فروتة (قلدة د النبات)
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
 مقالة ؤلا فقرة ناقصينها مصادر.لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها مصادر باش تكون موتوقة. شوف هنا كيفاش تزيد لمصادر. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
| فروتة (قلدة د النبات) | |
|---|---|
 | |
| botanical term | |
| كلاص فرعية ديال | عضو نباتي، مبيض  |
| طرف من | كاسيات البذور |
| جانب من جوانب | علم تشريح النبات |
| تنمو من | متاع |
| هاشطاڭ | fruit |
| عندو خصلة | نوع ثمار |
فروتة ولا تمرة هو لمبيض الناضج ولا لمبيضات ديال نوّارة وحدة ولا كتر. كايتلقاو ف تلاتة ديال التصنافات لأناطوميين: لفروتات لمجمّعين، لفروتات لمركبين، و لفروتات لبساط.
لقلدات الشبيهين ب لفروتة يقدرو يديڤلوپاو نيشان من الزريعة ب راسها ف عاوض لمبيض، كيف ما شي جفتة (aril) ولا غلاف ملحّم (sarcotesta).
لحبوب ديال الربيع كايكونو فروتات بساط فرّاديين الزريعة ف لوقيتة لي طوّاقة التمرة و غلاف الزريعة كايدّمجو ل طبقة وحدة. هاد الشكل من لفروتات كايعيّطو ليه ݣوزيات السيفة. إيكزومپلات كايشملو لحبوب الزرعيين، بحال لݣمح، الشعير، لخرطال و الروز.
لفروتات كايتصابو ف تلاتة ديال التصنافات لأناطوميين: لفروتات لمجمّعين (Aggregate fruits)، لفروتات لمركبين (multiple fruits)، و لفروتات لبساط (simple fruits). لفروتات لمجمّعين كايتشكّلو من نوّارة وحدة مركبة و فيهم شلا مبايض ولّا فريوتات. ليكزومپلات كايجمعو لفرومبواز (raspberries) و لعلّيق (blackberries؛ ولا توت لغابة). لفروتات لمركبين ولا لمعددين كايتصايبو من لمبايض لمدموجين ديال شلا نوّارات ولا تنويرة (Inflorescence). واحد لمتال على لفروتات لمركبين هوما لكرموص، التوت لبرّي (mulberry؛ ولا لمير)، و لأناناس. لفروتات لبساط كايتصايبو من مبيض واحد و تقدر تكون فيهم زريعة وحدة ولا بزاف د الزريعات. كايمكن ليهم يكونو يا ملحّمين ولا ناشفين. ف لفروتات لملحمين، ف لوقيتة ديال الديڤلوپمو، طوّاقة التمرة (pericarp؛ ولا غلاف التمرة) و لقلدات لأكسيسواريين لخرين كايولّيو هوما لحق لملحم ديال لفروتة. النواع ديال لفروتات لملحمين هوما التوت (berries)، التمرات لمتفحين (pomes)، و السݣطات (drupes؛ ولا التمرات لمعضمين). ف التوت، طواقة التمرة كلّها كاتكون ملحمة بلحق هادشي كايقصي غلاف التمرة لبراني (exocarp) لي كايخدّم كتر ب صيفتو جلدة (قشرة).
كاين توت لي لي معروفين ب سمية لپيپو (pepo)، لي هو شكل من التوت بشي قشرة ماكاتفصلش، ولا تمرة ليمونية (hesperidium؛ ولا تمرة هيسپيرية). لخيار هو واحد لمتال على شي پيپو، أما لحامض هو إيكزومبل على شي تمرة ليمونية. لحق لملحم ديال التمرة لمتفّحة كايديڤلوپا من لعنبوب النوّاري و كيف ما التوت لغالبية ديال طوّاقة التمرة كاتكون ملحّمة بلحق غلاف التمرة الدخلاني (endocarp) كايكون مغضرف (cartilaginous)؛ التفاح هو متال على شي تمرة متفحة. و السݣطات ولا التمرات لمعضمين معروفين بلي فيهم زريعة وحدة ب غلاف التمرة وسطاني (mesocarp) ملحم؛ إيكزومپل على هادشي هو لخوخ. وخا هاكداك، كاينين فروتات فين لحق لملحم كايديڤلوپا من لانسيجة لي ماشي من لمبيض، كيف ما لفريز (ولا توت لرض). الطرف الصالح ل لماكلة من لفريز كايتشكل من التخت (receptacle) د النوارة. ب سباب هاد لفرق لفريز معروف بلي هو فروتة مزوّرة ولا فروتة أكسيسوارية.
