قسطنطين لول
قسطنطين لول
| ||
 | ||
| معلومات عامة | ||
| زيادة | ج. 27 فبراير 272 نيش (لإمبراطورية الرومانية) | |
| لموت | 22 ماي 337 (65 عام) نيقوميديا (لإمبراطورية الرومانية) | |
| طريقة دلموت | موتة طبيعية | |
| لجنسية | روما لقديمة | |
| لحرفة | سياسي، عسكري و حاكم | |
| لّوغات لي كيعرف | اللاتينية | |
| لفاميلة | ||
| لواليد | قسطنطيوس كلوروس | |
| لواليدة | هيلانة | |
| خوت | فلافيا جوليا قنسطنطينا، أوتروبيا، أناستاسيا (أخت قسطنطين)، يوليوس قنسطنطيوس، فلافيوس دالماتيوس و Flavius Hannibalianus | |
| شريك | مينيرفيا فاوستا | |
| لولاد | كريسبوس قسطنطين الثاني قنسطانطيوس الثاني قنسطنس قنسطنطينا هيلينا (إمبراطورة) | |
| معلومات خرى | ||
| دين | مسيحية و الدين في روما القديمة | |
| لأعمال |
| |
قسطنطين لول، لي كيتعرف بزاف حتى بـ قسطنطين العظيم (باللاتينية: Constantinus Magnus), كان واحد من أعظم الأباطرة الرومانيين. حكم الإمبراطورية الرومانية من 306 حتى 337 ميلادية. المكانة ديالو جاية من بزاف ديال الحوايج: هو أول إمبراطور رومي عتارف بالمسيحية و عطا الحرية الدينية للمسيحيين، و هو لي بنى مدينة القسطنطينية (دابا إسطنبول) اللي ولات عاصمة كبرى. بزاف من المؤرخين كيشوفو فيه نقطة تحول تاريخية: من الإمبراطورية الرومانية الوثنية للإمبراطورية المسيحية.
تزاد قسطنطين فـ27 فبراير 272 فمدينة نايسوس (دابا نيش فـ صربيا). باه كان قسطنطيوس كلوروس، واحد الجنرال كبير فجيش الرومان. يمّاه هيلينا كانت وحدة مرا متدينة و بسيطة، و فعّلها التاريخ المسيحي كـ قديسة. من صغرو كان قسطنطين قريب من الجيش، و تعلم الإستراتيجيات العسكرية و السياسة. هاد التربية هي لي عطاتو القوة ف المستقبل باش يسير إمبراطورية كاملة.
منين مات باه فـ306، الجنود بايعو قسطنطين إمبراطور. ولكن ماكانش بوحدو، كانو معاه أباطرة خرين (بحال ماكسينتيوس و ليسينيوس)، حيت الإمبراطورية ف داك الوقت كانت مقسمة. قسطنطين دخل ف حروب بزاف باش يوحّد السلطة، و أشهر معركة دارت فـقنطرة ميلڤيان (حدا روما) عام 312. على حساب الأسطورة، قبل المعركة شاف قسطنطين علامة الصليب ف السما و كلمة لاتينية معناها "ب هاد العلامة غادي تربح". و من بعد دار هاد الرمز ف شعارات الجيش ديالو و ربح.
قسطنطين عرف كيفاش يبدّل النظام:
- دار عاصمة جديدة سميها القسطنطينية، باش تبعد على المشاكل ديال روما، و تكون ف موقع إستراتيجي بين أوروپا و آسيا.
- بدّل الإدارة، و خلق وزارات و هيئات جديدة.
- دار إصلاح ف العملة: صنع عملة ذهبية جديدة (السوليدوس) اللي بقات كاتستعمل قرون.
- الجيش كيقوى بزاف ف العصر ديالو، و بدا كيستعمل بزاف لعساكريا من الشعوب البربرية و الجرمانية.
أهم حاجة مشهورة بيها قسطنطين هي العلاقة ديالو ب المسيحية. قبلو كان المسيحيين كيتعرضو للإضطهاد. ولكن هو فـ313 دار "مرسوم ميلانو" مع الإمبراطور ليسينيوس، لي عطى الحرية الدينية ف الإمبراطورية. قسطنطين ما تعمّدش مباشرة، ولكن بقا طول حياتو كيدعم الكنيسة. فـ325 دعا "مجمع نيقية" باش يوحّد العقيدة المسيحية، و هاد المجمع دار "قانون الإيمان النيقاوي" لي باقي اليوم ف كنائس بزاف. قريب ل موتو فـ337 تعمّد رسمياً ود خل ف الإيمان المسيحي.
قسطنطين بنا بزاف ديال المباني و الكنائس:
- كنيسة القيامة فـ القدس.
- كنيسة القديس بطرس فـ روما (النسخة اللولة).
- أسوار القسطنطينية، لي بقاو واقفين قرون.
ف العصر ديالو، شمال إفريقيا (من بينهم المغرب دابا) كان جزء من الإمبراطورية الرومانية. المقاطعات المغربية بحال موريطانيا الطنجية و موريطانيا القيصرية كانو تحت الحكم ديالو. هاد المناطق كانو مهمين بزاف ف إنتاج الزيتون و الحبوب، و قسطنطين عطاهم إهتمام كبير حيث كانو مصدر التموين ل روما. حتى المسيحية دخلات ب كثرة ف شمال إفريقيا ف العصر ديالو، و خرجو من تما مدارس لاهوتية كبار بحال القديس أوڭوسكتينوس من هيپّو (عنابة دابا ف الجزائر).
مات قسطنطين فـ22 ماي 337 ف مدينة نيقوميديا (حدا إسطنبول دابا). قبل ما يموت تعمّد رسمياً على الدين المسيحي. تدفن ف القسطنطينية ف كنيسة كبيرة بناها هو، و سماها "كنيسة الرسل المقدسين".
قسطنطين باقي لليوم شخصية كبيرة ف التاريخ العالمي.
- المسيحيين كيعرفوه كـ "قديس" و كيحتافلو ب عيد ديالو.
- المؤرخين كيشوفو فيه مؤسس الإمبراطورية الرومانية المسيحية.
- بزاف ديال المْدون، الكنائس، و حتى الولاد سمياتهم جايين منو.