صهيونية
 | هاد لمقال مامراجعش. (غشت 2025) |
| صهيونية | |
|---|---|
 | |
| أيديولوجيا سياسية، الحركات السياسية اليهودية | |
| كلاص فرعية ديال | قومية عرقية، قومية دينية  |
| الشخص المؤثر | تيودور هرتزل |
| مسمي على | صهيون |
| بلاد د لأصل | أوروبا الوسطى، أوروبا الشرقية |
| له هدف | وطن الشعب اليهودي، استعمارية |
| لديه عامل المساهمة | هسكلة، معاداة السامية |
| تاريخ ديال لموضوع | تاريخ الصهيونية |
| كيمارسها | صهيوني |
| معارضة لـ | معاداة الصهيونية |
| النقيض | معاداة الصهيونية |
الصهيونية (ب لعبرية: ציונות) هي واحد الفكرة وأيديولوجية وحركة قومية كيآمنو بها بعض اليهود، وبدات فاللخر ديال القرن 19 وسط ليهود ديال شرق أوروپا. الهدف ديالها كان هو يديرو دولة خاصة بيهم، ماشي فأوروپا، ولكن فشي بلاد خرة، وبالضبط ففلسطين. وفعلاً، فـ1948 دارو دولة سموها إسرائيل، واللي كيعتابروها دولة لليهود فقط، وكيجمعو فيها الدين والقومية،[1] وكيعطيو حق تقرير المصير غير لليهود.[2]
فداك الوقت، كانت القومية كترتافع فأوروپا، ولكن بزاف ديال اليهود اللي كانو عايشين كأقليات، كانو كيعانيو من الفقر والميز العنصري والمذابح. ووسط هاد الوضع، خرجو بزاف ديال التوجهات وسط اليهود: شي وحدين بقاو متشبتين باليهودية الدينية، شي آخرين بغاو يندامجو فالمجتمعات الأوروپية، وشي آخرين، بحال الصهاينة، بداو كيآمنو بلي خاص تكون عندهم دولة قومية خاصة، وماشي غير طائفة دينية.
الصهاينة ما كانوش بالضرورة متدينين، ولكن كانو كيشوفو بلي الحل الوحيد باش يهربو من الإضطهاد ويديرو الدولة ديالهم الخاصة. ما بغاوش يندامجو فالمجتمعات الأوروپية، ورفضو هادشي.
فالبداية، الناس ما تجاوبوش بزاف مع نداء الهجرة اللي كانت كتنادي به الصهيونية، حيث بزاف ديال اليهود مشاو لأمريكا ولا أوروپا الغربية، ولكن الصهاينة بقاو كيقلبو على بلاد يديرو فيها الدولة ديالهم، ومن بين الأماكن اللي كانو كيقتارحوها: الأرجنتين وفلسطين. ولكن من بعد، ولا التركيز على فلسطين بزاف، حيث كيشوفوها هي "أرض الأجداد" اللي مدكورة فالتوراة، ,ان الهجرة لفلسطين هي اللي غادي تسالي مع الظلم اللي تيعاينو منو فالشتات.[3]
فداك الوقت، كانت فلسطين تابعة للدولة العتمانية.[4] وهنا دخل هرتزل، اللي هو يهودي نمساوي، وكيعتابروه الأب الروحي ديال الصهيونية لعصرية،[5] وهو اللي نظم أول مؤتمر صهيوني فـبازل فسويسرا باش يخدمو على هاد المشروع ويدعمو الهجرة ديال اليهود لفلسطين ويمولو مشاريع إقتصادية ديالهم تما.[6][7] من بعد تأسيس إسرائيل عام 1948 خدات الصهيونية على عاتقها توفر الدعم الدعم المالي واللوجيستي ل دولة إسرائيل.[8][9][10][11][12]
الناس اللي كيدعمو الصهيونية كيشوفوها حركة ديال التحرير الوطني، كتخدم باش ترجع "شعب مضطهد" لوطن أجدادو. وكارتة الهولوكوست زادتهم إيمان بهادشي، وخلات بزاف ديال اليهود يتحمسو للفكرة ديال الهجرة والقتال باش يديرو الدولة ديالهم.[13][14][15] ولكن فالمقابل، كاين اللي كينتاقذ الصهيونية وكيشوفوها حركة إستعمارية وعنصرية،[16][17][18] ستعملات العنف ففترة الإستعمار البريطاني لفلسطين، وتسببات فتهجير عدد كبير من الفلسطينيين، ومنعاتهم يرجعو للأرض ديالهم بعد نكبة 1948 وحرب 1967.[19][20][21][22]
الكلمة "الصهيونية" طلقها لمرة اللولة واحد الفيلسوف يهودي نمساوي سميتو ناتان بيرنباوم فـ عام 1890، باش يوصف بيها واحد الأيديولوجية جديدة كتقول باللي اليهود خاصهم يكونو "أمة مستقلة" وعندها السيادة ديالها. القوميين اليهود فداك الوقت بغاو يقنعو الناس بحقهم يديرو دولة ديالهم، ويجمعو اليهود كاملين باش يحققو هاد الهدف.[3] هاد التسمية جاية من الكلمة "صهيون" (بالعبرية ציון)، وهي واحد من السميات التوراتية ديال القدس، وكيقولو بلي "جبل صهيون" موجود فـالقدس،[23] ومدكور فـ "سفر إشعياء" فالتوراة.[23] أول مرة تدكرات فيها الكلمة كانت فالعهد القديم مع الملك داوود اللي دار المملكة ديالو بين 1000 و960 قبل الميلاد.
