عيد ميلاد بوب (فيلم 1994)
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
عيد ميلاد بوب
| ||
| معلومات عامة | ||
| لعنوان لأصلي | Bob's Birthday | |
| نوع د لفيلم | فلم كوميدي | |
| تاريخ د نّشر | 1993 | |
| شركة د لإنتاج | المجلس الوطني لأفلام كندا، فيلمفور برودكشنز و القناة الرابعة البريطانية | |
| شركة د توزيع | المجلس الوطني لأفلام كندا | |
| لموساهمين | ||
| لمخرج | أليسون سنودن و ديفيد فاين | |
| سيناريست | أليسون سنودن | |
| مونتيج | David Verrall | |
| معلومات إضافية | ||
| لجوايز | ||
| لموقع الرسمي | http://www.nfb.ca/film/bobs_birthday/ | |
      | ||
عيد ميلاد بوب (بالنڭليزية: Bob's Birthday) هو فيلم د الرسوم قصير كندي-بريطاني خرج ف سنة 1994، قادوه و خرجوه أليسون سنوودن و دايفيد فاين. الفيلم ربح جائزة الأوسكار لأفضل فيلم رسوم متحركة قصير ف الحفل د الأوسكار رقم 67 د 1995،[1][2] و كيتعتابر هو الحلقة التمهيدية د المسلسل د الرسوم بوب و مارڭاريت.
الفيلم كيطرق ل أزمة منتصف العمر ب قالب كوميدي و ضاحك، و كيعاود على مارڭاريت اللي وجدات حفلة مفاجأة ل راجلها بوب بمناسبة عيد ميلادو الـ40، ف الوقت اللي هو طايح ف أزمة و قنوط بسباب كبر السن.[3] داك الفكرة د الفيلم جات للثنائي أليسون و دايفيد ملي قفلوا بزوج بيهم 30 عام.[4]
مارڭاريت، المرا ديال طبيب السنان بوب فيش ، كتوجد ل حفل مفاجأة ف الدار ب مناسبة عيد ميلادو الـ40، و عيطات ل أصحابهم كاملين و لقاهم متخبيين ف الصالون كيتسناو دخلتو. ف نفس الوقت، بوب كيكون ف الخدمة ف العيادة ديالو و شاداه أزمة د السن، و زاد كمل عليها واحد المريض ملي قالو بلي أطباء الأسنان هما أكثر ناس كينتحروا.
ملي كيرجع بوب ل الدار، كيدخل نيشان ل الكوزينة و ما كيديش كاع ف مارڭاريت. كيبدا يتشكى و يسولها علاش ما ولدوش الدراري، و واش خاصو يحبس خدمتو كـ طبيب أسنان. كيزيد يطلع ل الفوق باش يبدل حوايجو، و كيهبط حفيان بلا سروال! ملي كتخلع مو و تقول ل معاه زير راسك و لبس سروالك، كيتعصب و كيبدا يغوت و يقول بلي أصحابهم كاملين غير منافقين و ما كيحملوهمش (ف الوقت اللي الصحاب متخبيين مور السداري و الكراسي و كيسمعوا ف كلشي!). ف اللخر، مارڭاريت كتعيق بلي الحفلة تخسرات و تخربقات، و كتقرر تخرج معاه ل الطوموبيل باش يمشيو ياكلوا بّرا، و كيتخليوا الأصحاب متخبيين ف الدار بوحدهم.[5]
- أليسون سنوودن: ف الدور د مارڭاريت فيش
- أندي هاميلتون: ف الدور د دكتور بوب فيش
- هاري إنفيلد
- أندرو ماكلاكلان
- تيسا ووجتشاك
- سالي ڭريس
الفيلم د الرسوم أخد سنتين د الخدمة باش يكمل، و تقام ب ميزانية ديال 335,000 دولار، ممولة جزئياً من طرف المكتب الوطني د السينما ف كندا (NFB).[6] أليسون سنوودن و دايفيد فاين كانوا تلاقوا ف 1980 ملي كانوا كيقراو ف المدرسة الوطنية د السينما و التلفزة ف بريطانيا.
الفيلم جاوه آراء إيجابية بزاف من النقاد. جريدة Toronto Star كتبت عليه ف 1995: «فيلم الرسوم القصير د عيد ميلاد بوب ماشي حفل د الدراري الصغار، هو قصة حقيقية و ضاحكة على أزمة منتصف العمر، و أليسون و دايفيد قدروا يشرحوها ف 12 دقيقة حسن من بزاف د الأفلام الوثائقية».[7]
من غير الأوسكار، الفيلم ربح 10 د الجوائز عالمية و ترشح لـ جائزة "Genie" الكندية كـ أفضل فيلم قصير ف 1994.[8]
- ↑ Short Film Winners: 1995 Oscars
- ↑ 1995|Oscars.org
- ↑ "Bob's Birthday". Collection. National Film Board of Canada. 1993. Archived from the original on 6 July 2011. Retrieved 2009-10-05.
- ↑ Bob's Birthday makes 10 for NFB- Dianne Wiest Bears Bullets Over. (1995, March 28). Times-Colonist. Retrieved on March 31, 2018 from Canadian Major Dailies.
- ↑ National Film Board of Canada.
- ↑ Turbide, Diane. (1995, 10 April). An animated film wins the NFB Oscar No.10. Maclean's. Vol. 108(15) p.52. Retrieved on March 30 from E-Library.
- ↑ Adilman, Sid. (1995, March 24). Networks Snub Bob's Birthday. Toronto Star. Retrieved March 29, 2018 from Canadian Major Dailies.
- ↑ "Exotica dominates Genie nominations". Montreal Gazette, October 20, 1994.