عبد الواحد بن مسعود
عبد الواحد بن مسعود
| ||
| ||
| معلومات عامة | ||
| زيادة | 1558 لمغريب | |
| لموت | عقد 1610 (51/61 عام) | |
| لجنسية | لمغريب | |
| لحرفة | ديپلوماسي | |
| لّوغات لي كيعرف | نڭليزية | |
| معلومات خرى | ||
| دين | إسلام | |
عبد الواحد بن مسعود بن محمد عنون كان هو الكاتب الرئيسي ديال الإمبراطور المغربي مولاي أحمد المنصور، وكان سفير ف البلاط ديال الملكة ديال النڭليز إليزابيث اللولة ف 1600، واللي المهمة الأساسية ديالو كانت أنه يدفع باش يتعمل حلف أنڭلو-مغربي.
جات الزيارة ديال عبد الواحد بن مسعود من مور الرحلة ديال سفينة السبع (The Lion) ف 1551 والإقامة ديال الشركة البربرية النڭليزية ف 1585، واللي كان الهدف ديالها هو التطوير ديال التجارة بين النڭليز والمغرب.[1] تعملات علاقات دبلوماسية وحلف بين إليزابيث والدول البربرية.[1]
عرفات العوامات اللخرة ديال القرن سطاش نجاحات كبيرة ديال النڭليز ضد اسبانيا مع الانتصار ديال النڭليز على الأرمادا الإسبانية ف 1588 والغزوة ديال قادس من طرف الإيرل ديال ساسكس ف 1597. اللي غادي يوقع موراها هو أن السلطان أحمد المنصور غادي يقرر يرسل سفارة للنڭليز باش يقتارح اجتياح مشترك ديال اسبانيا.[1] كان مع عبدالواحد بن مسعود الحاجي ميسا و الحاجي باهانت بالإضافة لواحد المترجم سميتو عبد الددار كان مزيود ف الأندلس، وكانو دارو ريوسهم بعثة تجارية غادية لحلب وغير غادية توقف ف لندن.[2] ف المجموع، السفارة كانو فيها سطاش ديال الناس (منهوم شي وحدين نڭالزة كانو محبوسين ف المغرب وكانو غادي يرجعوهم للنڭليز)، ومشات ف واحد السفينة سميتها النسر (The Eagle) كايقودها روبرت كيتشن[3] وصل عبدالواحد بن مسعود لدوفر نهار 8 غشت 1600.[3]
دوز عبد الواحد بن مسعود ست شهور ف البلاط ديال الملكة إليزابيث ف عام 1600 بالهدف ديال أنه يتفاوض على تحالف ضد اسبانيا. كان عبد الواحد بن مسعود كايتكلم شوية ديال الإسبانية، لكن كان كايتواصل مع الملكة من خلال المتجرم ديالو اللي كان كايتكلم بالإيطالية.[2] تلاقاو مع الملكة ف 19 غشت[3]، و مرة خرى ف 10 شتنبر.[3]
كان الحاكم المغربي باغي المساعدة ديال أسطول نڭليزي باش يجتاح اسبانيا. وف حين إليزابيث رفضات، ف نفس الوقت رحبات بالسفارة وقبلات أنهم يتعملو اتفاقات تجارية بين البلدان بجوج.[1] الملكة إليزابيث والسلطان أحمد بقاو من بعد كايناقشو خطط مختلفة ديال عمليات عسكرية مشتركة، وف هاد الصدد طلبات إليزابيت 100،000 جنيه استرليني للسلطان أحمد باش تزودو بالأسطول، ف حين أحمد طلب أنهم يبعثو ليه بعدا السفينة النڭليزية قبل ما يأدي المال. ف اللخر، ما فضات النقاشات لحتى شي حاجة، وباش ما كان الحكام بجوج ماتو ف العامين اللي تبعات السفارة.[4]
تقال بلي عبد الواحد بن مسعود كان هو المصدر ديال الإلهام ديال البطل الموري أوتيلو ديال وليام شكسبير، لكن ناس خرين فندو هاد الرابط.[5][6] ف 2016، لعب ديفيد سيررو دور أوتيلو ف نسخة مغربية اللي مستوحاة من عبد الواحد بن مسعود.[7][8]
معهد باربر ديال الجامعة ديال برمنغهام هو اللي كايحتافظ باللوحة ديال عبد الواحد بن مسعود.
- ^ a b c d Bernard Harris (1958). "A Portrait of a Moor". Shakespeare Survey With Index 1–10: Volume 11, The Last Plays. 11: 89–99, p. 90.
- ^ a b Bernard Harris (1958). "A Portrait of a Moor". Shakespeare Survey With Index 1–10: Volume 11, The Last Plays. 11: 89–99, p. 91.
- ^ a b c d Bernard Harris (1958). "A Portrait of a Moor". Shakespeare Survey With Index 1–10: Volume 11, The Last Plays. 11: 89–99, p. 92.Bernard Harris (1958). "A Portrait of a Moor". Shakespeare Survey With Index 1–10: Volume 11, The Last Plays. 11: 89–99, p. 92.
- ^ Bernard Harris (1958). "A Portrait of a Moor". Shakespeare Survey With Index 1–10: Volume 11, The Last Plays. 11: 89–99, p. 96.
- ^ Vaughan، Virginia Mason (2005-05-12). Performing Blackness on English Stages, 1500–1800. Cambridge University Press. ردمك 978-0-521-84584-7.
- ^ Kate Maltby (2016-03-19). "Elizabethan England and the Islamic World by Jerry Brotton". The Times. مأرشيڤي من لأصل ف 2016-03-22. تطّالع عليه ب تاريخ 2016-03-19.
- ^ BWW News Desk. "Sephardic OTHELLO to Open in June at Center for Jewish History". BroadwayWorld.com. تطّالع عليه ب تاريخ 2020-08-10.
- ^ "News agency specialized in Arts and Entertainment - The Culture News". theculturenews. تطّالع عليه ب تاريخ 2020-08-10.