عبد الجليل هدا

من ويكيپيديا
(تحولات من عبد الجليل هدّا)
اذهب إلى التنقل اذهب إلى البحث
Go-bottom.svg
مقالة مقطوعة من شجرة:
هاد لمقالة مقطوعة من شجرة، ما كاتوصل ليها تا شي مقالة خرا ف لموسوعة، حاول تزيد ليانات ديالها ف مقالات خرين
عبد الجليل هدا
معلومات عامة
زيادة 21 مارس 1972 (49 عام)
مكناس
لجنسية لمغريب
لحرفة كوايري
رياضة
رياضة كورة
پوسط مهاجم
لفراقي  تعديل قيمة لخاصية (P54) ف ويكي بيانات
أعوامفرقةماتشاتبيوتا
1992–1996(Wikidata:Q1028) لمكناسي -
1996–1997(Wikidata:Q851) الاتحاد -
1997–1998(Wikidata:Q948) النادي الإفريقي -
1998–2001(Wikidata:Q29) ريال سبورتينغ خيخون 35 (6)
2000–2000(Wikidata:Q17) يوكوهاما إف مارينوس (إعارة)0 (0)
2001–2002(Wikidata:Q948) النادي الإفريقي 20 (12)
2002–2003(Wikidata:Q1028) المغرب الرياضي الفاسي -
2003–2004(Wikidata:Q1028) لمكناسي 5 (4)
لمونتخاب لوطني  تعديل قيمة لخاصية (P54) ف ويكي بيانات
1996–2002(Wikidata:Q1028) منتخب المغرب 41 (19)
FIFA: 156741 Modifica els identificadors a Wikidata



عبد الجليل هدّا، وكان معروف ب سمية "كاماتشو" (خلاق ف مكناس ف 23 مارس 1972)، كوايري مغريبي و لعايبي دولي د لمونتاخاب كان كايلعب ف لپوسط د قلب هجوم. كاماتشو كان من أحسن لمهاجمين لمغاربة ف تّسعينات و ماركا جوج بيوتا ف كاس لعالم 98 ضد نّرويج و سكوتلاندا.

حياتو[بدل | بدل لكود]

عبد الجليل ولد مكناس وبدا لكورة ف لفراقي د لحومات. دخل للكوديم ف لفريق د شّبان و من بعد سلفوه عام ل إسمنت مكناس. من بعد ما رجع للكوديم داز نيشان ل سّينيور و تألق ف لقسم تاني ف لعام لّي رجعات فيه لكوديم ل لقسم لوطني لّول (1992-1993) و ف لعام لّي من بعد دّا لبوطولة د لمغريب مع لكوديم لّي كانت عندها فرقة كبيرة ب لعايبية كبار بحال: بيدان، بودومة، لمنطيح، ليوسفي و بلعمري و لخوت الغالي و جمال الدريدب.[1] وتما شدات فيه لكنية ديال كاماتشو حيت ديك لفرقة تّاريخية ديال لكوديم كان لجمهور ديالها كايسمي لّعايبية بسميات لعايبية قدام د ريال مادريد بحال كاماتشو و بوطراݣينيو.

ف لعام لّي من بعد لعبو تشامپيونز ليݣ د إفريقيا كبيرة و تقصاو ب صعوبة ف ربع نّهاية ضد الزمالك المصري.

ف ديك لوقت كان بدا عبد الجليل كايفرض راسو ف لمونتاخاب و لعب أول ماتش ديالو ضد مصر ف 1995 و ف 1996 بدات لكاريير ديالو لحتيرافية، و لّي بداها ف الاتحاد السعودي، لّي جاور فيه أحمد البهجة و دارو بجوج موسم كبير ف السعودية[2]، من بعد مشا لتونس ل لكلوب أفريكان لّي دار فيه موسم كبير (ماركا 39 بيت) و ما زال كايتعتابر من أحسن لّعايبية تسعود لّي لعبو ف تونس.

من بعد حتارف ف سپانيا ف سپورتينغ خيخون، لّي لعب معاهوم جوج مواسم و بان ب مستوى كبير.[3] رجع من بعد لتونس، ل نّادي لإفريقي ل موسم واحد و سالا لكاريير ديالو ف لمغريب مع لماص و لكوديم.

مع لمونتاخاب، لعب كاماتشو 48 ماتش ماركا فيهوم 19 لبيت. أول بيت ديالو كان كونطر تونس ف 1996 و كايبقاو 2 بيوتا ديالو ف كاس لعالم 1998 من أهم لبيوتا ف لكاريير ديالو.[4][5]

عيون لكلام[بدل | بدل لكود]