عبد لقادر الراشدي
عبد لقادر الراشدي
| ||
| معلومات عامة | ||
| زيادة | 1929 الرباط | |
| لموت | 1999 (69/70 عام) | |
| لجنسية | لمغريب | |
| لحرفة | مغني و ملحّين | |
| لّوغات لي كيعرف | عربية | |
| معلومات خرى | ||
| لألة | عود و صوت | |
  | ||
عبد لقادر الراشدي (تولد ف فاس ف 1929 - مات ف 23 شتنبر 1999[1]) كان ملحن و موسيقار مغريبي، و أتّر بزاف ف لموسيقا لمغربية لعصرية د لقرن 20. لحّن الراشدي كتر من 300 أغنية بميازن مغريبية، و كان هو لمدير ديال الجوق لوطني د لمغريب لمدة 24 عام.
تشهر الراشدي من صغرو (ف وقت لحماية لفرانساوية على لمغريب) ملّي لحّن لأغنية ديال رقصة لأطلس (1948) و موراها "نشيد لعودة" ملّي رجع محمد لخامس من لمنفى. خدم الراشدي مع لأغلبية د لمغنيين لمغاربة د النص التاني د لقرن لعشرين، و لحّن ليهم أغاني، منهم سميرة بنسعيد، عبد لوهاب الدكالي، عبد لهادي بلخياط، محمد لحياني، و نعيمة سميح.
الأستاذ الراشدي ساهم ف تأسيس جوق الإتحاد الرباطي عام 1947، و كان كيرأسو الأستاذ عبد النبي الجراري. هاد الجوق كان فيه مجموعة من العازفين، من بينهم إسماعيل الخطابي، اللي كان كيعزف الكمانجة مزيان. من بعد، الراشدي خرج من هاد الجوق و دّار جوق التقدم الرباطي، و من بعدو جوق المتنوعات، اللي كيعزف الأغاني العصرية اللولى اللي مشهورين بحال "مولات الخال"، "الطوموبيل"، و "أنا مخاصمك خليني" ديال عبد الوهاب الدكالي و بهيجة إدريس.[2]
الراشدي كان حاضر ف كل الأحداث ديال تأسيس الأجواق اللي ولات كتنتشر على مستوى الجهات. ف 1964، الأستاذ أحمد البيضاوي جابو باش يؤسس جوق طنجة المحلي. هاد الفترة كانت من أغنى المراحل فحياتو الفنية، حيث تعلم بزاف على التلحين و قيادة الأركسترا. من بعد، رجع للرباط باش يترأس الجوق الوطني، اللي كان فيه أحسن العازفين، و كانت أفضل مرحلة ديال الأغنية المغربية الأصيلة. [مصدر؟]
الأسلوب ديالو ف التلحين كان كيعتامد على التنقلات الإيقاعية، و كان عارف كل تفاصيلها، وهادي علاش ماكاينش لحن كيشبه لآخر. و كان كيآمن ب العمل الجماعي، و كيدعي صحابو ل دارو ملي كيكون كيوجد لحن، كيسمع ل آرائهم و ملاحظاتهم، و من بعد كيعاود يضبط اللحن بحال "ميازني" كبير. كان كيشبه التلحين بحال الطنجرة اللي كتطيب على نار هادية (التهنديبة).[3]
لحّن عبد لقادر الراشدي بزاف د لأغاني معروفة عند لمغاربة، منها:
- جاري يا جاري (نعيمة سميح)
- أمري لله (نعيمة سميح)
- مغيارة (لطيفة رأفت)
- 1978: جائزة المغرب الكبرى للفنون
- وسام الاستحقاق الوطني من عند الملك الحسن الثاني
- تكريم من اتحاد الملحنين والموسيقيين العرب فالقاهرة
بعد لموت ديالو، تكرّم ف بزاف ديال لمهرجانات لمغربية بحال مهرجان الموسيقى الأندلسية و مهرجان الأغنية المغربية، حيث كيعتابروه واحد من "أعمدة التلحين العصري" اللي قدر يحافظ على "الأصالة المغربية" و "يطوّرها ف شكل جديد و زوين".
من أشهر الأعمال ديال عبد القادر الراشدي:
- يا لالة عودية
- الشمعة – بكلمات الشاعر عبد الرفيع الجواهري و غناها عبد الهادي بلخياط
- الساقية تروّي
- السفينة
- الطاحونة
- حبيبي ديما معايا
- ↑ "فنان في سطور - عبد القادر الراشدي - النغم المغربي الأصيل". Archived from the original on 2022-07-19. Retrieved 2022-07-19.
- ↑ المغربي, العمق (2020-06-27). "أجيال إعلامية: الراشدي.. قضى 24 عاما في رئاسة الجوق الوطني للإذاعة والتلفزة ولحن 300 أغنية". العمق المغربي (ب العربية). Retrieved 2025-10-18.
- ↑ "عبد القادر الراشدي: المايسترو والملحن أستاذ الإيقاعات المغربية الأصيلة". 2016-05-19. Retrieved 2025-11-23.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |