عبد لفتاح كيليطو
 | هاد لمقال مامراجعش. (أكتوبر 2025) |
عبد لفتاح كيليطو
| ||
 | ||
| معلومات عامة | ||
| زيادة | 10 أبريل 1945 (80 عام) الرباط | |
| لجنسية | لمغريب | |
| لحرفة | كاتب | |
| لّوغات لي كيعرف | عربية و لفرانساوية | |
| لجوايز | ||
عبد لفتاح كيليطو (بلأمازيغية: ⵖⴱⴷⵍⴼⴻⵜⴰⵃ ⴽⵉⵍⵉⵟⵓ - تولد ف 10 أبريل 1945 ف الرباط)، كتاتبي و أستاد جامعي مغريبي متخصص ف لأدب لعربي لقديم. عندو بزاف د لكتوبا بلعربية و لفرانساوية، و قرّا ف بزاف د لجامعات بحال جاميعة محمد لخامس د الرباط، و جامعة السوربون و بوردو و پرينستون وهارڤارد. ف 1989 ربح لجائزة د لمغرب لكبيرة، و ف 2007 ريح جائزة سلطان بن علي العويس د الدراسات لأدبية والنقد.[1]
عبد لفتاح كيليطو عندو بزاف د لكتوبا معروفين، منهم اللي تترجمو للغات آخرا بحال لينݣليزية ولألمانية والصبليونية. من لكتوبا ديالو كاين:
- الأدب والغرابة. دراسات بنيوية في الأدب العربي
- العين والإبرة، دراسة في ألف ليلة وليلة
- لن تتكلم لغتي
- أبو العلاء المعري، أو متاهات القول
- أتكلم جميع اللغات لكن بالعربية
- تُرجمَت له أعمال عديدة إلى لغات أخرى مثل الإنجليزية، والإسبانية، والإيطالية. ساهم في عدد من الندوات والمحاضرات حول الأدب العربي والفرنسي في لقاءات ثقافية وحوارات في المغرب وخارجه. كما تحصَّل على عدَّة جوائز في النقد والدراسات الأدبية كان آخرها جائزة الملك فيصل للغة العربية والأدب 2023.[2]
كيليطو كيعجبنا حيت كيتعامل مع النقد بطريقة مختلفة، كيفكّك المفهوم ديالو من الأساس. ما كيعجبوش داك الأسلوب الكلاسيكي فالنقد، اللي فيه الباحث كيبدا كيحكي على العصر، ومن بعد على حياة المؤلف، وفي الأخير كيهضر على الأعمال ديالو. كيليطو كيشوف أن هاد النموذج ولى بحال شي عادة طبيعية، مع أنه غير طريقة فكرية تولدت فالعصر الحديث.
الناقد، فهاد المنظور القديم، بحال الواعظ، كيدير راسو فموضع الحكم، كيميز بين الزوين والخايب، وبين الأدب "الراقي" و"السوقي". أما كيليطو، كيف ما قال عبد السلام بنعبد العالي، كيبغي يشوف الأدب “ما وراء الخير والشر”، وكيحاول يخرج النقد من عالم التقويم والتصنيف، باش يدير منو مغامرة، رحلة سندبادية كتسافر بين العوالم، كتخرجنا من المألوف وكتدخلنا فالغرابة.
كنقراو كيليطو حيث حرّر النقد الأدبي من الجمود ديالو، ونزّلو من البرج الأكاديمي العالي، ودار بيه رحلة لاكتشاف مجال غريب هو الأدب العربي القديم. التجديد عندو جا من الاغتراب، من أنه يمشي بعيد على المألوف، وهو اللي قال: “إلى بغا الواحد يتجدد خاصو يغترب، يبدل المقام، ويغرب كيفما كتدير الشمس.”
ولكن كيليطو ما كيبغيش يستعمل كلمة "تراث"، حيت بالنسبة ليه هاد الكلمة كتفكرنا فركام ديال المعارف مخزونة فالخزائن وما بقاتش كتعيش معانا فالحياة اليومية. هو ما كيدرسش التراث باش يبقى فيه، ولكن باش يوصلو بالأدب الحديث ويكسر القطيعة اللي بيناتهم.
بهذا الشكل، كيليطو كيعيد اكتشاف الأدب القديم وكيحولو لسرديات جديدة. معاه كنشوفو الجاحظ بحال واحد من المعاصرين ديالنا، وكَنسمعو مقامات الحريري بحال لحن الوداع اللي كينبّه على مرحلة الركود اللي غادي تجي فالأدب العربي.
مع كيليطو، كنكتاشفو المقامة بحال زهرة ما عرفناش كيفاش تفتحات، وكنلقاو لقاءات غريبة بحال دانتي والمعري، ابن رشد وبورخيس، ابن حزم وبروست، الجاحظ ومونتني، والشدياق مع نابوليون الثالث.
وأجمل ما فالنقد ديال كيليطو، هو أنه “كايحوّل عالم الحقيقة إلى حكاية”، كيف ما قال نيتشه.[3]
- ↑ "عبد لفتاح كيبيطو - مؤسسة السلطان بن علي العويس". Archived from the original on 2022-01-26. Retrieved 2021-12-27.
- ↑ "عبد الفتاح كيليطو". almutawassit.it (ب الإنجليزية). Retrieved 2025-10-09.
- ↑ جدلية, Jadaliyya-. "هكذا تكلم كيليطو". Jadaliyya - جدلية (ب الإنجليزية). Retrieved 2025-10-09.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |