قصبة ݣناوة
الدخلة د قصبة ݣناوة و لمدرسة لوطنية د السّيرك شمسي.
قصبة ݣناوة من لخارج.
قصبة ݣناوة ولا لقصبة لإسماعيلية[1] ولاّ قصبة لحريشي، هي قصبة جات ف سلا، و هي لقصبة لوحيدة اللي جات ف الجيهة الشمالية د لواد د بورݣراݣ.
تبنات لقصبة د ݣناوة ف وقت السلطان مولاي سماعيل ف 1709، و تمّا فين كانو ساكنين لعبيد اللي كان كيخدّمهم للحرب (اللي كانت سميتهم عبيد لبخاري) و باش يدافعو على سلا و الرباط من لهجومات اللي كاتجي من لخاريج. لقصبة كان فيها جامع و دار لقايد و لبلايص فين تيسكنو لعسكر.
تنسات لقصبة لواحد لوقت، و ماعاود بانت تا بدا لإستعمار لفرانساوي، فين بدات كاتخدّم باش يݣلسو فيها لعسكر لمغاربة اللي شاركو ف لحرب لعالمية اللّولا، و لعسكر لفرانساويين اللي كانو كيمشيو منها باش يهاجمو على لمنطقة د لغرب.
تقيدات قصبة ݣناوة ف اللائحة د لمعالم لوطنية د لمغريب ف 1948 ب ظهير.
دابا كاينة ف قصبة ݣناوة مدرسة وطنية د السيرك سميتها مدرسة شمسي، اللي هي لمدرسة د السيرك لوحيدة ف إفريقيا[2]، و تيتنضّم فيها لمهرجان ديال قراصنة اللي بدا ف 2006.[3]
- ↑ "شمسي - مدرسة سيرك تعاني نظرة المجتمع بالمغرب - الجزيرة (2018)". Archived from the original on 2022-08-16. Retrieved 2020-11-10.
- ↑ "المدرسة الوحيدة بالقارة الإفريقية: فرصة جديدة لأطفال المغرب بفنون السيرك - تايني هاند (2020)". Archived from the original on 2023-06-10. Retrieved 2020-11-10.
- ↑ "مهرجان القراصنة بسلا يصالح السكان مع مدينتهم العريقة - لأحدات لمغربية (2014)".
 |
ويكيميديا كومنز عندا تصاور و معلومات على قصبة ݣناوة. |
 هادي زريعة ديال مقالة خاصها تّوسع. تقدر تشارك ف لكتبة ديالها. |