انتقل إلى المحتوى

قصر هيميجي

من ويكيپيديا
لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
قصر هيميجي
معلومات عامة
نوعقلعة يابانية و hirayamajiro
لبلادالجاپون
لموضعهيميجي، هيوغو
لمدينةHimeji Park
تاريخ د لبني1346
لمالكحكومة د الجاپون
سّتيلJapanese castle architecture
تصنيف تراتيكنز وطني ياباني، المواقع التاريخية في اليابان، Special Historic Site و موقع تراث عالمي
معلومات إضافية
السيت الرسميhimejicastle.jp


قصر هيميجي (ب الجاپونية 姫路城، هيميجي جو) هوّ قصر جاپوني كاين على راس كدية ف مدينة هيميجي ف عمالة هيووڭو، ف الجاپون. كيتعتابر هاد لقصر من أحسن لأمتلة لي بقاو ديال لمعمار د لقصور ف الجاپون، و فيه ريزو ديال 83 بيت مرتابطين بيناتهم، و ب نظام ديفاعي متطور كيرجع للفترة لفيودالية.[1] هاد لقصر معروف شي مرات ب سمية هاكورو جو ولّا شيراساڭي جو، لي كيعنيو "قصر لهيرون لبيض"، حيت اللون لبيض لبرّاق ديالو كيشبه اللون ديال طير لهيرون.[2][3]

بحال أغلبية د لقصورا د الجاپون من وقيتة أزوتشي موموياما و من بعد، الطينشو (天守، لمبنى الرئيسي) كان كيتخدّم مخزن ف لفترات د السلام، و برج محصّن ف فترات لحروب، و لبيرو و السكنة ديال الضايميو (ب الجاپونية 大名، السيد لفيودالي) كانت ف مبنى ب إيطاج واحد حداه و حدا لأبراج (ب الجاپونية 櫓، ياڭورا).[4]

كيرجع لقصر ل عام 1333 ملي أكاماتسو نوريمورا بنى حصن فوق كدية هيميياما. هاد لحصن تّردم باش يتبنى بلاصتو قصر هيميياما ف 1346، و عاود تّصلح باش يولي قصر هيميجي جوج قرون موراها. ف 1581، لقصر تعرّض ل عملية كبيرة د معاودة التصميم من عند طويوطومي هيدييوشي لي زاد طينشو ب 3 د الطوابق. ف عام 1600، طوكوڭاوا إييياسو هدا لقصر ل إكيدا طيروماسا مكافأة على لمعاونة ديالو ف معراكة صيكيڭاهارا، و إكيدا عاود بنى لقصر بشكل كامل مابين 1601 و 1609، باش يردّو موركّاب كبير.[5] و عاودو تزادو مباني جداد من عند هوندا طاداماسا مابين 1617 و 1618. ل مدة 700 عام، قصر هيميجي بقى صامد ف وجه حوادت و كوارت بحال قصف هيميجي ف لحرب لعالمية الجاوجة، و بحال زلزال هانشين لكبير د 1995.[5][6][7]

قصر هيميجي هوّ أكبر قصر ف الجاپون و أكتر واحد كيتزار، و ف 1993 تقيّد ف الليستة د ليونيسكو ديال مواقع الترات لعالمي.[6] لمنطقة لي ضايرة بيها الضاية لوسطانية ف لموركاب كاتّعتابر موقع تاريخي خاص، و 5 ديال لمباني ف لقصر كايتعتابرو كنز وطني ديال الجاپون.[8] معا قصر ماتسوموطو و قصر كوماموطو، كيتّعتابر قصر هيميجي واحد من أهم تلاتة د لقصورا ف الجاپون.[9] لمباني د لقصر تدار ليهم ترميم ل سنوات و عاودو تحلو للعموم ف 27 مارس 2015.[10] هاد لخدمة د الترميم حيّدات بزاف د لوسخ و التراب، باش ترد للسطح ديالو لي كان ولّى رمادي للون لبيض لبرّاق لأصلي ديالو.

معرض التصاور

[بدل | بدل لكود]
شوفة پانورامية على منطقة لقصر، ب مدينة هيميجي ف لخلفية

مشاهد من بعيد

مشاهد من لتحت

مشاهد ف الليل

مشاهد من لفوق

منظر من الداخل

مشاهد معا نوار حب لملوك

مشاهد ديال الترميم

مشاهد ديال تصاور ف لقصر

مصادر

[بدل | بدل لكود]
  1. ↑ "Himeji-jo". UNESCO World Heritage Centre. Retrieved July 4, 2010.
  2. ↑ Bornoff, Nicholas (2000). The National Geographic Traveler: Japan. Washington: National Geographic Society. pp. 256–257. ISBN 0-7894-5545-5.
  3. 1 2 Eyewitness Travel Guides: Japan. New York: Dorling Kindersley Publishing. 2000. pp. 200–203. ISBN 0-7894-5545-5.
  4. ↑ 天守閣は物置だった？｢日本の城｣の教養10選 (ب اليابانية). Toyo Keizai. 23 June 2016. Archived from the original on 30 July 2019. Retrieved 7 April 2024.
  5. 1 2 "A hilltop white heron 400 years old". The Daily Yomiuri. Archived from the original on March 2, 2007. Retrieved July 5, 2010.
  6. 1 2 "Himeji Castle starts its renovation in April". Official Tourism Guide for Japan Travel. Archived from the original on مارس 24, 2011. Retrieved يوليوز 1, 2010.
  7. ↑ "Himeji Castle". Japan Atlas. Retrieved July 5, 2010.
  8. ↑ 国宝一覧 (ب اليابانية). Himeji city. Archived from the original on September 27, 2010. Retrieved July 5, 2010.
  9. ↑ "The Three Famous Castles of Japan". Kobayashi Travel Service. Archived from the original on مارس 22, 2010. Retrieved يوليوز 4, 2010.
  10. ↑ "姫路市|今週の姫路城（27年2月9日現在）". Archived from the original on فبراير 15, 2015. Retrieved يناير 28, 2015.
مرجّعة من "https://ary.wikipedia.org/w/index.php?title=قصر_هيميجي&oldid=449379"