بيرنباوم خدا هاد السمية من جمعيات كانت فـأوكرانيا، خرجات من بعد المجازر اللي وقعات ضد اليهود عام 1881، وكان سميتها "أحباء صهيون". وفعلا، فـعام 1897، فالمؤتمر الصهيوني اللول، عتامدات الحركة الصهيونية هاد السمية رسميا.[24]
بعض المؤرخين كيقولو بلي البداية ديال الفكر الصهيوني ما جاتش من اليهود، بل من النجليز، فـالقرن سبعطاعش، عند بعض الپروتيستانت المتشددين. هاد الناس كانو كيآمنو بواحد العقيدة كتسمى "الستيرجاعية"، اللي كتشوف بلي اليهود خاصهم يرجعو لفلسطين باش يتحقق "الخلاص" ويرجع المسيح.
لكن اللي وقع هو بلي الطبقة السياسية الإستعمارية فـنݣليز، اللي كانت علمانية، خدات هاد الأفكار، علمناتها وطوراتها، وبنات عليها واحد المشروع كامل فـالنص ديال القرن 19، وهادشي على يد مفكرين ماشي يهود، بل حتى بعضهم كانو كيكرهو اليهود.[25]
وخاصنا نعرفو حتى بلي الصهيونية ما جاتش من فراغ، ولكن جات كرد فعل على اللي كانو اليهود كيسميوه "معاداة السامية"، يعني الكراهية ضدهم فـأوروپا. وولات مهمة الحركة الصهيونية هي تغيير واقع اليهود فـأوروپا، وخلق دولة قومية كتجمع اليهود من العالم كامل.[26]
فواحد الوقت اللي كانت القومية كطلع وكتبدل ملامح أوروپا، وبدات كتخبط فالأفكار العنصرية ديالها مع اليهود اللي كانو عايشين كأقليات فإمبراطوريات أوروپا الشرقية والوسطى. هاد المجتمعات اللي كانو فيها اليهود، كانت كتعيش الفقر والحقد والتعدو وكانو كيتعرضو لهجمات عنيفة ومجازر مبرمجة. وسط هاد الظروف، بداو اليهود كيتفرقو فطريق التفكير ديالهم: شي منهم شاد فاليهودية الأرثوذوكسية، شي مشى فطريق "الهسكلة" اللي كتعني أنهم خاص يندمجو فالمجتمع الأوروپي، وشي ختار الصهيونية كهوية قومية يهودية، وشي ختار يحتافل بالهوية الوطنية الاشتراكية (بحال البونديين)، وشي ختار يهاجر. الصهيونية كانت كتحاول تبني هوية قومية لليهود، ماكتعتبرهموش غير طائفة دينية ولا عرق، ولكن أمة. الصهاينة ماكانوش متدينين، وكانو كيشوفو بلي ماكاين حتى مستقبل ليهم فديك البلدان، ورفضو الإندماج فالمجتمعات لخرة كحل باش يهربو من الكراهية والإضطهاد، وشافو بلي الحل الوحيد هو يبنيو دولة قومية خاصة بيهم ويهاجرو ليها.
ظهور الحركة الصهيونية جا من بزاف د الأسباب، منها بلي المسيحية الغربية فشلات فأنها تخرج برؤية واضحة لكيفاش تعامل الأقليات، وبالخصوص اليهود، اللي كانت كتعتبرهم قتلة المسيح، ومن بعد عتابراتهم "الشعب الشاهد" (فالنظرة الكاثوليكية) أولا "أداة الخلاص" (فالنظرة الپروتيستانتية). زاد على هادشي إنتشار الأفكار الدينية اللي كتفسر التوراة بطريقة حرفية، وكانت كتعكس الزيادة فالعلمانية.
ومن جهة خرة، اليهود كانو كيلعبو أدوار معينة فالمجتمعات الغربية بحال الخدامة ديال الملوك، البياعة والشراية، التجار الصغار... وكانت عندهم بلاصتهم حتى طلعات البرجوازية المحلية وبانت الدولة القومية العلمانية، وبدات كتخربق التوازن، وبداو اليهود كيقلبو على دور جديد، وتفتحات نقاشات واش فعلا اليهود عندهم منفعة فالمجتمع الغربي ولا لا. وفنفس الوقت، كاين مفكرين كيقولو بلي بزاف ديال العوامل تجمعو وساهمو فظهور هاد الحركة، بحال الخوف من اليهود، والمذابح اللي تعرضو ليها (بحال الهولوكوست)، والدعم اللي خداوه من الإستعمار الأوروپي، اللي خلا الحركة الصهيونية تقوى ويولي عندها تأتير كبير.[27]
المؤتمر الصهيوني اللول: بازل، غشت 1897 كان مخطط يتدار فميونيخ، ولكن المعارضة الكبيرة من عند الجالية اليهودية تما والحاخامات، منعات تنظيمو تما. داروه فبازل فشهر غشت 1897، وكان تيودور هرتزل هو اللي ترأسو. فالخطاب ديالو فالافتتاح ديال هاد المؤتمر، قال باللي الهدف هو تأسيس وطن قومي لليهود، ووكد على بلي المشكل ديال اليهود ما يمكنش يتحل لا بالتسلل البطيء ولا بلا مفاوضات سياسية ولا ضمانات دولية أولا عتيراف قانوني من الدول الكبرى بالمشروع. المؤتمر خرج بتلات د الطرق مترابطين باش يوصلو للهدف ديالهم إزيدو الاستيطان ففلسطين بالخدامة اليهود، إقويو الوعي القومي والتقافة اليهودية، إتحركو سياسيا باش ياخدو الموافقة الدولية على المشروع. هاد الطرق كتمتل تلاتة ديال التيارات لداخل ديال الصهيونية: العملية (اللي كتآمن بالتسلل والاستيطان الميداني)، التقافية (اللي كتخدم على الهوية والتقافة)، والسياسية (اللي كتخدم عبر الدبلوماسية والإستعمار). والمؤتمر ناقش حتى الوضع ديال اليهود اللي بداو يهاجرو لفلسطين من عام 1882.
