علي خامنئي
علي خامنئي
| ||
 | ||
علي خامنئي ف تصويرة رسمية ف 2017. | ||
| معلومات عامة | ||
| زيادة | 19 أبريل 1939 مشهد | |
| لموت | 28 فبراير 2026 (86 عام) طهران | |
| طريقة دلموت | قتيلة | |
| سباب لموت | ضربة جوية | |
| لجنسية | إيران (1979–) الدولة البهلوية (–1979) | |
| لحرفة | فقيه، سياسي، طرجمان، كاتب، شاعير و رجل دين | |
| لّوغات لي كيعرف | أزيربيدجانية، عربية و فارسية | |
| لفاميلة | ||
| لواليد | جواد خامنئي | |
| لواليدة | خديجة ميردامادي | |
| خوت | هادي خامنئي، محمد خامنئي و بدري خامنئي | |
| شريك | منصورة خجسته باقرزاده (1964–2026), لموت | |
| لولاد | مجتبى خامنئي ميثم خامنئي بشرى خامنئي مسعود خامنئي مصطفى خامنئي هدى خامنئي | |
| لمحيط | علي طهراني (راجل خت) فريدة مرادخاني (ابنة أخت) زهراء محمدي كلبايكاني (ابنة بنت) | |
| معلومات خرى | ||
| دين | إسلام | |
| لحيزب | الحزب الجمهوري الإسلامي (1979–1987) جمعية علماء الدين المجاهدين | |
| لأعمال | ||
| لعسكر | ||
| لحروب | حرب لخليج اللولا، لحرب لإسرائيلية لإيرانية و لحرب ف إيران (2026) | |
| سّيت رّسمي | https://khamenei.ir | |
 | ||
         | ||
علي حسيني خامنئي (تولد ف 19 أبريل 1939 - مات ف 28 فبراير 2026) سياسي إيراني ومرجع ديني شيعي لّي شغل منصب لمرشد لأعلى تّاني د إيران من 1989 حتال لغتيال ديالو ف لبداية د لحرب لميريكانية لإسرائيلية لإيرانية د 2026.[1]
بقا خامنئي ف لحكم كتر من 36 عام، هادشي خلاه يكون أطول رئيس د لبلاد خدم ف شّرق لأوسط ف لقرن 21. قبل ما يولي مرشد، كان هوّ رئيس إيران (1981-1989) و زعيم "محوار لمقاومة".[2] صنّفاتو مجلة فوربس بزاف د لمرات ك واحد من أقوى شّخصيات ف لعالم.[3]
قرا خامنئي ف لحوزة لعلمية ف مشهد و قم، و تأتر ب لأفكار د روح الله الخميني. دخل ف لمعارضة ضد نّظام د شّاه محمد رضا بهلوي، و تّشد ف لحبس بزاف د لمرات قبل تّورة د 1979. ف 1981، تعرض ل محاولة غتيال ب قنبولة خلات دراعو ليمن مشلول ديماً.[4]
من بعد ما مات لخميني ف 1989، ختارو مجلس خبراء القيادة باش يكون هوّ لقائد لجديد. ب صفتو لمرشد لأعلى، ركز على تقوية "لحرس تّوري" و دعم حلفاء إيران ف الشرق لأوسط، متلاً حزب الله ؤلا لحوثيين. واجه نّظام ديالو بزاف د لحيتجاجات لكبيرة، خصوصاً ف 2009، 2022، و لحيتجاجات لموخرة د 2025-2026 لي طالبت ب تّغيير.[5]
مات خامنئي ف غارات جوية إسرائيلية ب دعم لميريكان[6] لّي ستهدفات لمراكز د لقيادة ف طهران ملّي بدات لحرب ف إيران ف صّباح د 28 فبراير 2026.[7] لحوكومة لإيراني علنت لحداد لوطني من بعد ما أكد لإعلام لحوكومي لوفاة ديالو ف صّباح د 1 مارس.[8]
- ↑ "Profile: Ayatollah Ali Khamenei" (ب الإنجليزية). BBC.
- ↑ "Ali Khamenei Biography" (ب الإنجليزية). Britannica.
- ↑ "Forbes Profile: Ali Hoseini-Khamenei" (ب الإنجليزية). Forbes.
- ↑ "سيرة ذاتية للسيد علي الخامنئي" (ب الفارسية). Khamenei.ir. Archived from the original on 2025-05-28. Retrieved 2026-03-14.
- ↑ "Khamenei ordered killings, sources say" (ب الإنجليزية). Iran International.
- ↑ "Inside the plan to kill Ali Khamenei". Financial Times (ب الإنجليزية). Retrieved 2026-07-30.
- ↑ "ترامب يعلن رسميا مقتل المرشد الإيراني علي خامنئي" (ب العربية). سكاي نيوز عربية.
- ↑ "Ayatollah Khamenei martyred in attack" (ب الإنجليزية). IRNA.