فيليكس نطاف

فيليكس نطاف
بنادم
لجنس	دكر
بلاد ديال لجنسية	الحماية الفرنسية في تونس، تونس
سمية	فيليكس
كنية	Nataf
تاريخ الزيادة	1895
بلاصة الزيادة	القيروان
تاريخ لموت	1983
لميهنة	بنايكي

فِيلِيكْس ناتاف (تزاد فـ 1895 فـ القيروان وتوفّى فـ 1983) كان بَنْكِيّ يَهُودِي تونسي استقرّ فـ المغرب، وفـ مارس 1951 دار مع صحابو المسلمين واليهود والنصارى جمعية سْماها "الصّداقة المغربية"، اللي لعبات دور كبير فـ المفاوضات اللي دازت فـ باريس ورّباط قبل استقلال المغرب فـ 1956.

وحسب المؤرخين، كان من بين اللّيبراليين فـ المغرب، وكان ينتاقل التفرقة واللاّعدل ديال النظام الاستعماري فـ جريدة "ماروك-بْرِيس"، رغم التهديدات ومحاولات الاغتيال اللي دارتها منظمة "لا مَان روج" اللي كانت واجهة لجهاز المخابرات الفرنسي SDECE.

ناطاف و الدور ديالو في عهد الجماية

حسب استشهاد اندري ازولاي

فيليكس ناطاف، يهودي تونسي هو حتى هو، كان شخصية مميّزة بزاف فاليهودية المغاربية. بدّل دينو للمسيحية بكري، ولكن ما تخلاش على هويتو اليهودية. جا استقرّ فالمغرب فزمن الحماية الفرنسية، ومن نهاية الأربعينات، انضمّ للمخيم ديال الليبراليين الفرنسيين اللي ساندو الحركة الوطنية المغربية وطالبو بنهاية الحماية.

وبطريقة مليانة تناقضات ومفارقات، ولا فنفس الوقت واحد من المستشارين الكبار ديال رئيس مجموعة "الأمنيوم نورد-أفريكا"، اللي كانت أقوى مجموعة صناعية ومالية فرنسية فالمغرب، ومرتبطة مزيان بهياكل وأجهزة الاستعمار الفرنسي.

ورغم كل هاد التناقضات والتعقيدات اللي فيه، فيليكس ناطاف بقى من أطيب وأعمق الناس اللي مرّو فداك الزمن. تونسي الأصل، ولكن كان كيعتزّ بمغربيّتو وكيقاتل على استقلال المغرب فرنسي الجنسية، ولكن اختار يدافع على القيم الحقيقية ديال الجمهورية الفرنسية، وكان كيناضل فالمغرب من أجل الحرية، والعدالة، والكرامة اللي يستافدو منها الجميع. يهودي تبدّل دينو للمسيحية، وكان كيقول أنه كاثوليكي باش يفهم ويكمّل الإيمان ديالو اليهودي.

أنا تلاقيت مع فيليكس ناطاف فوسط هاد التناقضات والمعارك ديالو. كان كيقبل النقاش بصبر وهدوء، وكيعرف يوصّلك الفكرة ديالو بلطافة وذكاء، حتى تحسّ أن الاختيارات ديالو ممكن تحيّرك وتخليك تشك أكثر مما تتيقن. ولكن بسرعة كيدخلك فالفهم أن الجواب على تساؤلاتك كان بالنسبة ليه واجب ورسالة، بلا حدود وبلا خوف من أي موضوع.

أهم مؤلفات فليكس ناطاف

• «استقلال المغرب…»
• «يهودي مغاربي»،
• «أقول ما أفكر فيه»
  

الأهمية التاريخية ديال الكتاب "إستقلال المغرب"

تزاد فيليكس ناطاف فمدينة القيروان بتونس فـ1895، وكان من عائلة يهودية. استقرّ فـ المغرب، وفـ سنة 1951 أسّس مع صحابو من المسيحيين واليهود المغاربة والمسلمين جمعية سْماوها «الصداقات المغربية». زاد فليكس ناطاف المكتبة بعدة كُتُب مهمّة، ومن بينها هاد الكتاب اللي كنقراو دابا: «استقلال المغرب…»، وكتاب «يهودي مغاربي»، وكتاب «أقول ما أفكر فيه».

بعد الوفاة ديالو

توفّى فـ 1983 وعمره كان حوالي 88 عام. ما كانش الهدف ديالو من هاد الكتاب يحكي التاريخ ديال النضال على الاستقلال، ولكن كان باغي يفهم العقول والذهنيات ديال الناس اللي عاشو داك الوقت الحساس من العلاقة بين المغرب وفرنسا، سواء كانوا مغاربة ولا من جمعية الصداقات المغربية. الكتاب كيسلّط الضوء على مرحلة دقيقة بزاف فالتاريخ المغربي الفرنسي، اللي بزاف ديال الباحثين ما تطرّقوش ليها، وهاد الشي على جوج أسباب: الأول هو الحساسية ديال الموضوع، والثاني هو قلة الموضوعية فالتعامل مع التاريخ. الموضوع اللي كيهضر عليه هو الدور اللي لعبوه الفرنسيين الأحرار فـ الدفاع على وحدة المغرب، وعلى العرش. وهاد الشي هو اللي قال عليه عبد الرحيم بوعبيد الله يرحمو:

"الفرنسيون الأحرار هما اللي أبعدو ابن عرفة على العرش… وحتى إعلان استقلال المغرب داروه بمشاركتهم الفعّالة، وهاد الشي المغاربة عمرهم ما غينساوه." (من تقديم المترجم ألكسندر بارودي، ص 13)

الأوسمة

Ordre du Ouissam alaouite (1968).

النظام ديال الاويسام اللوي (1968) .

الصفحات المرتبطة

• Maroc-Presse
• libéraux du Maroc

المخطوطات

• P. Geuthner, Le Crédit et la Banque au Maroc, Paris, 1929. Thèse pour le doctorat en droit (sciences économiques), Université de Paris, Faculté de droit.
• L'indépendance du Maroc: témoignage d'action 1950-1956, Paris, Plon, 1975.
• Juif maghrébin: Une vie au Maghreb racontée à ma fille, Fayolle, Paris, 1978. ردمك 2-86221-026-9
• Félix Nataf, Je dis enfin ce que je pense, Paris, 1980.
• Jean Épinat, Un homme, une aventure au Maroc, Paris, Souffles, 1987. ردمك 2-87658-009-8