جهة فاس مكناس

سمع (فيشي)
من ويكيپيديا
(تحولات من فاس مكناس)


‫فاس مكناس‬ (ar)
ⵜⴰⵎⵏⴰⴹⵜ ⵏ ⴼⴰⵙ ⴰⵎⴽⵏⴰⵙ (tzm)
جهة فاس مكناس
التقسيم لإداري
لبلاد لمغريب
لعاصيمة فاس
لأقاليم
التأسيس 2015
تسمات على فاس و مكناس
لجغرافيا والسكان
لميساحة 40,075 كم²
محادية معا جهة الشرق
جهة درعة تافيلالت
جهة بني ملال خنيفرة
جهة الرباط سلا القنيطرة
جهة طنجة تطوان الحسيمة
شحال دالسكان 4,236,892 (2014)
معلومات خرى
التوقيت ڭرينيتش + 1
اللوغات
السيت الرسمي لموقع الرسمي[1]
كود إيزو 3166-2 MA-03
خريطة لجيهة



جهة فاس مكناس (بلأمازيغية: ⵜⴰⵎⵏⴰⴹⵜ ⵏ ⴼⴰⵙ ⵎⴽⵏⴰⵙ، بالفرانساوية: Fès-Meknès) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[2] لجيهة كاينة فالشمال الشرقي ديال البلاد، و لعاصيمة ديالها هي فاس، و مابين لمدون اللي كاينين فلجيهة: مكناس وبولمان وصفرو وإيفران وتازة. عدد السكان على حساب لإحصاء اللي تدار فـ2014 وصل فهاد لجيهة لـ4,236,892.[3] لميساحة ديال لجيهة هي 40,075 كم².[4]

السكان ولأقاليم[بدل | بدل لكود]

السكان فلأقاليم ديال لجيهة[بدل | بدل لكود]

هاد لجدوال كايبين لأقاليم ديال لجيهة والسكان ديالها:[3]

لأقاليم أولا لعمالات شحال دلفاميلات شحال دالسكان
عمالة فاس 265,036 1,150,131
عمالة مكناس 192,654 835,695
إقليم بولمان 39,219 197,596
إقليم لحاجب 53,230 247,016
إقليم إيفران 35,859 155,221
إقليم صفرو 66,034 286,489
إقليم تاونات 128,719 662,246
إقليم تازة 107,408 528,419
إقليم مولاي يعقوب 31,338 174,079
جهة فاس مكناس 919,497 4,236,892

التطور ديال شحال دالسكان[بدل | بدل لكود]

هاد لجدوال كايعطي التطور ديال سكان لجيهة مابين 1994 و2004.[5]

1994 2004 2014
3,425,782 align=center| 3,873,214 align=center| 4,236,892
1994 و2004 و2014: إحصاء رسمي ديال الدولة

لجغرافيا ولموناخ[بدل | بدل لكود]

جهة فاس مكناس محاديها من الشمال جهة طنجة تطوان الحسيمة ومن لجانوب جهة درعة تافيلالت ومن الشرق جهة الشرق ومن لجانوب لغربي جهة بني ملال خنيفرة ومن لغرب جهة الرباط سلا القنيطرة. هاد لجيهة فيها بزاف ديال لخصائص لجغرافية بحال أنه دايز منها جبال لأطلس لمتوسط ؤويدان بحال واد سبو وهضاب من متوسطة لعلو حتى لعالية، وتيلال دلبدو ديال الريف فالشمال، تلال ميسور وسهول سايس. لميساحة ديال لجيهة واصلة لـ40,075 كم². لجهة ديال فاس مكناس فيها تلاتة ديال لأنواع د لموناخات:[6]

  • موناخ قاري فالشمال ديالها، كيكون سخون وناشف بزاف فالصيف، و بارد ورطب ف الشتا. معدّال التساقوطات فيه 450 مم و كتسوط فيه ريح ناشفة و باردة ولا باردة ورطبة ف شتا، وريح سخونة ديال الشرݣي فالصيف.
  • موناخ بارد ورطب فالجبولة، بارد بزاف ومݣلاصي فالشتا، و معتادل فالصيف. لمعدّال ديال التساقوطات فيه كيفوت 600 مم وكيطيح فيه التبروري وكتجي فيه فيضانات مورا الشتا.
  • موناخ نص ناشف ف تيلال العالية ديال بولمان، لي التساقوطات فيه ما كتفوتش 250 مم. الشتا كتكون فيه باردة بزاف ومݣلاصية، و الجريحة تقريبا كل نهار.