المؤتمر التاني: بازل، غشت 1898 تدار تاني فبازل، وبرئاسة هرتزل اللي شدد على أهمية نشر الفكر الصهيوني وسط اليهود، خصوصا بعدما بزاف من القيادات اليهودية فأوروپا الغربية عارضو هاد الفكرة. باش يواجهو هاد المعارضة، ركزو على موضوع كراهية اليهود، وقالو بلي راها كاينة فكل مجتمع فين كيتواجد فيه اليهود كأقلية. ماكس نوردو دار عرض على قضية دريفوس (واحد الضابط اليهودي ففرانسا اللي تظلم)، ودارها كدليل على بلي حتى فالنظم الليبرالية كاين الحقد على اليهود. المؤتمر زاد زرع روح التعصب القومي والتضامن مع المستوطنين اليهود ففلسطين، ودارو مبالغة فالوضعية اللي عايشين فيها باش يجبدو الدعم من ليهود ديال العالم. موتزكين اللي مشى لفلسطين يحقق فحال المستوطنين، قال بأنهم فظروف صعيبة بزاف، وخاصهم الدعم. ودارو لجنة باش تأسس بنك يهودي كيمول مشاريع الاستيطان.
المؤتمر الثالث: بازل، غشت 1899 ترأسو هرتزل، وقدم تقرير على المداكرة ديالو مع القيصر الألماني فإسطنبول وفلسطين، وعرض عليه خدمات الصهيونية مقابل يدعم المشروع ديالهم. وطالبو بتأسيس بنك سموه "صندوق الائتمان اليهودي للإستعمار"، باش يمولو به الأنشطة الاستيطانية. والمؤتمر ناقش حتى النشاط التقافي لليهود، وبداو كيتكلمو على ضرورة إتصايب جهاز إداري دايم للحركة الصهيونية عوض داك المؤقت اللي كان.
المؤتمر الرابع: لندن، غشت 1900 تدار فالعاصمة البريطانية، وترأسو هرتزل. ختارو لندن حيت عرفو باللي بريطانيا بدات مصالحها كتكبر فالمنطقة، وبغاو يقربو منها ويدخلوها فصفهم. وطرح المؤتمر موضوع الدعاية الصهيونية كأولوية. المؤتمر اللي حضرو فيه كتر من 400 مندوب، عرف بزاف ديال النقاشات الحادة، خصوصا بين التيارات الدينية والعلمانية، فاش بداو كيهضرو على المواضيع التقافية والروحية.
فـ1844، دار مردخاي نوح خطاب كيهضر فيه على رجوع اليهود، وكانت فيه صفحة وحدة، وفالصفحة التانية كانت خريطة لأرض إسرائيل. الهدف الستراتيجي اللول ديال الحركة الصهيونية كان هو يقنع الدولة العتمانية باش تسمح لليهود يهاجرو لفلسطين ويستقرو فيها. ولكن السلطان عبد الحميد التاني رفض هاد الطلب، وحتى ملي عرضو عليه يشريو بعض الأراضي الفلسطينية، رفض بشكل قاطع، وكان عارف بلي العرب ما غاديش يسمحو فحتى شبر من الأرض. من بعد بداو الصهاينة كيدخلو فتعاملات مع بريطانيا، وحاولو حتى مع القصر الإمبراطوري الألماني باش يتوسط ليهم عند الدولة العتمانية، ولكن بلا نتيجة.
من بعد، بدات المنظمة كتخدم على الهجرة ولكن بأعداد قليلة، وفـ1901 تأسس "الصندوق القومي اليهودي"، ومن بعد فـ1903 تأسس البنك "الأنغلو-فلسطيني".
قبل 1917، كانت عند الصهاينة أفكار مختالفة وكيعتابروها جدية ومعقولة، وكانو كيقلبو على بلاصة يديرو فيها الدولة ديالهم من غير فلسطين. متلا، الأرجنتين كانت من البلايص اللي فكرو فيها كخيار لإقامة إسرائيل. وفـ1903، هيرتزل دار قتيراح مثير للجدل: يديرو إسرائيل فـأوغندا. هاد الفكرة ماعجباتش المندوب الروسي اللي انسحب من المؤتمر. ولكن المؤتمر قرر يشكل لجنة تدرس جميع المقترحات بخصوص فين ممكن يديرو الدولة، وفاللخر ستاقر الرأي على ختيار فلسطين.
المفكرين الصهاينة كيقولو باللي الحاجة لوطن قومي لليهود راه قديمة بزاف، وبدات بشكل واضح من بعد السبي البابلي اللي دارو نبوخذ نصر. وكانو اليهود المتدينين كايآمنو بلي "أرض الميعاد" (اللي هي فلسطين) راه الله عطاها لبني إسرائيل، وهدي هبة أبدية ما يمكنش يتنازلو عليها. ولكن واخا هاد الإيمان، ماكانوش متحمسين بزاف للفكرة ديال الصهيونية، حيت فإعتقادهم بلي دولة إسرائيل خاصها تتأسس على يد المسيح المنتظر، ماشي بنادم.
فوسط القرن الـ19، خرجو جوج حاخامات كيطلبو من اليهود يبدلو الطريق ديال المسيح المنتظر، ويأسسو وطن قومي ليهم. ومن بعد خرج الفيلسوف الألماني اليهودي موسى هس فكتابو روما والقدس، وقال بلي المشكل ديال اليهود هو أنهم ما عندهومش وطن قومي خاص بهم.
من 1890 حتى 1945، الأحداث تقلبات بسرعة: بدات بالعنف ضد اليهود فروسيا، ومن بعد مخيمات العمل القسري ديال النازيين، وتزادو عمليات الحرق الجماعي (الهولوكوست) فزمن الحرب العالمية التانية. هادشي خلا بزاف من اليهود اللي نجاو من هاد المجازر كيتشوقو يديرو دولة كتجمعهم، وولات الأغلبية مقتنعة بلي فلسطين هي البلاصة اللي خاصهم يديرو فيه هاد الكيان.
البروفيسور شلومو ساند قال فهاد السياق، بلي المناطق الغربية ديال الإمبراطورية الروسية اللي كانو ساكنين فيها اليهود، واجهت ضغط كبير من عند الروس جوايه عام 1881، وهادشي خلا جوايه 2.5 مليون يهودي يهاجرو نحو أوروپا. الأوروپيين اليهود خافو من بلي هاد الهجرة تزيد العداء ليهم، ودارو مجهود باش يصيفطو هاد اللاجئين لميريكان. ولكن فنفس الوقت، الأترياء اليهود بداو كيقلبو على حلول خرة باش يخففو الضغط. البارون موريس دي هيرش تبرع باش يدير مستعمرات فالأرجنتين، والبارون إدموند دي روتشيلد دار نفس الشيء ولكن ففلسطين.[28]
1000–960 ق.م: أول مرة تدكرات كلمة "صهيون" فالتوراة.
586–538 ق.م: حركة المكابيين اللي جات بعد الرجوع من السبي البابلي، وكان الهدف ديالها ترجع لصهيون وتبني الهيكل من جديد.
118–138م: حركة باركوخبا اللي حمس اليهود يجتمعو ففلسطين ويديرو دولة يهودية.
كانت فترة ركود فالنشاط ديال اليهود بسباب الإضطهاد والتشريد، ولكن الإحساس القومي عندهم بقى قوي.
1501–1532: حركة داڤيد روبين والتلميد ديالو سولومون مولوخ، اللي قالو بضرورة الرجوع لفلسطين وتأسيس دولة إسرائيل.
1604–1657: حركة منشه بن إسرائيل، كانت نواة لفكر صهيوني جديد، وركزات على إستعمال بريطانيا باش يحققو أهدافهم.
1626–1676: حركة سبتاي زيفي، اللي دّاعى بلي المسيح المخلص، وخلا اليهود يتحمسو للرجوع لفلسطين، ولكن مات وماتت معاه الفكرة ديالو.
حركة رجال المال: كانو بحال روتشيلد وموسى مونتفيوري، اللي كانو كيمولو مستعمرات ففلسطين باش يمتلكو الأرض ومن بعدها يديرو الدولة.
1882: بداو مذابح اليهود فروسيا، وظهرت حركة صهيونية عنيفة، وفنفس الوقت هيتلر كتب كتاب كيدعو فيه لرجوع اليهود لفلسطين حسب النبوءات.
1893: ناثان برنباوم، كاتب ألماني، هو اللي ستعمل لمرة اللولة مصطلح "الصهيونية".
1882: فروسيا، ظهرت حركة "أحباء صهيون"، وكانو كيتجمعو فحلقات، وتعتارف بيهم رسميا عام 1890 باسم "جمعية مساعدة الصناع والمزارعين اليهود فـسوريا وفلسطين"، وكان ليون بينسكر هو الرئيس ديالها. هدفهم كان هو تشجيع الهجرة لفلسطين وإحياء اللغة العبرية.
الصهيونية الحديثة: منسوبة لهرتزل، وكان هدفها المعلن هو قيادة اليهود للسيطرة على العالم، والبداية بدولة ففلسطين.
1897: هرتزل دار أول مؤتمر صهيوني عالمي، وستاغل قضية الضابط اليهودي الفرانساوي ألفريد دريفوس اللي اتهموه بالخيانة فـ1894، ولكن تبين فاللخر بلي بريء. هرتزل ستاغل هاد القضية باش يوري للعالم "المأساة اليهودية"، وكتب كتابو الشهير الدولة اليهودية اللي خلاه يربح دعم كبير، ومن بعد نظم المؤتمر اللول فبازل، سويسرا.
فـ1896، الصحافي اليهودي المجري ثيودور هرتزل خرج كتاب سماه دولة اليهود، اللي فيه شرح علاش كاينة معاداة السامية وشنو الحل فوجهة نظرو، واللي هو: خاص اليهود يديرو وطن قومي ديالهم فـفلسطين، حيت عندها قيمة دينية وستراتيجية وإقتصادية.
