فرماج
 | هاد لمقال مامراجعش. (غشت 2025) |
.jpg)
لفرماج هو ماكلة معروفة كتدّار من الحليب. كاين اللي كيدير الفرماج من حليب المعز، ولا من حليب الغنم، ولا من حليب البقرة، ولا من شي نوع ديال الحليب ديال الحيوانات اللي كترضَع. الحليب اللي كيتستعمل يقدر يكون مبستَّر ولا لا، ويقدر يكون مقشوط ولا فيه الدسم كامل. حتى هو يقدر يكون حامض ولا حلو.[1][2][3]
الفرماج راه ماكلة قديمة، كيقولو باللي الجذور ديالو كترجع لما قبل التاريخ المكتوب. كيتقال بلي بدايتو كانت فطريقة نقل الحليب فمثانة ديال كرش ديال الحيوان اللي كيجتر، حيت هي اللي كانو كيستعملو باش يجيبو منها المنفحة. ما كاين حتى دليل قاطع كيبين فين بالضبط بدات صناعة الفرماج، واش فـ أوروپا، ولا فـ آسيا الوسطى، ولا فـ الشرق الأوسط، ولا حتى فـ الصحرا الكبرى.
وصناعة الفرماج ولات معروفة فـ أوروپا مع بداية الميتولوجيا ليونانية لقديمة، و پلينيوس لقديم قال بلي صناعة الفرماج ولات مشروع متطور فـ وقت روما لقديمة، و ف هادك الوقت كانو الفرماجات الغالية كيجيبوهم ل روما باش يرضيو الأذواق ديال الناس الرفيعين.
كل شعب عندو ثقافتو، وكل بلاد ولا حتى دوار، فيه كنوز ديال الطبيعة اللي كتشّد القلب. ودابا، كنشوفو عالم جديد ما عمرنا شفناه، كاين إختلافات و أنواع ديال الفرماج اللي ما كانتش من قبل، كيديرو نكهات خيالية، وكيديرو إضافات ما كناش نحلمو بها.
بحال الطاليان، فرانسا، بلجيكا، پولونيا، هولندا، نݣليز، وبلدان خرة من الغرب، مبدعين فصناعة الفرماج وكيروّجو راسهم فهاد العالم اللي ما عندوش نهاية.
الناس كاملين كيعرفو المقولة المشهورة اللي تكتبَت فـ عام 1546، فالكتاب ديال الأمثال ديال جون هيوود، اللي قال فيه: "القمر مصنوع من فرماج خضر". و"خضر" هنا ماشي اللون، ولكن كتعني بلي باقي جديد وما تعتقش.
هاد الفكرة بقات كتدور بزاف عبر السنين، ووكالة ناسا حتى هي ستاغلاتها فـ كذبة أبريل عام 2006.
كاين حتى قصة كتقول بلي الفرماج تكتاشف من 1500 عام هجري. بعض البحوث قالت بلي داك الشحمة اللي لقاوها فكرش "رجل الثلج"، المومياء اللي عمرها 5000 عام، اللي تكتاشفات فجنوب تيرول، تقدر تكون فرماج قديم بزاف، يعني ممكن تكون أقدم قطعة فرماج فـ تاريخ البشرية.
المومياء تسمات "أوتزي" نسبة لجبال الألب فـ أوتزتال، ولقاوها فـ جبل جليدي كيبدا يدوب فـ عام 1991. كيعتابرو بلي عاش ما بين عام 3350 و 3100 قبل الميلاد، ولقاو داك الشحمة فكرشو مع الوجبة اللخرة اللي كلا قبل ما يموت.
وكاين بحث آخر كيقول بلي أقدم قطعة فرماج تقدر ترجع لعام 1615 قبل الميلاد، بعدما لقاو فرماج الكفير وسط جثت محنطة فـ صحرا تاكلاماكان فـ الشينوا.
وإلى كان "رجل الثلج" فعلاً كلا داك الفرماج، راه هاد الشي كيرجع تاريخ الفرماج ب1500 عام للور.
كاينين بزاف ديال الأنواع ديال الفرماج، وكل بلاد عندها نوع خاص بيها كتتميز بصناعتو. ومن بين أشهر الفرماجات فالعالم كاين الفرماج الفرانساوي، حيث كاين علاينً 370 نوع مختالف. وكيقولو بلي شارل ديغول ضحك وقال: "كيفاش نقدر نحكم بلاد فيها هاد العدد كامل ديال أنواع الفرماج وديال الأذواق؟"
كاين الفرماج القاصح، وكاين الفرماج اللي رطب ولّيِّن. من الأنواع ديال الفرماج القاصح كاين: الشيدار، الإيدام، الجودا، وهاد الأنواع مشهورة بها سويسرا والبارميزان.
وكاين فرماجات نص قاصحين بحال: الروكفور والݣورݣونزولا.
وكاين الفرماجات اللي رطاب بزاف بحال النيڤ شاتيل.
وكيعيشو فـ الفرماج كائنات حيّة دقيقة، خصوصاً فـ مرحلة الإنضاج، وهما اللي كيعطيو الفرماج داك النكهة المميزة ديالو.
