عبد الجليل حجي

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

عبد الجليل حجي
معلومات عامة
زيادة	28 يونيو 1969 (56 عام) الرباط
لجنسية	لمغريب
لحرفة	كوايري
لّوغات لي كيعرف	عربية و لوغات أمازيغية
رياضة
رياضة	كورة
پوسط	وسايطي
لفراقي
أعوام	فرقة	ماتشات	بيوتا
1999–1999	Sichuan First City		-
لفراقي
1987–1992	لفتح رباطي		-
1992–1993	تيحاد لبيضاوي		-
1996–1997	نادي الرياض		-
1998–1998	Liaoning		-
2000–2001	نادي شنجن		-
2002–2003	نادي تشونغتشينغ ليانغجيانغ		-

عبد الجليل الحجي (نّݣليزية: Abdeljalil El Hajji) تزاد نهار 28 يونيو 1969 ف الرباط، ف المغرب كان كوايري مغربي، كان كايلعب ف لوسط، وكان من اللعابا لمغاربا اللولين اللي احترافوا ف الدوري الممتاز د الشينوا ف التسعينات والبدية د لألفين. كايتميز بالطول ديالو (1.90 ميترو) و لقدرة ديالو على التكيّف التكتيكي والبدني ف بيئات كروية مختالفة، الشي اللي خلاه يدير مسيرة احترافية طويلة دامت 18 عام ما بين 1985 و2003.

الصغر و البدية

تزاد عبد الجليل حجي ف الرباط، العاصمة دلمغريب للي كانت ف الثمانينات د لقرن لعشرين مركز مهم للكورة لمغريبية، حيت كانت فيها فرق قديمة بحال الفتح الرياضي و الجيش الملكي. دخل مدارس تكوين محلية من نص الثمانينات، فين بانت لقوة ديالو و لقدرات لبدنية و لمهارات التكتيكية الواعرة.

ازداهرات الكورة لمفريبية ف هاد المرحلة على لمستوى القاري والعالمي، من بعد ما ربح المنتخب الوطني ف كأس الأمم الأفريقية 1976، ووصل للدور الثاني فكأس لعالم 1986.

مسيرتو مع الفتح الرياضي (1987–1992)

بدا حجي مسيرتو لاحترافية مع الفتح الرياضي ف عام 1987، هاد النادي اللي تشهر بسياساتو ف التكوين وخرجو منو أجيال من اللعابة اللي مثلو المنتخب لمغريبي من بعد. ف خمس سنين اللي دوزها مع لفريق، لعب ف وسط لميدان مع واحد لجيل كانو فيه لاعبين واعرين، و استافد من لمدرسة لتقنية ديال النادي اللي كانت كتجمع بين لانضباط التكتيكي و لعب لجماعي.

لتنقل بين لأندية لمغريبية (1992–1996)

من بعد ما غادر الفتح، مشى حجي ل الاتحاد البيضاوي ف لموسم ديال 1992–1993، قبل ما يلعب مع نادي لقرض لفلاحي بين 1993 و1996. ف هاذ المرحلة، ولى معروف ب لأداء ديالو و لقدرة على قيادة وسط لميدان، هادشي جاب ليه اهتمام ديال أندية من برا.

التجربة ف السعودية (1996–1997)

انتاقل حجي ل نادي الرياض السعودي ف موسم 1996–1997، تما دوز تجاربو لاحترافية اللولى خارج لمغريب. كانت الكرة السعودية فديك الفترة من بين أهم الدوريات العربية، و احتاضنات عدد من اللاعبين العرب و لأفارقة، هادشي مكّنو باش يطور لياقتو لبدنية وتفكيرو التكتيكي باش تكون لبديا باش يحتارف ف الشينوا.

ريادة في كورة ف الشينوا (1998–2003)

كانت تجربة عبد الجليل حجي ف الشينوا أهم مرحلة ف المسيرة ديالو، حيث لعب ف بزاف د لأندية ف الدوري الممتاز د الشينوا، وصل عدد المباريات ديالو فيها لـ 111 ماتش.

لياونينغ فلاينج ليباردز (1998)

بدا الرحلة ديالو ف الشينوا مع لياونينغ فلاينج ليباردز ف سنة 1998، و لعب مع نجوم محليين بحال لي تي ولي جينيو.

سيتشوان غوانتشنغ (1999)

فـ 1999 كان انتاقل لـ سيتشوان غوانتشنغ، و تميز بانضباطو واندماجو ف الثقافة المحلية.

شينزين بينغآن (2000–2001)

لعب حجي مع شينزين بينغآن بين 2000 و 2001، لقى تما مشاكل إدارية ف لبدية قبل ما يولي واحد من أعمدة الفريق. ساهم باش بقا النادي في الدوري لممتاز و ساهم بخبرتو التكتيكية ف تطوير لأداء د لفريق.

تشونغتشينغ ليفان (2002–2003)

سالا حجي المغامرة ديالو لاحترافية مع تشونغتشينغ ليفان، فين خدم تحت لمسؤولية ديال المدرب أوسكار تاباريز.

لإرث و التأثير

كان عبد الجليل حجي هو أول لاعب مغربي اللي استمر ف الدوري الممتاز د الشينوا، وهاذ الشي فتح الباب ل محترفين مغاربة خرين بحال يوسف العربي وأيوب الكعبي. ولا نموذج ل لاندماج ثقافي ما بين لمغريب و الشينوا، ولقبوه بـ"الصيني مول شعر حمر". و كيعتبروه من اللعابة اللي ساهموا ف إدخال أساليب تكتيكية حديثة للأندية د الشينوا قبل عصر الاحتراف الكامل.

ما بعد الاعتزال

من بعد ما اعتازل ف 2003، بقا كل مرة كيزور الشينوا باش يشارك ف فعاليات رياضية، من بينها أولمبياد بكين 2008.

زيد شوف

• الفتح الرياضي
• الدوري الصيني الممتاز
• كرة القدم في المغرب