قالب:لمغريب/تقديم

من ويكيپيديا
اذهب إلى التنقل اذهب إلى البحث


Welcome to Morocco portal on Darija Wikipedia.png


Flag of Morocco.svg
Coat of arms of Morocco.svg

لمغريب ؤلا لمملكة د لمغريب (ب لأمازيغية ⵜⴰⴳⵍⴷⵉⵜ ⵏ ⵍⵎⵖⵔⵉⴱ - تاݣلديت ن لمغريب ؤلا ⴰⵎⵓⵔ ⵏ ⵡⴰⴽⵓⵛ أمور ن واكوش ؤ كاتعني بلاد الله) واحد لبلاد كاينة فالشمال لغربي د إفريقيا، لعاصيمة ديالها هيا رّباط ولمدينة لكبيرة ديالها هيا الداربيضا، ولي هي مدينة ديال الصّرف ؤ لخدمة. و لهضرة لمرسمة ديالها هي تمازيغت و لعربية و كاينة حتا هضرة مغريبية لي هي الداريجة و لي هي متأترة ب تمازيغت و لعربية و لفرانساوية و فيها حتا شوية دلكليمات جاو من صبليونية.

لمدون لكبار لاخرين ولمعروفين هوما ، فاس، مراكش, سلا، مكناس، طنجة، أݣادير، آسفي، تطوان، وجدة، بركان، لعيون، الحسيمة، بني ملال، قنيطرة، وارزازات والداخلة. تايلاݣيها من الشمال لبحر دّخلاني والصبليون، من لغرب لمحيط التيلاسي ، من الشرق الجزائر، ومن لجنوب موريتانيا . التيساع د لبلاد هوا 710.850 كم²، و كايسكنو فيه جوايه 36.5 مليون دلغاشي على حساب التقادر ديال 2019.[1] لمغريب بلاد داخل فلؤمام لمتاحدا من عام 1956 و جّامْعة دلبلدان لعربية من 1958, وهو مبين لبلدان اللي صاوبات لمتاحدة دلمغريب لكبير فعام 1989.[2]

لمغريب مديور فيه نضام ملكي من السلالة دلعلويين ؤ اللي فيه الملك محمد السادس هو اللي كايحكم لبلاد من عام 1999 مورا موت باه لحسن تاني، عندو دوستور توافقت عليه أغلبية كبيرة ف 2011 ومنها عندو برلامان كايصوتو الناس على لعضاوي ديالو.

الرايس دلحكومة دلمغريب ليوما هو سعد الدين لعثماني لي كينتامي لحيزب لعدالة ؤ تنمية.
نّشيد لوطني د لمغريب

Morocco WS-included (orthographic projection).svg
← كمل(ي) القراية …
  1. تقديرات د السكان د لمغريب ف 2019.
  2. تصدير الدستور لمغريبي 2011 ملاحضة: فالدستور لمغريبي كايتسمى تجمع 5 ديال الدول فشمال إفريقيا لمغريب لكبير.