كاينة واحد لميطود مشروكة ديال تشتات الزريعة (seed dispersal؛ ولا تفراق الزريعة) وسط لفروتات لملحمين. هاد لفروتات كايعوّلو على لحيوانات ياكلوهم و يشتتو الزريعة (endozoochory، الشتات لحيواني الدخلاني) على قبل باش تّعتق النسمات دياولهم. لفروتات ليابسين حتى هوما كايدّڤلوپاو من لمبيض، و لايني عكس لفروتات لملحمين هوما ماكايعوّلوش على غلاف التمرة لوسطاني بلحق على لغلاف الدخلاني على قبل تشتات الزريعة. لفروتات ليابسين كايعوّلو كتر على لقوّات لفيزيكيين، بحال الريح و لما. زريعات لفروتات ليابسين يقدرو عاوتاني يهرّسو الجويب (pod)، لي كايشمل لقديف ديال الزريعة من غلاف الزريعة ب تهراسها. شي فروتات يابسين كايقدرو يفرݣعو جويّب الزريعة، بحال ويسطيرية (wisteria)، لي كايسببو ب تشتات الزريعة على طول مسافات طوال.
كيف ما لفروتات لملحمين، لفروتات ليابسين كايمكن ليهم حتى هوما يعوّلو على لحيوانات ف تفراق زريعتهم ب اللصيق ف فرو و جلدة لحيوان، هادشي معروف ب سمية التشتات لحيواني لفوقاني (epizoochory). الشكال من لفروتات ليابسين كايجمعو لمبوّصات (achenes)، لكبسولات (capsules)، لكمّوسات (follicles) ولا لفاكية (nuts، ولا لݣوز). لفروتات ليابسين كايقدرو عاوتاني يتفرْقو ل فروتات مفتحين (dehiscent) و لامفتحين (indehiscent). لفروتات ليابسين لمفتحين كايتوصفو ب صيفتهم فروتة فين الجويّب عندو واحد الزيادة ف الضغط الدخلاني باش يخلّي الزريعة تتطلق. هادشي كايجمع الجلبانة لحلوة، الصوجا، لفصّة (alfalfa)، الصقلب (milkweed)، لموطارد، لكرمب و لخشخاش (poppy). لفروتة ليابسة اللامفتحة مبدلة حيتاش ماعندهاش هاد لميكانيزم و كاتعول ب بساطة على لقوّات لفيزيكيين. إيكزومبلات ديال نواع د لفروتات اللامفتحين هوما زريعة عبّاد الشمش، لفاكية، و لخرشݣون (dandelions).
