عبد القادر مطاع
عبد القادر مطاع
| ||
 | ||
| معلومات عامة | ||
| زيادة | 1940 درب السلطان | |
| لموت | 21 أكتوبر 2025 (84/85 عام) الدار البيضا | |
| لجنسية | لمغريب | |
| لبلاد | لمغريب | |
| لحرفة | مومتيل، ممتيل د التلفازة، مومتيل مسراحي و ممتيل د لأفلام | |
| لّوغات لي كيعرف | عربية | |
  | ||
عبد القادر مطاع (تزاد فـ 1940 فـ الدار البيضا - مات فـ 21 أكتوبر 2025) هوّ ممثل مغريبي قدير. شارك فـ بزاف د لافلام و لـمسلسلات لـمغريبية و لـأجنبية، و كايتعتابر من أكتر لـفنانة لي عندهم هيبة و تقدير فـ لـمشهد لـفني لـمغريبي بـ سباب لـمسيرة طّويلة ديالو فـ سّينما و تّلفزة.[1]
تزاد عبد القادر مطاع فـ حي درب السلطان فـ الدار البيضا فـ عائلة فقيرة. مات بّاه وهوّ مازال صغير، و عاش طفولة قاصحة مع مّو لي كانت خدامة طباخة عند عائلة فرانساوية.
اضطر يخرج من لـمدرسة وهوّ مازال صغير (قرا غير تّانية ابتدائي)، و خدم فـ بزاف د لـمهن بـسيطة بحال نّجارة، إصلاح لـبيكالات، و فـ مطحنة د لـملحة، و حتى بيع لـخضرة. هاد ظّروف صّعيبة خلاتو ينخرط فـ "لكشفية"، و تما بدا كايشف راسو فـ تّمتيل و كايشارك فـ "سكيتشات" كشفية، وهادشي هوّ لي مهد ليه لـطريق لـ عـالم لـمسرح.
بدات لـمسيرة ديالو لـحقيقية فـ مسرحية "الصحافة المزورة" مع لـفنان محمد الخلفي. من بعد، التحق بـ فرقة "المعمورة" فـ لبدية د سّبعينات فين تعلم بزاف مع رّواد د لـخشبة لـمغريبية.
تنوع لـعطاء ديالو بين لـمسرح، لإذاعة، تّلفزة و سّينما. تّعرف بـ بزاف د لـأدوار لـخالدة بحال دور "الطاهر بلفرياط" فـ مسلسل "خمسة وخميس". و فـ سّينما، شارك فـ فيلم "وشمة" (1970) لي خدا جوائز دولية. كان كدلك أول صوت كايتسمع فـ إذاعة ميدي 1 ملي بدات من باريس فـ عام 1980.
- 1970: وشمة
- 2003: الباندية
- 2004: المعلمة
- 2005: لعب مع الذئاب
- 2010: كلاب الدوار
- 2021: باب الشيطان
- 1987: خمسة وخميس
- 1999: أولاد الناس
- 2000: دواير الزمان
- 2004: الربيب
- 2009: حديدان (دور با سميل)
- 2012: دموع الرجال
مات لـفنان عبد القادر مطاع نهار تّلاتاء 21 أكتوبر 2025 مورا صراع طويل مع لـمرض، و خلى حزن كبير عند لـمغاربة لي كبرو على لـأعمال ديالو.[2]
- ↑ "معلومات عن عبد القادر مطاع" (ب العربية). elcinema.com.
- ↑ "رحيل الفنان المغربي عبد القادر مطاع" (ب العربية). 2M.ma. 2025-10-21.
