عسيلة
عسيلة
| ||
 | ||
| معلومات عامة | ||
| سمية لعيلمية | Mellivora capensis (يوهان كريستيان دانيل فون شربر، 1776) | |
| لخاصية د ترتاب | نوع | |
| تابع ل | ميليڤورا | |
| حالة د لحماية | ||
 | ||
| مامهددش | ||
| UICN | 41629 | |
|---|---|---|
| لعيشة | ||
| لمودة د لعيشة | حتال 31.3 عام | |
| خصايصو | ||
| لكتلة | 12 | |
| كاياكل | عسل، قفير، نحل، يرقة، ناشرات حقيقية، فكارن د لبر، وزغية، Rhombomyina، Pedetes capensis، درنة نبات، جيفة، دقدق و شيهم العالم القديم | |
| لخاريطة ديال فين عايش لكائن | ||
 | ||
عسيلة (السمية لعلمية Mellivora capensis) هوّ حيوان بزولي منتاشر ف إفريقيا، جنوب غرب أسيا، و لهند. هو النوع لوحيد لي بقى من ڭنس "ميليڤورا" Mellivora و لفاميلة لفرعية د "لميليڤوريات" Mellivorinae. عندو ڭسدة طويلة و ضهر واسع و قاسح، ب جلدة مهلهلة كاتخليه يضور و يتحرك ب حرية كبيرة وسط منها. عسيلة هوّ أكبر نوع ديال لعرسيات، و كيوصل الطول ديالو ل مابين 55 و 77 سنتيميتر، و لوزن ديالو ف جوايه 16 كيلو. عسيلة عندو الديمورفيزم الجنسي بحال بزاف د لحيوانات لخرين، يعني بلي لأفراد ديال واحد من الجنسين ديالو (ف هاد لحالة الدكور) ماكيشبهوش (كبر و تقل) من الجنس لاخور (النتوات).
عسيلة حيوان وحداني لي يقدر يكون فايق ف أي وقت ف النهار على حساب لموضع فين كاين. هوّ ب لأساس حيوان لحايمي، و قلال لحيوانات لي كايفتارسوه بسباب الجلدة لقاسحة ديالو، قوّتو و لقدرات الدفاعية الشديدة ديالو. لأفراد لبالغين د هاد النوع كايديرو مناطق كبار د السكنة و كايعلّموهم ب الريحة، و ماكايتكاتروش ف شي موسم محدد. النتوة ديال عسيلة كاتولد واحد ولّا جوج د لوليدات لي كيبقاو ف الرعاية ديالها عام تال عام و ربع. بسباب لقدرة ديالو على لولف و لعيش ف مواطن مختالفين، كايتعتابر حيوان مامهددش ف عند لإتحاد لعالمي د لحفاظ على الطبيعة. تشهر عسيلة ف الصوشل ميديا، ب عتيبارو حيوان عدواني و دكي، و بلي شديد و ماكايخاف من تا حيوان خور.[1]
ف الصومال كايتعتاقد بلي لعضة ديال عسيلة كاترد الراجل عاڭر، داكشي علاش كايتجنّبوه.[2]
ف لهند كايتڭال بلي عسيلة شي مرات كايحفر و كايجبد لڭسدات د الناس لمدفونين.[3] ف لعراق ف 2007، فاش لبريطانيين كانو محتلين لبصرة، خرجو إشاعات بلي أفراد د عسيلة "كاياكلو بنادم"، و ڭاع بلي لعساكريا لبريطانيين بلعاني طلقوهم، شي لي نفاتو لارمي د بريطانيا بشكل قطعي.[4][5] الناطق الرسمي ب سمية الجيش ڭال بلي عسيلة أصلي ف لعراق ولايني نادر، و بلي كايكون عدواني و خطير غير يلا ستافزو لواحد.[6]
- ↑ ""عسيلة".. غرير العسل يشعل مواقع التواصل في المغرب ويتحوّل إلى ترند ساخر". 2025-11-06. Retrieved 2025-11-16.
- ↑ Vanderhaar, J. M. & Yeen, Ten Hwang (2003). "Mellivora capensis" (PDF). Mammalian Species (721): 1–8. doi:10.1644/0.721.1.
- ↑ Pocock, R. I. (1941). "Mellivora capensis (Schreber)". Fauna of British India. Vol. Volume 2. Mammals. London: Taylor and Francis. pp. 456–466.
- ↑ Philp, C. (2007). "Bombs, guns, gangs – now Basra falls prey to the monster badger". The Times. Archived from the original on 15 August 2007. Retrieved 19 June 2023.
- ↑ "British blamed for Basra badgers". BBC News. 2007. Retrieved 19 June 2023.
- ↑ Baker, G. (2007). "British troops blamed for badger plague". The Telegraph. Retrieved 19 June 2023.
- Ewer, R. F. (1973). The Carnivores. Cornell University Press. ISBN 978-0-8014-8493-3.
- Heptner, V. G.; Sludskii, A. A. (2002). Mammals of the Soviet Union. Vol. II, part 1b, Carnivores (Mustelidae). Washington, D.C.: Smithsonian Institution Libraries and National Science Foundation. ISBN 978-90-04-08876-4.
- Kingdon, J. (1989). East African mammals. Vol. Volume 3 : an atlas of evolution in Africa. Chicago: University of Chicago Press. ISBN 978-0-226-43721-7.
- Rosevear, D. R. (1974). The Carnivores of West Africa. London: British Museum (Natural History). ISBN 978-0-565-00723-2.