هاد لجدوال كيعطي لمعلومات على لحرارة والشتا فمدينة فاس اللي هي لعاصيمة ديال لجيهة.

لموناخ ديال فاس
الشهر يناير فبراير مارس أبريل ماي يونيو يوليوز غشت شتنبر أكتوبر نونبر دجنبر
أكبر درجة دلحارارة تسجلات بـ C° 25 30.5 33.3 37 40.8 44 46.7 44.4 41.7 37.5 31.2 27
معدّال لحرارة لعليا بـ C° 15.1 16.5 18.3 19.7 23.9 28.5 33.9 33.8 30.4 24.7 19.3 15.7
معدّال لحرارة بـC° 9.4 10.8 12.1 13.7 17.1 21 25.3 25.4 22.7 18.1 13.5 10.1
معدّال لحرارة السفلانية بـC° 3.7 5 5.9 7.6 10.2 13.4 16.7 17 15 11.4 7.7 4.6
أدنى درجة دلحارارة تسجلات بـC° −8.2 −4.9 −2.5 −0.5 0 4.9 8.5 9.2 5.9 0 −1.4 −5
معدّال الشتا فالشهر بلميليميتر 72.2 100.4 93.6 87.7 53 24.4 3 3.6 17 62.3 89.1 85.2

لبينية التحتانية[بدل | بدل لكود]

مطار فاس الدولي من السما.

مطار فاس الدولي (مطار فاس سايس) هو مطار كاين فمدينة فاس وكايسيرڤي لجيهة ديال فاس مكناس. كيبعد لمطار على الصونطرڤيل ديال لمدينة بـ 11 كيلوميتر، وقريب من لوطوروت ديال الرباط-وجدة. كيتعتابر رابع أكبر مطار فلمغريب من ناحية عدد لمسافرين. تفتاتح لمطار فـ1960 فعهد محمد الخامس بلحضور ديال ملك الأردن الحسين بن طلال وكايقدر يهز 2.500.000 مسافر.

كاينة واحد لوطوروت اللي دايزة من لجيهة هي لوطوروت التالتة اللي كاتدي من الرباط حتال مدينة وجدة والطول ديالها 496 كيلوميتر. هاد لوطوروت كادّوز من مكناس وفاس وتازة.[7]

بالنسبة للطرقان لوطنية لجيهة دايزين فيها سبعة واللي هوما الطريق لوطنية 4 والطريق لوطنية 6 والطريق لوطنية 8 والطريق لوطنية 13 والطريق لوطنية 15 والطريق لوطنية 27 والطريق لوطنية 29.[8]

ليقتيصاد[بدل | بدل لكود]

لفلاحة[بدل | بدل لكود]

فيرمة فجوايه مكناس.

كاتوصل لميساحة الصالحة للزيراعة فجيهة فاس مكناس لـ1.340.826 هيكتار، ما بينها 184.162 هيكتار مسقية، بقيمة زايدة وصلات لـ9.1 مليار ديال الدرهم.[9] لجيهة كاتنتج زيت الزيتون فـلمطة، عزابة، زرهون ووطات لحاج، حب لملوك فعين اللوح، اللوز فأكنول، التفاح فتافجيغت ولكبّار فزرهون وفاس. فلمجال ديال التربية دلبهايم لجيهة فيها لبݣر ولغنام ولمعاز والجمال ولخيول، واللي غالب بزاف هما لغنام اللي وصل عدد الريوس ديالهوم فعام 2015 لتلاتة دلمليون و532 ألف راس، واللي عطاو قيمة زايدة 3.5 مليار ديال الدرهم.[9]

الصيناعة[بدل | بدل لكود]

فجيهة فاس مكناس الصيناعة واقفة على لينتاج ديال لاغدية الزيراعية والتواب والجلد بنيسبة واصلة لـ60% من لقيمة الزايدة ديال لجيهة. كاينة 997 وحادة صيناعية فلجيهة مخدّمة 47 ألف واحد، أولا 9% ديال لپيرصونيل فلمغريب. 61% ديال هاد لوحادات كاينين ففاس و18% كاينة فمكناس. كاينين 4 ديال لوحادات الصيناعية فلجيهة.[10] الصيناعة التقليدية هي شي حاجة اللي معروفة بيها لجيهة ديال فاس مكناس، واخا ماكايناش معطايات كاملة ولايني مايمكنش لينا نتاجهلو هاد لحقيقة. هاد النوع ديال الصيناعة كاينتج فالساس ديالو لحوايج اللي مصاوبين من الجلد (26.3% ديال الشيفر دافّير) ولموجوهارات (22.3%) والصبابط (14.2%).[11]