تواصل مع إمبراطور ألمانيا فيلهلم الثاني ونجح ياخد الدعم ديالو، وتواصل حتى مع السلطان عبد الحميد التاني، ولكن ما نجحش، وحتى ملي طلب المعونة من الأغنياء اليهود، رفضو. فـ1897، نظم هرتزل أول مؤتمر صهيوني فـبازل بسويسرا، حضرو 200 مندوب. دارو برنامج بازل، اللي بقا هو البرنامج السياسي الرسمي ديال الحركة الصهيونية. ومن المؤتمر خرجات اللجنة الدايمة اللي تكلفات باش تدير فروع فالعالم كامل.
من بعد ما فشل هرتزل فالمفاوضات مع السلطان العتماني، ولى كيركز على بريطانيا. البريطانيين عرضو عليه دعم مالي باش يديرو مستعمرة فـشرق إفريقيا (أوغندا)، وهنا تفرقات الحركة: كاين اللي وافق، وكاين اللي عارض بشدة، خصوصا الصهاينة الروس اللي اتهمو هرتزل بالخيانة. ولكن دار مجهود باش يصالحهم، ولكن مات قبل ما يكمل المهمة. فـالمؤتمر السابع فـ1905، ترفض مشروع أوغندا رسميا، وتأسسات منظمة جديدة سميتها المنظمة الإقليمية اليهودية، اللي عندها الصلاحية تقلب على أرض مناسبة للشعب اليهودي.
أهم إنجازات الحركة الصهيونية: وعد بلفور (1917): اللي قالت فيه بريطانيا باللي كاتدعم إقامة وطن قومي لليهود فـفلسطين.
إقامة دولة إسرائيل (1948): على أرض فلسطين، من بعد القتل والتهجير ديال الفلسطينيين.
الضغط اللي مارسو حاييم وايزمان (مهاجر يهودي روسي) على بريطانيا، ومع الخوف من بلي يهود أمريكا يدفعو لميريكان تساند ألمانيا ضد روسيا، خلا بريطانيا فـ1917 تصدر وعد بلفور، اللي قالت فيه:
"حكومة جلالة الملك كتشوف بالإيجاب يتدار وطن قومي لليهود فـفلسطين، وغادي تدير جهدها باش تحقق هاد الهدف، بشرط ما يتضرروش الحقوق المدنية والدينية ديال السكان غير اليهود اللي كاينين فـفلسطين."
فـمؤتمر الصلح فـباريس عام 1919، جات لجنة من الحولافا لفلسطين باش تشوف رأي السكان المحليين سوا المؤيدين أولا المعارضين للصهيونية.[29] وفـ1922، عصبة الأمم تبنات الإعلان، وعطات لبريطانيا الانتداب على فلسطين، واللي فيه:
"الانتداب خاصو يضمن إتصاوب وطن قومي لليهود، ويطور مؤسسات الحكم الداتي، ويحمي الحقوق المدنية والدينية لكل السكان فـفلسطين، بلا تمييز."[30]
دور وايزمان فالحصول على وعد بلفور خلاه يتنتخب زعيم ديال الحركة الصهيونية، وبقا فهاد البوسط حتى 1948، ومن بعد ولى أول رئيس ديال دولة إسرائيل.
شارك عدد كبير من الممتلين صحاب الشان ف المجتمع الدولي للمرا اليهودية فالمؤتمر العالمي اللول ديال للمرأة اليهودية، اللي تدار ف ڤيينا، عاصمة لوطريش، فمايو 1923. واللي كان من أهم القرارات اللي خرج بها: «تيبان...خاص جميع اليهود يتعاونو يبنيو فلسطين ويتساعدو باش إديرو وطن لليهود تماك».[31]
فعام 1927، كتب اليهودي الأوكراني يتسحاق لامدان واحد القصيدة ملحمية بعنوان مسعدة كتعكس تمارة ديال اليهود، ودعا لموقف حاسم لهاد المحنة.[32]
فـ1933، هتلر شد الحكم فـألمانيا، وفـ1935 خرجات قوانين نورمبرغ اللي حيدات الجنسية لليهود. حتى الحولافا ديال النازيين دارو قوانين مشابهة، وهاكا بدا اليهود يهاجرو بزاف، داكشي زاد الضغط فالمنطقة وسبب فـ"ثورة العرب" من 1936 لـ1939 فـفلسطين.
بريطانيا دارت لجنة بيل باش تحقق، وخرجت بتقرير كيقول خاص تقسيم فلسطين ونقل السكان قهرا، ولكن العرب رفضو، وبريطانيا تراجعات على الفكرة وخرجات الكتاب البيض ديال 1939 اللي فيه:
الهجرة اليهودية توقف فـ1944.
ما يفوتوش 75 ألف مهاجر فـ5 سنين.
فـ1944، ستعملو غير 51 ألف من هاد الحصة.
البريطانيين بقوا كيتبعو سياسة الكتاب البيض حتى نهاية الانتداب.[33]
التحضير لإعلان الدولة
الوكالة اليهودية لفلسطين بقيادة داڤيد بن ݣوريون ولات كتسير السياسة الصهيونية، وبدات كتشد دعم كبير من صهاينة أمريكا اللي جابو التمويل والضغط السياسي، خصوصا عبر اللجنة الميريكانية الفلسطينية.
