علي نجاب
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
علي نجاب
| ||
| معلومات عامة | ||
| زيادة | 1943 تازة | |
| لموت | 26 نونبر 2024 (80/81 عام) الرباط | |
| لجنسية | لمغريب | |
| لحرفة | پيلوط ميليطير | |
| لّوغات لي كيعرف | عربية و لوغات أمازيغية | |
| لعسكر | ||
| لڭراد | نقيب | |
علي نجاب (مزيود ف 31 دجنبر 1943، توفى ف 26 نونبر 2024) ؤفيسير مغريبي ديال لقوات الجوية لملكية لمغريبية.[1]
كان تشد ف 10 شتنبر 1978 من عند جبهة لپوليزاريو ف لحرب د الصحرا. بعدما طلقوه من بعد 25 عام، شهد على لوضعية د لحياة ديال لمحابسيا لمغاربا ف لمقر لعام ديال لبوليزاريو ف تيندوف، الدزاير.
علي نجاب تزاد ف 1943 ف تازة ولّا مغراوة. لواليد ديالو هوّ محمد نجاب بن عبد السلام من قبيلة بني ورياغل، و لواليدة ديالو حدهم بنت بلقاسم من لقبيلة الزناتية ديال بني واراين.[2][3]
نجاب دار لفورماسيون ديالو ف سان أنطونيو ف ولاية طيكساس، لميريكان، ف مدرسة الجو ديال صالون دو پروڤانس، ف فرانسا، ف مركز التدريب على الصيد ف مدينة تور، فرانسا، و عاود ف إيران.[4]
ف 1978، ولّا شاف ديال وحدة عسكارية. طاح فاش كان صايڭ طيارة من نوع نورثروپ إف-5، 50 كيلوميطر على السمارة، و تشد من عند جبهة لپوليزاريو.[5] على حساب ما عاود، ستجوبوه ؤفيسيرات دزايريين.[6]
بسباب الرفض ديالو باش يسبّ لماليك لحسن التاني، محاولة حماية محابسي خور، و محاولة ديال لهروب، تعرّض للتعديب من عند جلّادين.[7] بفضل ملاقية ديالو معا أندرو يانڭ لي جا يزور تيندوف ف 1980، مراتو عتيقة صايغ سمعات أول خبار عليه من فاش تشد،[8] و قدرات باش تتبادل لكوليات معاه ب لمعاونة ديال لجنة الصليب لحمر لعالمية.[9] ف 1 شتنبر 2003، تّطلق سراحو،[10] و شاف بنتو علا للمرة اللولة لي كانت باقية عندها 3 سنين ف 1978.[5][9]
عطا نجاب شهادات ف عدد ديال لمناسبات على لوضعية د لإعتقال عند جبهة لپوليزاريو.[11][12][13] ف 2005، لكولونيل ماجور قدور طرزاز دوّز ليه برية لي كان معوّل يعطيها للماليك محمد السادس، و لي فيها كان كيدافع على لپالط لمغاربا ضد إتهامات ب عدم لكفاءة، و ڭال بلي الطيارات د إف 5 ماكانوش مجهّزين ب سيستيم مضاد للصوارخ. هاد لبرية خرجات للعلن، و ف 2008، تّحكم على طرزاز ب 12 عام د لحبس ب تهمة تخراج أسرار ديال الدولة، ولايني خرج من لحبس ب عفو ملكي ف 2011.[2]
علي نجاب توفى ف الرباط على عمر د 81 عام.[14][15]
- ^ "Le héros marocain Ali Najab tire sa révérence".
- ^ a b Isabelle Mandraud (20 أكتوبر 2010). "Campagne pour la libération de l'ancien numéro 2 de l'armée de l'air". Le Monde.
- ^ Abdelhak Rihani (22 août 2009). "قصة علي نجاب، الضابط المغربي الذي أسر لمدة 25 سنة لدى ما يسميه هو بالجزاريو في تندوف". Al Ittihad al ichtiraki (ب لعربية). تطّالع عليه ب تاريخ 3 أبريل 2024. Check date values in:
|date=(معاونة) - ^ Samir El Ouardighi (22 يوليوز 2015). "DOCUMENT. Ali Najab: "Ma guerre contre le polisario" (1)". Médias 24.[ليان مهرس ديما]
- ^ a b Loubna Bernichi (3 أكتوبر 2003). "La vie brisée du capitaine Najab". Maroc`Hebdo.
- ^ Samir El Ouardighi (23 يوليوز 2015). "Document. Ali Najab: «Dans le goulag du polisario» (2)". Médias 24.[ليان مهرس ديما]
- ^ Mélanie Matarese (10 أكتوبر 2005). "Les survivants de l'enfer sahraoui". Le Monde.
- ^ Mohammed Boudarham (6 شتنبر 2014). "Ali Najab, capitaine courage". Telquel.
- ^ a b Samy Ghorbal (25 يوليوز 2005). "Les soldats maudits du Sahara". Jeune Afrique.
- ^ Samir El Ouardighi (29 يوليوز 2015). "Document. Ali Najab: «Enfin libre après 25 ans de calvaire» (4 et fin)". Médias 24.[ليان مهرس ديما]
- ^ Samir El Ouardighi (28 يوليوز 2015). "Ali Najab: «Esclave du polisario pendant 25 ans» (3)". Médias 24.[ليان مهرس ديما]
- ^ Souad Mekkaoui (2 يناير 2018). "Ali Najab : mémoire d'un calvaire". Maroc Diplomatique.
- ^ Mohamed Abdelkbir Bhyer (14 أكتوبر 2015). "Ali Najab, ex prisonnier de guerre à Tindouf, à l'honneur à Casablanca". Yabiladi.
- ^ "Capitaine Ali Najab, pilote et héros de guerre est mort à l'âge de 81 ans". Le Desk. 26 نونبر 2024. تطّالع عليه ب تاريخ 27 نونبر 2024.
- ^ "Adieu, Capitaine". Le Collimateur. 26 نونبر 2024. تطّالع عليه ب تاريخ 27 نونبر 2024.