فالزلاز سام
فالزلاز سام
| ||
 | ||
| معلومات عامة | ||
| سمية لعيلمية | Conium maculatum (كارولوس لينيوس، 1753) | |
| لخاصية د ترتاب | نوع | |
| تابع ل | الشوكران الكبير | |
| لمناسلة | ||
| نوع لفاكية | فقيرة | |
| معلومات خرين | ||
| ستيعمالات | عشوب طبية | |
لفالزلاز السام (السمية لعلمية Conium maculatum) نوع د النباتات لي كاتدير النوّار سامة بزاف، و كاتنتامي ل نفس لفاميلة لبيولوجية بحال خيزو.
هاد النبتة عشوبية، حيت ماعندهاش طرف خشبي و عندها دورة د لحياة د عاماين. ف ضروف مزيانة، كاتقدر توصل ل 2,4 ميترو د الطول، ب جدور كيوصلو ل غرق كبير. النبتة عندها ريحة متميزة لي كاتعتابر عادة خايبة و كاتنتاشر معا الريح. عوادها خاويين من الداخل و فيهم طاشات ب لون حمر مغلوق لي كينشفو و كيوليو قهويين ملي كاتكمل الدورة د لحياة ديالها.
فالزلاز أصلي ف شمال إفريقيا و ؤروپا، و كيقدر يولّف بيئات مختالفين، و دابا راه موجود ف بلايص بعاد على لموطن لأصلي ديالو، بحال ؤسطراليا، غرب أسيا، و أمريكا الشمالية و الجنوبية، بعدما تّزرع تماك. عندو قدرة باش ينتاشر بوحدو، و يولّي نبتة مجتاحة.
جميع لأجزاء ديالو سامين، سيرتو الزريعة و الجدور، و ب لخصوص يلا تكال. فالزلاز معروف بلي هوّ السم لي كلاه لفيلسوف سقراط مور لمحاكمة ديالو ف ليونان لقديمة.
رسمة من لقرن 19
النوّار
ريوس الزريعة ف اللخر د الصيف
على حساب محمد شفيق، "فالزلاز" هيّ السمية ديال نواع د النباتات لي كيتسماو ب لعربية شوكران ولّا سوكران، ولّا ب لفرانساوية Jusquiame. هاد السمية أصلها من لأمازيغية.[1] التخدام ديال هاد السمية كايشمل لفالزلاز السام (كونيوم ماكولاتوم)، و شي نواع د ڭنس لبنج.
ف ليونان لقديمة كان لفالزلاز السام كيتخدم ف لإعدام ديال لمحابسيا. ثيماطينيس، سقراط، پوليماركوس و فوكيون كاملين تقتلو ب هاد النبتة.[2] سقراط، أشهر ضحية د هاد التسمم ب فالزلاز، تعطالو مشروب مصاوب منو.[3] ف لأساطير د ليونان، النباتات السامة بحال فالزلاز كانت عندهم قداسة عند الربة هيكاطي (ربة د السحور و الدوايات)، و بناتها كيركي و ميدييا.[4]
كيسان من النوع لي كانو كايتخدمو ف ليونان لقديمة (لقرن 5 قبل لميلاد) باش يتعطى سم فالزلاز
لموت ديال سقراط، لوحة ديال جاك لوي داڤيد، 1787
.jpg)
- ↑ محمد شفيق (1999). الدارجة المغربية مجال توارد بين الأمازيغية والعربية (ب العربية و الدارجة). طبعة المعارف الجديدة.
- ↑ Blamey, M.; Fitter, R.; Fitter, A. (2003). Wild flowers of Britain and Ireland: The Complete Guide to the British and Irish Flora. London: A & C Black. ISBN 978-1408179505.
- ↑ Nails, Debra (2009). "The Trial and Death of Socrates". In Ahbel-Rappe, Sara; Kamtekar, Rachana (eds.). A Companion to Socrates. Wiley. pp. 5–20. ISBN 978-1-4051-5458-1.
- ↑ Keezer, William S. (1963). "Botanical Sources of Early Medicines". Bios. 34 (4): 185–191. JSTOR 4606514.