فزمن الحرب العالمية التانية، من بعد ما تعرفو أهوال الهولوكوست، خرجت القيادة الصهيونية بخطة سميتها خطة المليون، اللي فيها هدف إدخال مليون مهاجر لفلسطين.
من بعد الحرب، بزاف ديال اللاجئين اليهود بداو كيدخلو لفلسطين فـفلايك صغار، وتحداو المنع البريطاني. البريطانيين ولاو كيسجنوهم فـقبرص ولا كيرجعوهم لأوروپا، وهكدا وحدات الهولكوست اليهود ديال العالم على المشروع الصهيوني.[34]
العرب كانو رافضين الهجرة، وبريطانيا تحت الضغط ما بقاتش قادرة تسيطر، وخرجات القضية من يدها. فـ1946، دارت لجنة التحقيق الأنݣلو-ميريكانية باش تلقى حل نهائي للمشاكل ديال السكان.[35]
من بعد ما فشل مؤتمر لندن (1946–1947) على فلسطين، ورفضو فيه كل الأطراف الخطة ديال موريسون-جرادي والخطة بيفين ، قررت بريطانيا ترجع القضية للأمم المتحدة فـ14 فبراير 1947.[36]
ما بعد الحرب العالمية التانية
منين غزات ألمانيا الإتحاد السوڤياتي فـ1941، ستالين بدل الموقف ديالو اللي كان ضد الصهيونية، ودار مجهود باش يجمع الدعم ديال اليهود فالعالم لصالح الحرب السوڤياتية ضد النازيين. دارو لجنة يهودية ضد الفاشية فـموسكو، وهربو آلاف اللاجئين اليهود من النازيين ودخلو للإتحاد السوڤياتي، فين رجعو كيمارسو ديانتهم، وفتحو معابد يهودية جديدة.[37]
فـ ماي 1947، أندري جروميكو، اللي كان نائب وزير خارجية الإتحاد السوڤياتي، قال ف لأمم لمتحدة بلي السوڤيات كيدعمو تقسيم فلسطين ديال الجوج دولات: يهودية و عربية. وبالفعل، فـ نونبر 1947، صوتو ل صالح القرار.
ولكن، منين تأسسات دولة إسرائيل، ستالين رجع تقلب، وولا كيدعم العرب، وبدا يعتاقل قادة اللجنة اليهودية ضد الفاشية، ودار حملات ضد اليهود فالإتحاد السوڤياتي.[38]
إعلان دولة إسرائيل فـ1947، لجنة الأمم المتحدة الخاصة بفلسطين قتارحات تقسيم فلسطين الغربية الدولة يهودية، و دولة عربية، و منطقة دولية حول القدس. الخطة صادقو عليها فـ 29 نونبر 1947، فـ قرار الجمعية العامة نمرة 181، بـ 33 صوت مع، 13 ضد، و 10 اللي ما صوتوش.
هاد القرار خلا اليهود يحتافلو، ولكن العرب دارو حتيجاجات ف كل فلسطين. العنف اللي كان قبل بين العرب واليهود ضد الإستعمار البريطاني، ولى حرب طائفية، و سالات بـحرب 1947–1949.
النتيجة: تهجير جوايه 711 ألف فلسطيني من بلادهم. كتر من الربع ديالهم هربو قبل حتى ما يتعلن إستقلال إسرائيل. من بعد إتفاقيات الهدنة فـ 1949، صدقات الحكومة الإسرائيلية على قوانين كتحرم الفلسطينيين اللي تهجرو يرجعو لديورهم ولا يطالبو بالممتلكات ديالهم. هاد الفلسطينيين وولادهم مازالو لاجئين حتى اليوم، كيعتمدو على الدعم ديال الأونروا.
دور المنظمة الصهيونية من بعد 1948، من نهار تأسسات إسرائيل، المنظمة الصهيونية العالمية ولات كتخدم أساسا فـ مساعدة و تشجيع اليهود باش يهاجرو لإسرائيل. دارت حتى دعم سياسي ف بعض الدول، ولكن فـالسياسة الداخلية الإسرائيلية ما كانش عندها دور كبير.
أكبر نجاح ديالها كان هو:
الدعم اللوجيستي للمهاجرين واللاجئين اليهود، و مساعدة اليهود السوڤيات ف النضال ديالهم ضد الحكومة الشيوعية باش يخرجو من البلاد و يمارسو دينهم بحرية، و تهجير جماعي ديال 850 ألف يهودي من الدول العربية، أغلبهم مشاو لإسرائيل. خطة المليون (الهجرة اليهودية الضخمة) بن ݣوريون، فـ1944–1945، هضر مع مسؤولين أجانب وقال ليهم بلي "خطة المليون" هي الأولوية نمرة واحد ديال الحركة الصهيونية: يعني خاص يدخل مليون يهودي لإسرائيل. ولكن الكتاب البيض البريطاني ديال 1939 كان مازال كيدير قيود على الهجرة، وما كانش ممكن تطبيق هاد الخطة حتى تأسسات إسرائيل فـماي 1948. واخا هكاك، كان فـالحكومة الإسرائيلية ناس ضد الهجرة الجماعية، وقالو: "ما كاينش حتى سبب باش ندخلو بزاف ديال الناس اللي حياتهم ماشي فخطر، وباش نقولو الحقيقة، بزاف ما كانوش حتى باغين يجيو، والاستيعاب ديال هاد الأعداد غادي يسبب في مشاكل ومعاناة كبيرة". ولكن، قوة شخصية بن ݣوريون والإصرار ديالو خلاو الخطة تتنفد و تنجح.