كاينة واحد التنويعة عريضة ديال لقلدات د لفروتات على طول النواع لمبدلين د النبات. التطور عزل مزيّات فلانيين عند النبات لي غايزيدو ف صلاحيتهم. التنواع ناض على طريق لعزيلة ديال لميطودات لي فيهم لفضل على قبل حماية و تشتات الزريعة ف بيئات مبدلين. معروف بلي لفروتات ليابسين كانو موجودين قبل من لفروتات لملحمين و هاد اللخرين تعرّشو منهم. واحد الدراسة كاتشوف ف فاميلة لفوّيات (Rubiaceae) لقات بلي لفروتات لملحمين وسط لفاميلة، تطورو ب شكل مفارق 12 لخطرة علاقل. هادشي معنيتو بلي لفروتات لملحمين ماتورّتوش ل الجيال التابعين بلحق هاد الشكل د لفروتة تّعزل ف نواع مبدلين. هادشي يقدر يلمّح بلي لفروتة لملحمة هي مزيّة مخيّرة و نافعة لاحقاش ماشي غير كاتشتت الزريعة و صافي، و لايني كاتحامي حتى عليها. كاينة عاوتاني واحد التنويعة ديال ميطودات التشتات لي مخدّمين من نبتات مبدلين. أصل هاد لموضات د التشتات تصاب بلي هو واحد التبدال تطوري غير ف اللواخر. من لميطودات ديال التشتات، النبتات لي كايخدّمو لحيوانات ماتبدّلوش عل لمزيّة لأصلية ف بزاف د الشكال. ب سباب هادشي، يقدر يتستنتج بلي التشتات لحيواني هو شكل فعّال ديال التشتات، غير هو ماكاين حتى دليل عليه بلي كايزيد مسافات التشتات. عليها، مازال السؤال على إينا ميكانيزم تطوري سبب ف هاد التنواع الدرامي. وخا هاكداك، تصاب بلي التبدالات لبساط وسط الجينات التنضاميين د الديڤلوپمو يمكن ليهم يسببو تغيارات كبار وسط لقلدة لأناطومية د لفروتة. وخا بلا معرفة لميكانيزم الداخل ف لبيوتنواع د لفروتة، واضح بلي هاد التنواع كايكون مهم ل الستيمرارية د نسمات النبات.
أناطوميا لفروتة هي أناطوميا النبات ديال لقلدة الدخلانية د لفروتة. عند التوت و السݣطات، طوّاقة التمرة كاتشكّل النسيج الصالح ل لماكلة جوايه الزريعات. عند لفروتات لخرين بحال ݣنس الليمون و لفروتات لمعضمين (ݣنس لبرقوق، Prunus) غير شي طبقات من طوّاقة التمرة لي كايتكالو. ف بلاصة هادشي، عند لفروتات لأكسيسواريين، أنسجة خرين تديڤلوپاو ل لحق الصالح ل لماكلة من لفروتة، متلاً تخت النوّارة ف لفريز.
عند لفروتات لملحمين، طوّاقة التمرة عادةً مصايبة من تلاتة د الطبقات لمفرّزين: غلاف التمرة السطحي (Epicarp\Exocarp) لبراني، غلاف التمرة لوسطاني لي لوسط و غلاف التمرة الدخلاني لي لداخل. هاد الطباقي مبدلين ف لغلض و لقوام، و يقدرو يندامجو معا بعضياتهم. ف شي تمرة ليمونية (hesperidium) بحال لحامض، غلاف التمرة السطحي و لوسطاني كايصايبو لقشرة؛ عند شلا توتات بحال لبتيخ و لخيار (پيپو)؛ غلاف التمرة لوسطاني و الدخلاني كايشكلو اللحم (لحق الصالح ل لماكلة).
عند لفروتات ليابسين، طبقات طوّاقة التمرة كايكونو ف لعادة قاصحين، يابسين و ݣاعما كايقدرو يتفرّزو على بعضياتهم ب شكل واضح.
غلاف التمرة السطحي هو مصطلح د علم النبات على قبل الطبقة لبرانية ݣاع من طوّاقة التمرة (ولا لفروتة). غلاف التمرة السطحي، يلا كان، كايصايب الطبقة لبرانية لمتينة ديال لفروتة. غلاف التمرة السطحي شي مرّات كايعيّطو ليه غلاف التمرة لبراني، ولا، خصوصاً، ف فروتات ݣنس الليمون، الصفّير ولا لفلاڤيدو (Flavedo؛ لقشرة لمحكوكة).
الصفّير مشكل ف لغالب من لمواد السيلولوزيين ولايني فيه حتى مركبات خرين، بحال الزيوت لعطريين (essential oils)، الصبغات (pigments؛ لخيزّوتينويدات، لكلوروفيلات، و الصفّيرويدات)، شمع لپارافين (paraffin waxes)، السطريويدات (steroids) و الطريطيرپينويدات (triterpenoids)، لأسيدات الشحميين، الليمونين، و لؤنزيمات.
