فرماج رونكال
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
فرماج رونكال
| ||
 | ||
| معلومات عامة | ||
| نوع د لماكلة | فرماج حليب النعجة و فرماج صبليوني | |
| لبلاد لأصلية | سپانيا | |
| مصاوب من | حليب النعجة | |
فرماج رونكال هوّ فرماج ديال سپانيا كيتصاوب من حليب النعجة ف وادي رونكال لي جا ف جبال لپيريني ف منطقة ناڤار. ف 1996، هاد لفرماج ولّى محمي ب "التسمية لمحمية د لأصل" Protected designation of origin ديال لإتحاد لؤروپي.[1]
كيتصنع هاد لفرماج ف وادي رونكال ف ناڤار ف جماعات ؤسطاروص Uztárroz، إسابا Isaba، ؤرساينكوي Urzainqui، رونكال Roncal، ڭارد Garde، ڤيداڭوص Vidángoz و بورڭي Burgui.
لحليب لمخدّم كيجي من نعاج ديال سلالة لاشا، لي كاتعيش ف الجبال و كاتعطي بزاف د لحليب، و سلالة راسا،[2] لي تا هيّ مولّفة لكليما لقاسح ديال الجبال،[3] زيادة على لكروازمة ديال سلالات لاشا ف1 و ميلششاف.[4]
لمراحل ديال التصنيع، لي كيكون من دجنبر تال يوليوز، كيشملو التختار ديال لحليب (ف درجة حرارة مابين 30 و 37 °س)،[4] التقطاع، التقطير égouttage، لحطان ف قالب moulage، التمليح و التنضاج maturation.[2]
الشكل ديالو كيكون أسطواني ب 8 تال 12 سنتيم د لغلض، و عندو قشرة غليضة و رمادية. من مور تنضاج ديال 4 شهور، لوزن ديالو كيكون 2 تال 3 كيلو. هاد لفرماج فيه كشكوشة و عندو مداق قوي و حار شوية. لمداق ديالو كيكون قوى عاد يلا تنضّج ل مدة 6 تال 8 شهور. لملمس ديالو كيولّي قاسح قريب ل ديال فرماج د لپارميسان. كيتقطع عادة ل طراق رقاق، شي لي كيرفع و كيحسّن النكهة ديالو.