كاينين جوج أنواع كبار ديال الصهيونية:
الصهيونية الاستيطانية: كتهدف باش تجمع اليهود من العالم وتسكنهم فـفلسطين.
الصهيونية التدعيمية: كتركز على تجنيد اليهود اللي ساكنين برا، باش يساندو المشروع الصهيوني، كـجماعات ضغط فبلدانهم، ويجمعو الفلوس للمستوطنين فـفلسطين. كل واحد من هاد الفريقين عندو مؤسسات كيخدم بها: الصهيونية الاستيطانية كانت عندها منظمات بحال: الهستدروت (نقابة العمال)، وحركات الكيبوتس (المزارع الجماعية)، والجماعات العسكرية بحال الهاغاناه. الصهيونية التدعيمية كانت كتأسس جمعيات بحال: الجباية اليهودية الموحدة، باش تجمع الدعم المالي. ولكن بجوج كيندمجو فـتنظيم واحد اللي هو: المنظمة الصهيونية العالمية / الوكالة اليهودية. وهاد كيبين بلي الصهيونية كتلعب على الجهتين: دعم من الخارج واستيطان في الداخل، وحتى الخلافات اللي بيناتهم هي غير شكلية وصافي.[39]
كتقوم على الإيمان بالله، وبأن اليهود هما "شعب الله المختار"، وأن المسيح غادي يرجع باش يحررهم. اليهود المتدينين كيشوفو بلي سبب فقدان "الأرض المقدسة" فالماضي هو المعاصي اللي داروها الإسرائيليين، وأنهم خاصهم يتوبو ويرجعو للدين ديالهم. هاد الفكرة كتختالف على الصهيونية السياسية، اللي بغاو يرجعو لفلسطين بقرارات سياسية، بلا ما يستناو المعجزة الربانية. بحال وثيقة بتسيبرغ ديال 1885، اللي قالت: "ماشي شعب، حنا جماعة دينية، وما كنتسناوش نرجعو لفلسطين."
كتعطي الأولوية للترات التقافي، الأخلاقي، واللغة العبرية. ما كتشوفش بلي المشكل ديال اليهود خاصو يتحل بالهروب من المعاناة أولا اللاسامية، ولكن كتشوف بلي التهديد الحقيقي هو ضعف الروح اليهودية وتفرق المجتمع ديالهم.[40]
كتركز على الواقع العملي، ماشي الوعود الدبلوماسية. كانت كتعارض هيرتزل اللي كان كيجري ورا الدعم الدولي، وعوض داكشي كانت كتشجع على: الزيادة ديال المستوطنات، الزيادة ديال الهجرة لفلسطين. باش تفرض الأمر الواقع، كانت بدايتها مع حركة أحباء صهيون.[41]
هاد النوع هو اللي أسسو هيرتزل فـ1897، ودار به حركة منظمة ببرنامج سياسي واضح. حول المسألة اليهودية من نقاش ديني أولا إجتماعي، لـ"مشكلة سياسية دولية" خاصها حل. وبعض الناس كيعطيوها فقط سمية "الصهيونية"، ولكن السمية ديال "سياسية" جات باش يفرقوها على الإتجاهات لخرة بحال العملية والتقافية اللي ما كانوش متافقين مع هيرتزل.
كتشوف بلي سبب المشكل ديال اليهود ماشي ديني، ولكن إقتصادي وإجتماعي، بسباب التهميش. ركزات على العمل فالأرض باش يتهناو من عقدة المنفى، ويصهرو "القومية اليهودية الجديدة". من أبرز رموزها: غوردون.
كانت الإتجاه الغالب فالحركة الصهيونية من مؤتمر 1897 حتى من بعد الحرب العالمية اللولة. متلات الطبقة الوسطى الأوروپية، بحال هيرتزل ووايزمان. دابا ما عندهاش حزب رسمي، ولكن كاينة كموقف سياسي كيدافع على: الإقتصاد الحر، الديمقراطية، حقوق الإنسان، والمساواة مع العرب داخل إسرائيل. من أحزابها: كاديما، ويش عتيد، وناس من الليكود المعتدلين.الصهاينة الليبراليين كيقولو:
"اليهود خاصهم دولة، ولكن خاصها تكون ديمقراطية حقيقية، بلا تمييز بين الناس فالدين أولا العرق أولا الجنس."
أسسها زئيف جابوتنسكي، ودار مبدأ "الجدار الحديدي" فـ1923. كانو كيشوفو بلي الصهيونية مشروع إستعماري، خاصو القوة والسلاح باش ينجح. جابوتنسكي قال:
"لبني والكلام زوينين، ولكن أهم حاجة هي نكونو قادرين نطلقو لعافية." كانو مع إستعمار الأرض بالقوة، ومع خلق جيش يهودي باش يفرضو الهجرة على العرب. من بعد، الأنصارديال هاد الإتجاه دارو حزب الليكود، اللي حكم إسرائيل من 1977، وكيدافع على: ضم الضفة الغربية، القدس الشرقية، ورفض التنازل فالصراع مع العرب. ومن بعد تفرع منهم حزب كاديما اللي كان كيدعم حل الدولتين.
