخصصات خرين.[8]
القلب ديال الإنسان كاين ف وسط الصدر ف واحد البلاصة كيسمّيوها المنصف و كيكون ف المستوى ديال الفقرات الصدرية من T5 حتى لـT8. القلب ضاير بيه واحد الكيس فيه جوج ديال الأغشية سميتو إپيريكارد، و هاد الكيس مربوط ب المنصف.[10]
الجهة اللورانية ديال القلب ملاصقة مع السنسول، و الجهة القدّامية اللي كيسمّيوها السطح القصّي الضلعي،[تدريج] كتكون مور القص[تدريج] (sternum) و الغضاريف ديال الضلوع.[11] الطرف الفوقاني تاع القلب كيتعلقو بيه واحد العدد ديال العروق الكبار بحال: الجوج أوردة الجوفين، الشريان الأبهر،[تدريج] و الجذع د الرية.[11] الطرف التحتاني تاع القلب، سميتو القمة،[تدريج] و كيكون مايل شوية لليسر، على بعد 8 حتى لـ9 سانتيم من الخط اللي ف وسط القصبة الصدرية، و كاين بين الضلعة الرابعة و الخامسة ف البلاصة اللي كيتلاقاو مع الغضروف ديالهم. [11]
كيوقع ملي القلب ما كيقدّرش يضخ الدم بشكل كافي باش يسدّ الإحتياجات ديال لڭسدة. كيبان فشل القلب كـ واحد الحالة مزمنة، اللي كتزيد مع العمر و كاتفاقم بشوية بشوية. تقدر جهة وحدة ديال القلب اللي تفشل بلا ما تفشل الجهة لخرة، و هاد الشي كيأدي ل فشل القلب ليمن ولا ليسر. يلا فشل القلب ليسر، كيقدر يضغط على القلب ليمن و يفشل حتى هو. يلا مبقاش القلب كيضخ الدم مزيان، الدم كيبقى يتجمع ف لڭسدة، و هاد الشي كيخلّي الواحد يحس ب ضيق التنفس ف الرّيَة (حيت كتعمر ب السوائل)، و كيتنفخو ليه رجليه ولا بلايص خرين على حساب فين كيهبط الدم ب الجاذبية، و كينقص عندو النشاط البدني، و يقدر يبانو عليه علامات خرة بحال تضخيم الكبدة، النفخات القلبية، ولا يطلع ليه الضغط ف العروق ديال العنق (الوريد الوداجي[تدريج]). الأسباب اللي كيتسببو ف فشل القلب كتكون غالباً من أمراض الشرايين ديال القلب، مشاكل ديال الصمامات، ولا أمراض ف عضلة القلب.
ملي كتضعاف العضلة ديال القلب و ما كتبقاش كتقدّر تتقلّص مزيان، هادشي كيقدر يسبب فشل قلبي. كاين بزاف ديال الأنواع ديال ضعف عضلة القلب اللي باقيين ما معروفينش الأسباب ديالهم مزيان، ولكن واخا هاكداك كاينين أسباب معروفة بحال الشراب، السموم، الأمراض اللي كتأثر على لڭسدة كاملة، و أمراض خُلقية بحال HOCM. كيتسمّى النوع ديال ضعف عضلة القلب على حساب كيفاش كيأثر على القلب: كاين اللي كيضخّم القلب (ضعف تضخّمي)، كاين اللي كيدير تضيّق ف المجاري ديال الدم (ضعف تضيّقي)، و كاين اللي كيوسّع القلب و كيضعّف الخدمة ديالو (ضعف توسّعي). HOCM كتكون صعيبة ف التشخيص و تقدر تسبب الموت على غفلة عند الرياضيين الصغار.
النفخات القلبية هما أصوات زايدة كيتسمعو ملي كيتفحص القلب، كاين اللي كيكونو خطرين و كاين اللي ما فيهم باس. كاينين نواع كتار، و كيتسمّاو على حساب الحجم ديالهم من 1 (هادي بزاف) حتى 6 (صوت عالي). الطبيب كيسمع فين كيبانو مزيان، واش كيتبدّلو ملي كاتبدّل الوضعية ديال الشخص، و شحال كيتعاود الصوت. باش يتشخصو، كيطلبو تخطيط القلب ب الصدى (إيكو). النفخات تقدر تكون سبابها مشاكل ف الصمامات بحال تضيّق الصمام الأبهري، أولا قلس[تدريج] الصمام التاجي (كيهرب الدم موراه)، أولا أمراض خرة بحال ثقوب بين لأدينات أولا لبطينات. كاينين حتى أمراض كيقدرو يجيبوهم العدوى بحال لتيهاب شغاف القلب (اللي كيجي من ميكروب كيعمر ف الصمام)، أولا الحمى الروماتيزمية (كتجي من بكتيريا ديال الحلاقم).
يلا كان النبض ديال القلب ماشي منتاظم، كيولي صعيب عليه يضخ الدم مزيان. كاينين نواع: كاين تسارع دقات القلب (كثر من 100 دقة ف الدقيقة)، و كاين التقولية (قل من 60 دقة)، و كاين حتى اللي كتولي فيه الدقات ماشي منتاظمة. ملي كيتحبس القلب على الخدمة كيتسمّى توقف القلب. يلا كان الخلل ف الأدينات كيتسمّى رجفان أذيني، يلا كان ف لبطينات كيتسمّى رجفان بطيني. التوصيل الكهربائي يلا كان فيه مشكل كيتسبب ف إيقاع ناقص ولا معطل بحال ف حالة إحصار القلب أولا متلازمة وولف-پاركينسون-وايت.
