طنݣ

من ويكيپيديا
اذهب إلى التنقل اذهب إلى البحث

الطّنݣ (من نݣليزية: tank و لّّي كاتعني سيتيرنة) هو السّمية لّي كاتّعطا ل مجموعة د لمركبات لمدرّعة لّي كاتّستعمل ف لعمليات لحربية و لّي كايكونو مسلّحين ب مدفع مركّب معاهوم و كايتحرّكو يا ب نضام د الرّوايض مسنسلين ولا ب نضام د الرّوايض خفاف. ف لحالة اللخرا كايكونو هاد النّوع د الطّنوݣا خفاف ف لوزن ديالهوم.[1]

تاريخ[بدل | بدل لكود]

ف لحرب لعالمية اللولا، كانت لجيوش عندها مشكل باش تختارق لخطوط د الدفاع اللي كانت أساسا مشكلة من كيلوميترات كتيرة ديال لخنادق و لخطوط د الزّرب. لبريطانيين كانو هوما اللوالا اللّي طوّرو هاد السلاح و لفكرة اللولا جاتهوم من التّراكتورات (اللي كانو ف ديك لوقت كايروليو ب روايض مسنسلين) اللّي شافو أنهم كاينفعو باش يتقبو لخطوط ديال الزّرب.

لپروطوتيپات اللوالا كانو على شكل سيتيرنة كبيرة مدرّعة مركّب فيها مدفع مسودي مع لكسدة ديالها، و هادشّي لّي كايفسر السّمية ديال tank.

الطّنوݣا اللوالا اللّي دخلو ل السربيس كانو ف 1916 و كان عندهوم دور كبير ف التّبدال ديال الستراتيجيات د لحرب ف التيران. دغيا دغيا، الدّول لخرا لّي كانت داخلة ف لحرب طورّات تاهيا طّنوݣا ديالها (ألمانيا و فرانسا ب دّات) و ف مدة قصيرة بانو بزّاف ديال الشّكال و كبرات التّكنولوجيا ديالهوم ب الزربة.[1]

مصادر[بدل | بدل لكود]

  1. 1.0 1.1 Chars et véhicules blindés
Wikimedia Commons تقدر تزيد شوف بزاف د صور و معلومات ديال Armored fighting vehicles ف ويكيميديا كومنز.