فرماج قريش: معروف فـ بلاد الشام ومصر، وهو فرماج ما فيهش الدسم.
فرماج مجدول: كيتصاوب من الحليب الطري وكيتم تجديليه بطريقة خاصة، ومشهور بيه سوريا.
فرماج براميلي: كيتدار حتى هو من الحليب الطري، ومشهور فـ مصر.
فرماج الحلوم: مشهور بيه قبرص وبلاد الشام.
فرماج دمياطي: معروف فـ مدينة دمياط فـ مصر، وكيتميز بملوحته القوية بزاف.
فرماج الرأس (اللي كيتسمى حتى الرومي أولا التركي): كيتصاوب من حليب البقر ولا الجاموس، ومشهور فـ مصر والطاليان.
فرماج تعزي: فهاد الفرماج، كيغليو الحليب فوق نار مهيلة لمدة طويلة، وكيخلطوه مع مادة مهمة كيتستخرجوها من صغار المعز، وكتسمى اللفح، فيها إنزيم كيعون باش يترسّب الفرماج ويبقى الما بوحدو. كيديروه فـ قطعة ديال الثوب، وكيربطوه مزيان حتى ينشف، وداكشي كياخد علاينً 24 ساعة. هاد النوع مشهور به مدينة تعز فـ اليمن.
ف أوروپا كاين مياوات وربما آلاف ديال الانواع ديال الفرماج، و من بين أشهر الفرماج الأوروپي:
- فرماج باراميزان: هاد النوع كيكون يابس، و مشهور ف الطاليان.
- فرماج الصيدر: مصنوع من لحليب ديال البقر، و مشهور في بريطانيا.و أستراليا.و كندا.و أمريكا..
- فرماج الركفر: فرماج نص ديالو يابس و اللون ديالو ضارب للخضورا حيتاش كيكون معفن.
- موتزاريلا.
- كامامبر: فرماج نورماندي. طري من لحليب ديال البقر.
- مسدام.: فرماج هولندي.
- فيتا.: الفرماج الشعبي في البلقان.
- غودا.
- حلمو.
كاين الشرش، وهو منتوج جانبي كيخرج من صناعة الفرماج، وكيحتوي على الما، اللاكتوز، الأليومين، معادن كيدوبو، الدهون، والپروتينات.
الشرش كيتستعمل فـ بزاف ديال الحوايج، بحال العلف ديال الحيوانات، ولا فـ تحضير الحامض اللبني والجليسيرين، وكاين حتى اللي كيديرو منو فرماجات بحال البريموست.
وفـ بلاد الشام وتركيا، كيديرو منو اليوغورت أولا العيران، اللي هو نوع من الفرماج، وكيتاكل يا إما سائل ولا يابس، وكيتبدل شوية من بلاصة لبلاصة.
| أكثر الدول اللي كتنتج الفرماج (1,000 طن متري) | |
|---|---|
| لميريكان | 4,275 (2006) |
| ألمانيا | 1,927 (2008) |
| فرانسا | 1,884 (2008) |
| الطاليان | 1,149 (2008) |
| هولندا | 732 (2008) |
| پولونيا | 594 (2008) |
| البرازيل | 495 (2006) |
 مصر |
462 (2006) |
| الأرجنتين | 425 (2006) |
| أستراليا | 395 (2006) |
| أكبر دول اللي كيصدرو الفرماج من حيث القيمة (من لحليب ديال البقر وحده) - 2004 (بالنسبان دولار ميريكاني) | |
|---|---|
| فرانسا | 2,658,441 |
| ألمانيا | 2,416,973 |
| هولندا | 2,099,353 |
| الطاليان | 1,253,580 |
| الدنمارك | 1,122,761 |
| أستراليا | 643,575 |
| نيوزيلندا | 631,963 |
| بلجيكا | 567,590 |
| أيرلندا | 445,240 |
| المملكة المتحدة | 374,156 |
| أكثر الدول اللي كتستهلك الفرماج - 2003 (بالكيلوݣرام للفرد في السنة) [4] | |
|---|---|
| اليونان | 27.3 |
| فرانسا | 24.0 |
| الطاليان | 22.9 |
| سويسرا | 20.6 |
| ألمانيا | 20.2 |
| هولندا | 19.9 |
| النمسا | 19.5 |
| السويد | 17.9 |
- ↑ Chris Mercer (September 23, 2005). "Australia lifts Roquefort cheese safety ban". ap-foodtechnology.com. Archived from the original on June 27, 2006. Retrieved October 22, 2005.
- ↑ "Straight Dope: How did the moon=green cheese myth start?".. Retrieved October 15, 2005. مؤرشف 2008-05-13 فموقع وايباك ماشين
- ↑ Workman, Daniel (12 April 2016). "Cheese Exports by Country in 2015". World's Top Exports. Archived from the original on 25 يوليوز 2018. Retrieved 2 June 2016.
- ↑ CNIEL مؤرشف 2011-07-27 فموقع وايباك ماشين
