فاني فايس (مشروب پودرة)
فاني فايس (ب نّݣليزية: Funny Face) هو مشروب مسحوق كان كيتباع ف مريكان ما بين 1964 و 1994.[1] هاد المشروب كانت كتنتجو شركة پيلزبوري Pillsbury، و كان كيجي ف جوايات صغار كيتخلطو مع الما باش يولي مشروب منعش.
أول إصدار ديال فاني فايس كان فـ 1964. النكهات اللي كانو ف البداية كانت كل وحدة منها مرتبطة ب شخصية مرسومة على الجوا بشكل فكاهي. من بعد، جوج نكهات تبدلو بسبب الرسومات ديالهم اللي كانت فيها إيحاءات عنصرية، و هما إنجون أورونج و تشاينيز تشيري، واللي تعوضو ب سميات جداد أكثر إحترام.
فاني فايس كان كيتباع ف عدة نكهات، وكل وحدة كانت مميزة بالسمية ديالها و بالشخصية اللي كانت مرسومة على البواطة. من بين النكهات اللي تشهرو كاين ڭوفي گراپ، روتن توتن راسبيري، فريكل فايس ستروبيري، و تشو تشو تشيري. مع مرور الوقت، الشركة بدلات بعض النكهات و زادت وحدين خرين، على حساب الإقبال ديال المستهلكين.
ف وسط الستينات، خرج جدل على جوج نكهات حيث كانو كيستعملو سميّات ورسومات دابا كيتعتابرو عنصرية. إنجون أورونج كانت كتستعمل مصطلح "إينجون" injun لي كيعني الأمريكيين الأصليين بطريقة مسيئة، و تشاينيز تشيري كانت فيها صورة كاريكاتورية بأسلوب كيضحك على الآسيويين. من بعد ما وصلات الشكاوي، الشركة قررت تبدل هاد السميّات و التصاميم باش مايبقاش عندها أي طابع عنصري.
لماركة شراتها برييدي إنترپرايزز ف التمانينات، و بقات كاتنتجها تال 1994.[2] مابين 1994 و 2001، كانت محاولة ديال معاودة لإنتاج ديالها، ب عدد ديال التغييرات، و التوزيع ديالها ف مناطق محدودة. ف 28 نونبر 2012، شركة منتوجات ديكاص كرانبيري ردّات 4 ديال الشخصيات و لوجوه د فاني فايس، على ود مأكولات خفيفة.[3]
- ↑ Daly، Nicholas (2023-09-21). "The Canterville Ghost: Oscar Wilde's ghost story gets new life in this funny and stylish animated adaptation". doi.org. تطّالع عليه ب تاريخ 2025-09-03.
- ↑ Brett Lang (August 8, 2009). "Funny Face gets animated". The Patriot Ledger. تطّالع عليه ب تاريخ July 29, 2018.
- ↑ "Decas Cranberry Launches Funny Face Dried Cranberries in Single-Serve Packages" (Press release). Carver, Massachusetts: Decas Cranberry Products. November 28, 2012. تطّالع عليه ب تاريخ February 15, 2024 – على طريق Marketwired.
 هادي زريعة ديال مقالة خاصها تّوسع. تقدر تشارك ف لكتبة ديالها. |