عبد الحق لمريني
 | هاد لمقال كيهضر على شخص يالاه توفّا. لمعلومات لمتعلقين ب لوفاة ؤ ضّروف ديالها يقدرو يتبدلو بزّربة معا تّطور د لأحدات، ؤ تّقارير لإخبارية لّولة تقدر ماتكونش موتوقة. آخر تّعديلات على هاد لمقال تقدر ماتعكسش أحدت معلومات متوفرة على لموضوع. (شوف فوقاش ؤ كيفاش تحيّد هاد لميساج) |
عبد الحق لمريني
| ||
.jpg)
| ||
| معلومات عامة | ||
| زيادة | 31 ماي 1934 الرباط | |
| لموت | 2 يونيو 2025 (91 عام) | |
| لجنسية | لمغريب | |
| لحرفة | توارخي، مسؤول و كاتب | |
| لّوغات لي كيعرف | عربية و لفرانساوية | |
| معلومات خرى | ||
| لأعمال | ||
| لجوايز |
| |
عبد الحق لمريني (مزيود ف 31 ماي 1934 ف الرباط، توفى ف 2 يونيو 2025)[1] هوّ توارخي و سياسي مغريبي لي كان مؤرخ لمملكة. شد تا لمناصب ديال الناطق الرسمي ب سمية لقصر لملكي من 29 أكتوبر 2012.[2] و قبل من داكشي كان مدير التشريفات لملكية و لأوسمة.
تزاد عبد الحق لمريني ف الرباط، و ختم لقرآن ملي كان صغير، و نسخ 60 حيزب كاملة ب يديه.[3] قرا ف ليسي مولاي يوسف ف الرباط، و خدا ديپلوم من معهد الدراسات لعليا لمغريبية ف 1960. خدا ليصونس ف لأداب من كلية لأداب ف الرباط ف 1962، و موراها ديپلوم ديال الدراسات لعليا من معهد الدراسات لعربية و لإسلامية لعليا التابع ل جامعة سطراسبورڭ ف 1966. ف 1973، خضا دوكتورا من نفس الجامعة، و ف 1989 خدا دوكتورا د الدولة ف لأداب من جامعة سيدي محمد بن عبد الله ف فاس.
خدم لمريني أستاد د مواد لعربية ف ليسي بن ياسين ف لمحمدية، و ليسي لحسن التاني ف الرباط. و قرّا مادة التربية لوطنية ف لمعهد لملكي د الشبيبة و الرياضة من 1960 تال 1965. مابين 1964 و 1965 كان رئيس ديوان كاتب الدولة ف التعليم التقني و تكوين لكواضر. و كان عضو ف إتحاد كتاب لمغريب.
تعيّن ملحق ب مديرية التشريفات و لأوسمة مابين 1965 و 1972، و ولّى مكلف ب مهمة ف وزارة لقصور لملكية و التشريفات و لأوسمة من 1972 تال 1998. ف 1998 ولى مدير ديال التشريفات لملكية و لأوسمة. بعدما خرج حسن أوريد من منصب الناطق الرسمي ب سمية لقصر لملكي ف يونيو 2005، بقى لمنصب خاوي حتى شدو عبد الحق لمريني ف 29 أكتوبر 2012.[4]
- الجيش المغربي عبر التاريخ، الطبعة اللولة عام 1968، صدرات الطبعة لخامسة مراجعة و مزيود فيها عام 1997، و صدرات ليها ترجمة ب لفرانساوية عام 2000، و صدرات ليه الطبعة السادسة عام 2011.
- الشعر الجهاد في الأدب المغربي، أطروحة الدوكتورا، 1968، طبعاتها وزارة لأوقاف و الشؤون لإسلامية ف جوج ڭزوات عام 1996 و صدرات ليها طبعة جديدة و مراجعة ف جزء واحد عام 2010 ف منشورات الزاوية.
- دليل المرأة المغربية، جوج ڭزوات: 1993 - 2000.
- «مدخل إلى تاريخ المغرب الحديث من عهد الحسن الأول إلى عهد الحسن الثاني»، وزارة الشؤون الثقافية، 1996.
- الشاي في الأدب المغربي، سلسلة شراع. ڭزو57. سنة 1999،
- محمد الخامس الدراسات و الشهادات، 1988.
- «الحسنيات» ف تلاتة د لڭزوات: 1975 - 1979 - 1983.
- جلالة الملك الحسن الثاني الإنسان و الملك. 1985
- 1968: جائزة لمغريب د لكتاب، على كتابو: «الجيش المغربي عبر التاريخ»
- 1997: جائزة عبد الله ڭنون د لآداب و الدراسات لإسلامية، على كتابو: شعر الجهاد في الأدب المغربي.
- 2000: وسام لإستحقاق لمدني الصبليوني ب رتبة الصليب لأعظم
- 15 يناير 2005: وسام الصليب لكبير د إيزابيلا لكاطوليكية
- ^ "الإيسيسكو تنعي مؤرخ المملكة المغربية الأستاذ عبد الحق المريني". 2025-06-03. تطّالع عليه ب تاريخ 2025-06-03.
- ^ تعيين مؤرخ المملكة عبد الحق المريني ناطقا رسميا باسم القصر الملكي نافذة بريس، تاريخ الولوج 30 أكتوبر 2012 [ليان مهرس]
- ^ مذكرات الأستاذ عبد الحق المريني مؤرخ المملكة : لحظات بوح تروي ما لم يُروَ من قبل ، و تفاصيل غير مسبوقة تقدم حصريا و لأول مرة على أثير إذاعة طنجة راديو طنجة، تاريخ الولوج 30 أكتوبر 2012 مؤرشف 2016-03-08 فموقع وايباك ماشين
- ^ الملك محمد السادس يعين عبد الحق المريني ناطقا رسميا باسم القصر الشرق الأوسط، اريخ الولوج 30 أكتوبر 2012 مؤرشف 2012-10-30 فموقع وايباك ماشين
- ^ "تكريم المؤرخ عبد الحق المريني بمكناس". Hespress - هسبريس جريدة إلكترونية مغربية (ب لعربية). 2022-06-06. مأرشيڤي من لأصل ف 23 يونيو 2022. تطّالع عليه ب تاريخ 2022-11-26.
