فروتة
لفروتة (لعربية: فاكهة، نّݣليزية: fruit) هيّ الطرف ديال شي نبتة كاتدير النوّار لي كاتكون هازة الزرّيعة ديالها و لي كاتجي من لمبيض ديالها.
النبتات د النوّار كيخدّمو لفروتات باش يتكاترو. لفروتات لي كيتكالو ب لخصوص كينشرو الزريعة ديالهم ب لحاراكة ديال بنادم و لحيوانات، و هاد لعلاقة كاتّعتابر سامبيوزية (لحيوان كيستافد من لماكلة، و النبتة كاتنشر الزريعة ديالها باش تتكاتر).[1] لفروتات كيشكّلو طرف مهم ديال لمنتوجات الزراعية، و شي نواع (بحال التفاح و الرمان) عندهم بزاف د الدلالات التقافية و الرمزية.
ف التخدام لعام، لفروتة هيّ أي نوع د لحبات لي كاتكون عادةً حلوة (و شي مرات مرّة) لي فيها زريعات ديال نبتة، و كاتّكال كيما هيّ بلا طياب، بحال التفاح، لبانان، لعنب، لحامض، الليمون ولّا لفريز. عند لمتخصصين ديال لبوطانيك، مصطلح "فروتة" (ب نّݣليزية: fruit) يقدر يتخدم على حوايج لي عامة الناس ماكيتعابروهمش فروتات، بحال لڭرڭاع، حبوب اللوبيا، الضّرا، ماطيشة، و حبوب لڭمح.[2][3]
- ↑ Lewis، Robert A. (2002). CRC Dictionary of Agricultural Sciences. CRC Press. ردمك 978-0-8493-2327-0. مأرشيڤي من لأصل ف 2024-01-30. تطّالع عليه ب تاريخ 2020-10-06.
- ↑ Schlegel، Rolf H J (2003). Encyclopedic Dictionary of Plant Breeding and Related Subjects. Haworth Press. ص. 177. ردمك 978-1-56022-950-6. مأرشيڤي من لأصل ف 2024-01-30. تطّالع عليه ب تاريخ 2020-10-06.
- ↑ Mauseth، James D. (2003). Botany: An Introduction to Plant Biology. Jones and Bartlett. pp. 271–72. ردمك 978-0-7637-2134-3. مأرشيڤي من لأصل ف 2024-01-30. تطّالع عليه ب تاريخ 2020-05-09.