السياحة[بدل | بدل لكود]

مدرسة بنيوسف فمدينة فاس

كاين بزاف مايتشاف فجيهة فاس مكناس، بحال لمدينة لقديمة ديال فاس ومدينة وليلي لقديمة. كاينين حتى لحامات ديال مولاي يعقوب ولغابات ديال لارز فإيفران اللي فيها 115.920 هيكتار وبزاف ديال الضايات بحال ضاية عوا. فصفرو كاينين بزاف ديال لمناضير الطبيعية بحال غابات تاݣلتونت وجبال بويبلان، وكاينين بزاف ديال لمآتير التاريخية فمكناس اللي بناوها لمرابطين أولا تاونات اللي بناوها لموحدين.[12] جات كتر من مليون ديال السياحة لفاس فعام 2015 لواحد لجيهة اللي فيها 335 أوطيل بكتر من 19 ألف فراش.[13]

شوف حتى[بدل | بدل لكود]

عيون لكلام[بدل | بدل لكود]

  1. ^ region-fes-meknes.ma
  2. ^ "le maroc compte desormais 12 regions (بلفرانساوية)". مأرشيڤي من لأصل ف 5 يونيو 2015.
  3. ^ a b "لجريدة الرسمية عدد 6354 بتاريخ 23 شهر 4، 2015 - الصفحة 3" (PDF). مأرشيڤي من لأصل (PDF) ف 2021-09-25. تطّالع عليه ب تاريخ 2020-09-30.
  4. ^ "قائمة جهات لمغريب ولعواصيم ديالها ولميساحات ديالها - موقع sport-histoire.fr". مأرشيڤي من لأصل ف 2023-06-08. تطّالع عليه ب تاريخ 2020-10-07.
  5. ^ "ساكنة الجهة حسب الإحصاء العام لسنة 2014 - موقع مجلس جهة فاس مكناس". مأرشيڤي من لأصل ف 2023-03-29. تطّالع عليه ب تاريخ 2020-09-30.
  6. ^ https://web.archive.org/web/20210925091908/https://www.hcp.ma/file/104402/. مأرشيڤي من لأصل ف 2021-09-25. تطّالع عليه ب تاريخ 2020-07-22. Missing or empty |title= (معاونة)
  7. ^ "التايملاين ديال شركة لوطوروطات دلمغريب". مأرشيڤي من لأصل ف 2023-06-03. تطّالع عليه ب تاريخ 2020-10-01.
  8. ^ "لجريدة الرسمية عدد 6677 (28 شهر 5، 2018 - الصفحة 22-23-24)" (PDF). مأرشيڤي من لأصل (PDF) ف 2021-09-25. تطّالع عليه ب تاريخ 2020-10-01.
  9. ^ a b "الفلاحة في جهة فاس مكناس - موقع جهة فاس مكناس". مأرشيڤي من لأصل ف 2023-03-21. تطّالع عليه ب تاريخ 2020-10-01.
  10. ^ "الصناعة في جهة فاس مكناس - موقع جهة فاس مكناس". مأرشيڤي من لأصل ف 2023-03-29. تطّالع عليه ب تاريخ 2020-10-01.
  11. ^ "الصناعة التقليدية في جهة فاس مكناس - موقع جهة فاس مكناس". مأرشيڤي من لأصل ف 2023-03-23. تطّالع عليه ب تاريخ 2020-10-01.
  12. ^ "استكشاف الجهة - موقع جهة فاس مكناس". مأرشيڤي من لأصل ف 2023-06-05. تطّالع عليه ب تاريخ 2020-09-30.
  13. ^ "السياحة - موقع جهة فاس مكناس". مأرشيڤي من لأصل ف 2023-03-23. تطّالع عليه ب تاريخ 2020-10-01.
Wikimedia Commons تقدر تزيد شوف بزاف د تّصاور و لمعلومات ديال Fès-Meknès ف ويكيميديا كومنز.