طاريفات ديال لولاية التانية د طرامپ
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
الطاريفات ديال لولاية التانية د طرامپ هوما طاريفات لي دار الرئيس د لميريكان دونالد طرامپ، باش يزيّر السياسة لحمائية ديال لميريكان. ف أبريل 2025، هاد النسبة طلعات من 2% ل 24 ف لموعدّال، لي كاتّعتابر أعلى نسبة من هادي قرن.[1]
ترامپ صعّد ف لحرب التجارية بين لميريكان و الشينوا، ب الزيادة ديال الساس د الطاريف على لواردات ل 54% من 9 أبريل 2025.[2] و بدا حرب تجارية معا كانادا و لمكسيك ملي فرض طاريف ديال 25% على أغلبية د السلاعي ديال كانادا و لمكسيك، ولايني تراجع من بعد و دار إستتناء مامحدّدش ف لوقت للسلاعي لي كيوافقو الشروط ديال لإتفاقية بين لميريكان، كانادا و لمكسيك.[3] ترامپ ڭال بلي هاد السياسة كاتهدف باش تحمّل هاد لبلدان لمسؤولية ف الطرافيك ديال لاضروڭ و لهجرة اللاشرعية، و ف نفس لوقت تدعّم الصناعة لمحلية ف لميريكان.[4][5] من بعد، فرض 25% ديال الطاريف على واردات د لألومينيوم، لفولاد، و لمنتوجات ديال الطوموبيلات من جميع لبلدان، و متوقع بلي لأجزاء ديال الطوموبيلات تا هوما غادي تّفرض عليهم نفس الطاريفة.
ف 2 أبريل 2025، لي ترامپ سمّاه "يوم التحرير"، صدر أمر تنفيدي ب فرض طاريفة على جميع لواردات للميريكان ب نسبة ديال 10% ف لمينيموم، ب إستتناءَات قلال. زيادة على هادشي، 57 دولة و كيان تفرضات عليهم طاريفة ديال 11 تال 50%. الطاريفة اللولة بدات ف 5 أبريل، و التانية كانت غادي تبدى ف 9 أبريل 2025،[6] ولايني ترامپ قرّر باش يعلّقها ل مدة 90 يوم على جميع لبلدان ال57 من غير الشينوا.
لإعلان ديال إدارة ترامپ على هاد الطاريفات لي تسمّاو "طاريفات عكسية"، مصطلح لي كيتير الجدل،[7][8][9][10] زيادة على طاريفات "إنتقامية" من عند لبلدان لخرين ضد لميريكان، أدّاو كراش ديال سوق التعاملات.[11][12] على حساب الصيغة د لحساب ديال الطريفات لعكسية لي نشراتها لإدارة د ترامپ، لعجز التجاري كيتّعتابر شي حاجة سلبية و خاصو يتحيّد ب أي شكل.[13] كانادا، الشينوا، و لإتحاد لؤروپي علنو طاريفات ديالهم ضد لمنتوجات د لميريكان، ف لوقت لي بلدان خرين بداو كيساومو باش يمنعو مطايفات تجارية إضافية. راه متوقع بلي هاد الطاريفات ديال ترامپ غادي يتسببو ف ركود قتيصادي.[14]
- ^ "Checks and Balance newsletter: The view as "Liberation Day" unfolded". The Economist. April 5, 2025. مأرشيڤي من لأصل ف April 5, 2025. تطّالع عليه ب تاريخ April 6, 2025.
- ^ Mangan، Dan؛ Breuninger، Kevin؛ Pound، Jesse؛ Wilkie، Christina؛ Cassella، Megan؛ Doherty، Erin؛ Ellyatt، Holly (2025-04-02). "Trump's tariffs shock U.S. trade partners, sending Asian markets lower: Live updates". CNBC (ب نڭليزية). تطّالع عليه ب تاريخ 2025-04-03.
- ^ Green، Emily؛ Ljunggren، David (April 2, 2025). "Canada, Mexico not subject to new global rates as fentanyl tariff still in place". Reuters. مأرشيڤي من لأصل ف April 2, 2025. تطّالع عليه ب تاريخ April 2, 2025.
- ^ Ortiz، Erik (2025-03-04). "Trump says tariffs were enacted to curb fentanyl, but U.S. overdose deaths are already declining". NBC New York (ب نڭليزية). تطّالع عليه ب تاريخ 2025-03-10.
- ^ Price، Michelle L. (2025-03-06). "How Trump justifies his tariffs — from budget balancing to protecting 'the soul' of America". AP News (ب نڭليزية). تطّالع عليه ب تاريخ 2025-03-10.
- ^ "Regulating Imports with a Reciprocal Tariff to Rectify Trade Practices that Contribute to Large and Persistent Annual United States Goods Trade Deficits". The White House (ب نڭليزية). 2025-04-02. تطّالع عليه ب تاريخ 2025-04-07.
- ^ "Trump takes America's trade policies back to the 19th century". The Economist. April 3, 2025. مأرشيڤي من لأصل ف April 6, 2025. تطّالع عليه ب تاريخ April 6, 2025.
- ^ Dorn، Sara. "Trump's Tariff Formula Slammed As 'Fake' And 'Incredibly Stupid' By Experts". Forbes (ب نڭليزية). تطّالع عليه ب تاريخ 2025-04-04.
- ^ Goldman، David (2025-04-03). "This is the dubious way Trump calculated his 'reciprocal' tariffs | CNN Business". CNN (ب نڭليزية). تطّالع عليه ب تاريخ 2025-04-04.
- ^ Schneid، Rebecca (2025-04-03). "Why Economists Are Horrified by Trump's Tariff Math". TIME (ب نڭليزية). تطّالع عليه ب تاريخ 2025-04-04.
- ^ Ma، Jason. "Warren Buffett keeps taking investors to school as stock meltdown reveals the uncanny wisdom of his recent moves". Fortune (ب نڭليزية). تطّالع عليه ب تاريخ 2025-04-06.
- ^ Sherter، Alain (April 5, 2025). "Stock market rout deepens as Dow plunges more than 2,200 points and Nasdaq enters bear market". CBS News. تطّالع عليه ب تاريخ April 5, 2025.
- ^ Swanson، Ana (April 5, 2025). "What to Know About Trump's New Tariffs". The New York Times. مأرشيڤي من لأصل ف April 6, 2025. تطّالع عليه ب تاريخ April 6, 2025.
- ^ Fields، Ashleigh (April 4, 2025). "JP Morgan predicts 2025 recession as Trump tariffs rattle market". The Hill. تطّالع عليه ب تاريخ April 6, 2025.