غينيا بيصًاو

من ويكيپيديا
اذهب إلى التنقل اذهب إلى البحث
غينيا بيصًاو

República da Guiné-Bissau (pt)

Flag of Guinea-Bissau.svg Emblem of Guinea-Bissau.svg
نشيد هادي هي بلادنا اللي كانبغيو

[[File:|100px]]

لعاصيمة بيساو
الساكينة
شحال دالسكان 1,861,283 (2017)
اللوغات الرسمية لبرتغالية
متوسط ديال لعمر 57.403 (2016)
لجغرافيا
لميساحة 36,125 كم²
لقمة لعالية قيمة مجهولة (300 م)
لبلاصة الطايحة لمحيط لأطلسي (0 م)
لإدارة
الرئيس د غبينيا بيصّاو عمرو سيسكو إمبالو
رئيس لووزارا د غينيا بيصّاو نونو نابيان
لبرلمان التجمع لوطني الشعبي
لقتيصاد
الناتيج الداخلي لكامل 1,346,933,490.2358 US$ (2017)
الناتيج الداخلي لكامل للواحد 723 US$ (2017)
لبيطالة (شوماج) 7 % (2014)
مؤشر التنمية لبشرية 0.455 (2017)
لفلوس لفرنك لغرب إفريقي
معلومات خرا
توقيت ديال لبلاد ڭريتينش
رمز لبلاد GW
رمز لانترنيت ‎.gw‎
رمز التيليفون +245
نيميرويات دليرجونس 112، 119، 121 و 180
الجهة دالصوگان ليمن
السيت الرسمي guinebissaurepublic.com

لجمهورية د غينيا بيصًاو (بلبرتغالية: República da Guiné-Bissau) هي بلاد جات ف لغرب د إفريقيا وتاطّل على لمحيط لأطلسي. تاتحدًها السينيڭال من الشمال و غينيا من لجنوب و الشرق، و لمحيط لأطلسي من لغرب.

غينيا بيصًاو كانت تابعة للإمبراطورية التاريخية د مالي، و موراها للمملكة د كابو. شي بلايص بقاو تابعين لديك لمملكة تال لقرن 18، و لكن شي بلايص ستعمراتهم لبرتغال من لقرن 16. ف لقرن 19 ولاّت لمنطقة كاملة مستعمرة ديال لبرتغال، و تسمّات "غينيا لبرتغالية". ملّي ستاقلات لبلاد ف 1974، زادت "بيصّاو" لسميتها باش ما تتخلّطش مع غينيا لفرانساوية، اللي سبقاتها وستاقلات ف 1958، و خدات السمية د غينيا.

تيسكنو ف غينيا بيصًاو تقريبا 1.8 مليون د الناس و لعاصمة ديالها و أكبر مدينة فيها هي بيصّاو. اللغة الرسمية د لبلاد هي لبرتغالية، ولكن تيهضروها غي 2% د الناس. الناس لاخرين تيهضرو بيناتهم اللغات لمحلية د لبلاد بحال لكريول اللي تيهضروه 54% د السكان. لفلوس اللي كاتخدّم ف غينيا هي لفرنك لغرب إفريقي، و لأديان اللي كبيرة ف لبلاد هي لمسيحية (62%) و لإسلام (38%).

غينيا بيصًاو داخلة مع بزاف د لمنضمات دولية بحال لأمم لمتحدة و ليتيحاد ليفريقيو لمجتمع لقتصادي د الدول د غرب إفريقيا، منضمة التعاون لإسلامي، لمجتمع د الدول د اللغة لبرتغالية، و لمنضمة لعالمية د لفرونكوفونية.

لمصادر[بدل | بدل لكود]

Wikimedia Commons تقدر تزيد شوف بزاف د صور و معلومات ديال Guinea-Bissau ف ويكيميديا كومنز.