عند فروتات ݣنس الليمون، الصفّير كايصايب السورفاص لمحيطي ديال طواقة التمرة. كايكون مركب من شلا طباقي من لخلايا لي كايولّيو ب شوية ب شوية غلْض ف الطرف الدخلاني؛ الطبقة لبشراوية (epidermic) كاتكون مغطية ب الشمع و فيها مسامات (stomata)، لي ف شلا حالات كايكونو مسدودين منين كاطّيب لفروتة.
منين لفروتة كاطّيب، خلايا الصفّير كايولي عندهم لخيزّوتينويدات (carotenoids؛ ف لغالب يصفور) وسط لكروموپلاسطات (chromoplasts)، لي ف واحد لمرحالة فايتة كان عندهم يخضور. هاد التحسان لمكونطرولي ب شكل هورموني ف الديڤلوپمو كايكون مسؤول على تبدال لون لفروتة من لخضر ل الصفر ف لوقيتة د الطياب. الصفّير ديال فروتات ݣنس الليمون يقدر يتكشّط من لفروتة باش يصايب قشرة محكوكة (zest).
لموضع الدخلاني ديال الصفّير كايكون عامر ب لكسدات معددين لخلايا ب شكال مكوّرين ولا خوخيين الشكل، لي هوما زيوت عطريين كاملين.
غلاف التمرة لوسطاني هو الطبقة لوسطانية لملحمة ديال طوّاقة التمرة د شي فروتة؛ هو كاين بينات غلاف التمرة السطحي و غلاف التمرة الدخلاني. هو ف لعادة طرف من لفروتة لي كاتكال. متلاً، غلاف التمرة لوسطاني كايصايب لغالبية د الطرف لموكول من شي خوخة، و طرف مهم من شي ماطيشة. غلاف التمرة لوسطاني يقدر عاوتاني يتسمى على أي فروتة ملحمة ب لكامل.
ف شي تمرة ليمونية (ولاهيسپيرية)، غلاف التمرة لوسطاني هو الطرف الدخلاني ديال لقشرة و كايتزوّل ب شكل شايع قبل من لماكلة، كيف ما عند فروتات ݣنس الليمون. عاوتاني كايتسمى النخاع (pith) ولا لبيّيض (albedo). ف فروتة الطرنج (citron)، فين غلاف التمرة لوسطاني كايكون الطرف لبارز ݣاع، لي كايتخدمو ف مصايبة السوكات (succade).
غلاف التمرة الدخلاني هو مصطلح علمونباتي على الطبقة الدخلانية من طوّاقة التمرة ( ولا لفروتة)، لي مطوقّة ديريكت الزريعة. يقدر يكون غشاوي بحال لي ف فروتات ݣنس الليمون فين بوحديتو لي كايكون الطرف الصالح ل لماكلة، ولا غليض و قاصح بحال لي لعضوما (pyrenas) د السݣطات (لفروتات لمعضمين) من فاميلة لورديات (Rosaceae)، بحال لخوخ، حب لملوك، لبرقوق، و لمشماش.
ف لفاكية، هو الطبقة لمعضمة لي كاطوّق اللوزة (kernel؛ ولا النوا) ديال لبݣان (pecans)، و لݣرݣاع، إلخ.، و كاتحيّد قبل من الستيهلاك.
ف فروتات ݣنس الليمون غلاف التمرة الدخلاني كايكونو مفروق ل تقسامات، هاد التقسامات كايكونو عامرين ب بّيصلات (vesicles)، لي فيهم عصير لفروتة.
لحبوب ديال الربيع كايكونو فروتات بساط فرّاديين الزريعة فين طوّاقة التمرة (حيط لمبيض) و غلاف الزريعة كايدّمجو ل طبقة وحدة. هاد الشكل ديال لفروتة كايعيّطو ليه ݣوزاوية السيفة (caryopsis). إيكزومبلات من هاد لفروتات كايجمعو لحبوب الزرعيين، كيف ما لݣمح، الشعير، و الروز.
طوّاقة التمرة لميّتة ديال لفروتات ليابسين كايمتلو واحد الطبقة مفصّلة لي قادرة باش تخزّن پروتينات أكتيڤ و مواد خرين على ود زيادة معدال الزريعات التنباتيين (germinating).
| عالمي | |
|---|---|
| وطني | |
| غيرهم | |