كاينين حتى أمراض كتكون مع الولادة بحال تقوب بين لأدينات أولا لبطينات، ولا مشاكل ف الصمامات بحال تضيّق خلقي، ولا مشكل ف الشرايين بحال القناة الشريانية المفتوحة. ملي كيمشي الدم من الجهة ليمنية لليسرية بلا ما يتأكسد، كيتزاد الطفل زرق، بحال ف رباعية فالوت Fallot Tetralogy. هاد الأمراض تقدر تأثر على النمو ديال الطفل، و كاين اللي كيتحسّن مع الوقت و كيولي ما فيه باس. كاينين اللي كيتكتاشفو غير ب الصدفة ملي كيتفحص القلب. التشخيص كيدار غالباً ب تخطيط القلب ب الصدى.
- ↑ Moran، Michael E. (2013-08-26)، "Gray's Anatomy of Stones: Henry Vandyke Carter"، Urolithiasis، New York, NY: Springer New York: 131–144، doi:10.1007/978-1-4614-8196-6_15، ردمك 978-1-4614-8195-9، تطّالع عليه ب تاريخ 2024-10-05
- ↑ Taber, Clarence Wilbur؛ Venes, Donald (2009). Taber's cyclopedic medical dictionary. F.A. Davis Co. pp. 1018–1023. ردمك 978-0-8036-1559-5.
- ↑ Guyton & Hall 2011, p. 157.
- 1 2 Moore, Keith L.؛ Dalley, Arthur F.؛ Agur, Anne M.R. (2009). "1". Clinically Oriented Anatomy. Wolters Kluwel Health/Lippincott Williams & Wilkins. pp. 127–173. ردمك 978-1-60547-652-0.Moore, Keith L.; Dalley, Arthur F.; Agur, Anne M.R. (2009). "1". Clinically Oriented Anatomy. Wolters Kluwel Health/Lippincott Williams & Wilkins. pp. 127–173. ISBN 978-1-60547-652-0.
- ↑ Guyton & Hall 2011, pp. 101, 157–158, 180.
- ↑ Guyton & Hall 2011, pp. 105–107.
- ↑ "Cardiovascular diseases (CVDs) Fact sheet N°317 March 2013". WHO. World Health Organization. مأرشيڤي من لأصل ف 19 September 2014. تطّالع عليه ب تاريخ 20 September 2014.
- 1 2 Longo، Dan؛ Fauci، Anthony؛ Kasper، Dennis؛ Hauser، Stephen؛ Jameson، J.؛ Loscalzo، Joseph (2011). Harrison's Principles of Internal Medicine (طبعة 18th). McGraw-Hill Professional. ص. 1811. ردمك 978-0-07-174889-6.
- ↑ Graham، I؛ Atar، D؛ Borch-Johnsen، K؛ Boysen، G؛ Burell، G؛ Cifkova، R؛ Dallongeville، J؛ De Backer، G؛ Ebrahim، S (Oct 2007). "European guidelines on cardiovascular disease prevention in clinical practice: executive summary: Fourth Joint Task Force of the European Society of Cardiology and Other Societies on Cardiovascular Disease Prevention in Clinical Practice (Constituted by representatives of nine societies and by invited experts)" (PDF). European Heart Journal. 28 (19): 2375–2414. doi:10.1093/eurheartj/ehm316. PMID 17726041. مأرشيڤي من لأصل (PDF) ف 27 April 2019. تطّالع عليه ب تاريخ 21 October 2019.
- ↑ Dorland's (2012). Dorland's Illustrated Medical Dictionary (طبعة 32nd). Elsevier. ص. 1461. ردمك 978-1-4160-6257-8.
- 1 2 3 Betts، J. Gordon (2013). Anatomy & physiology. OpenStax College, Rice University. pp. 787–846. ردمك 978-1-938168-13-0. مأرشيڤي من لأصل ف 27 February 2021. تطّالع عليه ب تاريخ 11 August 2014.
- Hall، John (2011). Guyton and Hall Textbook of Medical Physiology (طبعة 12th). Philadelphia: Saunders/Elsevier. ردمك 978-1-4160-4574-8.
- Longo، Dan؛ Fauci، Anthony؛ Kasper، Dennis؛ Hauser، Stephen؛ Jameson، J.؛ Loscalzo، Joseph (2011). Harrison's Principles of Internal Medicine (طبعة 18th). McGraw-Hill Professional. ردمك 978-0-07-174889-6.
- Susan Standring؛ Neil R. Borley, إيديتورات (2008). Gray's anatomy : the anatomical basis of clinical practice (طبعة 40th). London: Churchill Livingstone. ردمك 978-0-8089-2371-8.
- Nicki R. Colledge؛ Brian R. Walker؛ Stuart H. Ralston, إيديتورات (2010). Davidson's principles and practice of medicine (طبعة 21st). Edinburgh: Churchill Livingstone/Elsevier. ردمك 978-0-7020-3085-7.
- زريع قلب حلوف عند إنسان. بي بي سي، 11 يناير 2022.
- بارتلي ڭريفيث كيهضر على زريع فريد ديال قلب حلوف عند بنادم.
- آشْ كَيْعْنِي الْقَلْبْ؟ - نايش
- أطلس أناطومي د القلب البشري
- رصد ديكسيون ديال تشريح القلب البشري بما فيه الأوعية، و الخصائص الدخلانية و لبرانية
- التنمية القلبية البشرية قبل الولادة
- قلوب الحيوانات: لحوت
- القلب نقاش بين التخصصات مع ديڤيد ووتن، فاي بوند ألبرتي و جوناثان ساودي (ف وقتنا، 1 يونيو 2006)
- . Encyclopædia Britannica (ب نڭليزية) (طبعة 11th). 1911.
- دليل تفصيلي ديال جامعات الطب و المهنيين الطبيين.