عصر تنوير
عصر التنوير ولّا لفترة د الضواو و كاين لي كيسميه عصر لعقل Age of Reason هو واحد لحركة فكرية و فلسفية لي بانت ف أوروپا فلقرن 18 و نعاكسات على لعالم ديال لأفكار و لمواضيع لي كانت كتناقشها الطبقة لعالمة تماكين ف أوروپا.[1]
عصر التنوير نباتق من واحد لحركة أوروپية فكرية و علمية كانت معروفة بسمية ديال حركة "النوضة الإنسانية". و كاين لي كيشوف بلي لكتاب ديال الأصول الرياضية للفلسفة الطبيعية -لي كتبو نيوتن ف عام 1687 واحد من لأعمال التنويرية اللولة و لأساسية. أما المؤرخين لفرنساويين، كيقولو بلي عصر التنوير كيبدا من لفترة ما بين لموت ديال لويس الربعطاش ف فرانسا ف 1715 و لقيام ديال الثورة لفرنساوية، لي كانت ف عام 1789، و لي وقّفات نظام الحكم لقديم، و ف نفس لوقت كيقولو بلي لمسالية ديال هاذ لعصر كانت مع لبدية دلقرن تسعطاش. بزاف ديال لفلاسفة و لعولاما نشرو لأفكار ديالهم ف هاد لفترة على واحد نطاق كبير وهادشي كان ف لملاقيات لعلمية ديالهم، ف لأكاديميات و تا الصالونات الأدبية، و القهاوي، وحتا من لكتوبا لي مطبوعة و الجورنالات و لمنشورات. لأفكار ديال هاد لعصر فتحات الطريق قدام الثورات السياسية ف لقرون تمنطاش و تسعطاش. بزاف ديال لحركات الفكرية لمتنوعة كترجع لأصول ديالها للقرن تسعطاش، و منها الليبرالية و لحركة الكلاسيكية لعصرية، لي كترجع لعصر التنوير. و لعالم الإسلامي كان لعب دور كبير ف لميلاد ديال لفكر التنويري، بفضل لعولاما لمسلمين بحال بن رشد و بن سينا لي درسو لأفكار ليونانية لقديمة، و هادشي ساهم ف تطور ديالها، و جاب مجالات علمية جديدة.[2]
عصر التنوير عرف بزاف ديال لأفكار لي ركزات على السيادة تاع لعقل و التجربة و لأدلة ب لإستعمال ديال الحواس لي هي مصدر ديال لمعرفة، وحتى على المثل العليا بحال لحرية و الرقي و لمسامحة و لمخاوية[ماواضحش] و لحكومة الدستورية و التفريق بين لكنيسة و الدولة، و لحرية لفردية و لمسامحة دينية.
 هادي زريعة ديال مقالة خاصها تّوسع. تقدر تشارك ف لكتبة ديالها. |