فـ10 نونبر 1975، الجمعية العامة ديال الأمم المتحدة خرجات بقرار نمرة 3379، وصوتو عليه 72 دولة بنعم، و35 بلا، و32 دولة متانعات. هاد القرار كان كيقول: "الصهيونية هي واحد النوع من العنصرية والتمييز العنصري." وطالب هاد القرار من جميع الدول تحارب الصهيونية حيت كتشكل خطر على الأمن والسلام العالمي.[42] القرار بقا كيتستشهد به فالنقاشات اللي كتربط الصهيونية بالعنصرية. ولكن فـ16 دجنبر 1991، تلغى هاد القرار بقرار جديد نمرة 46/86. إسرائيل كانت شرطات إلغاء القرار 3379 باش تقبل تشارك فـمؤتمر مدريد 1991.
من البداية، الصهاينة كانو عارفين بلي الفلسطينيين الأصليين ما غاديش يرضاو يتخلاو على الأرض ديالهم، وعلى هاد الشي، من أول يوم حطو فيه رجلهم فـفلسطين، بداو كيخدمو باش يسكتو أي مقاومة ديال الفلسطينيين. وكانو متفاهمين ومتناغمين مع الإستعمار البريطاني، اللي كان هو الراعي ديال المشروع الصهيوني. الإنجليز ساعدوهم بزاف، وقمعو أي حتيجاج أولا مقاومة عربية، وهادشي ولد مقاومة شعبية، اللي وصلت الدروة ديالها فـثورة 1936. الإستعمار تعامل مع الثورة بوحشية، وبين للصهاينة من بعد كيفاش خاصهم يتعاملو مع الفلسطينيين بطريقة عنصرية، وهاد الإستعمار دعم الصهاينة باش يفرضو سيطرتهم، خصوصا بمساعدة كبيرة من بريطانيا، ومن بعد مريكان. وهكا، مع الوقت، وبدعم براني قوي، الصهاينة بداو يرهبو السكان ويطيحو فالمقاومة ديالهم، وهادشي سهل ليهم عملية النكبة ديال 1948. وما وقفاتش هنا: شاركت إسرائيل فـالعدوان التلاتي على مصر فـ1956 (مع بريطانيا وفرانسا). فـ1967، احتلات باقي الأراضي الفلسطينية، الجولان السوري، وسينا المصرية. دارو جرائم حرب فݣاع هاد المناطق، بحال مجزرة دير ياسين. ومن بعد، دارت إسرائيل حرب على لبنان فـ2006. وحروب على غزة فـ2008 و2012 (اللي سموها "عامود السحاب" أولا "السما الزرقا"). وحتى دابا، الصراع العربي الإسرائيلي ما سالاش.
من بعد ما طاحت الدولة العتمانية فـ1918، وفرضو الإنجليز الانتداب على فلسطين فـ1922، بداو الصهاينة كيخدمو بجدية باش يبنيو دولة صهيونية. جمعو الفلوس، وبداو يضغطو على الإنجليز باش ما يعطيوش الإستقلال للفلسطينيين. فـالـ1920، كتر عدد اليهود فـفلسطين، وبداو يبنيو البنية التحتية ديال الدولة ديالهم، وهادشي خلا الفلسطينيين يبداو يقاومو، خصوصا مع الهجرة المنظمة ديال اليهود. واخا هاد الشي، بزاف ديال اليهود فالعالم كانو ضد المشروع الصهيوني، حيث كيشوفو راسهم مواطنين فبلدانهم، بحال ألبرت أينشتاين اللي كان ضد الفكرة. ولكن من بعد ما طلع هتلر فـ1933، وبدات النازية كتقتل اليهود، تبدلات المواقف، وولات فلسطين الملاذ الوحيد، خصوصا بعد ما سدات سدت بيبان الهجرة. فـ1936، دارو العرب فـفلسطين انتفاضة، والإنجليز حاولو يوقفو الهجرة اليهودية، لكن الصهاينة جاوبو بتأسيس ميليشيات مسلحة بحال الهاغاناه والأرغون، باش يقمعو المقاومة ديال الفلسطينيين الأصليين. مع الحرب العالمية التانية، الطرفين (العرب والصهاينة) ركزو على مواجهة هتلر. لكن فالحرب، النازيين قتلو علاين شي 6 مليون يهودي،[43] وخلاو مئات الآلاف بلا بلاد، وهنا بدا الضغط على العالم باش يلقاو حل لليهود. الدول الإستعمارية، خصوصا مريكان وبريطانيا، بغاو يخرجو من مستعمراتهم، ولكن يبقاو محافظين على نفوذهم، فلقاو فـفلسطين بلاصة استراتيجية الرئيس المريكاني ترومان كان من أكبر الداعمين، وضغط على الأمم المتحدة باش تعترف بـدولة إسرائيل، خصوصا وأن بريطانيا كانت بغات تخرج من فلسطين وتتهنا من اليهود اللي كيتكرفسو عليهم فـأوروپا. فـ1947، بريطانيا علنات انسحابها، وفـ29 نونبر من نفس العام، الأمم المتحدة قررت تقسيم فلسطين الدولتين: وحدة عربية، وحدة يهودية. وف14 ماي 1948، علن الصهاينة قيام دولة إسرائيل. من داك النهار، تحول دور المنظمة الصهيونية من حلم الدولة، إلى خدمة الدولة اللي تولدات. ودمجت الميليشيات فـجيش رسمي سموه "جيش الدفاع الإسرائيلي". والنكبة وقعات: بزاف من الفلسطينيين تشردو أولا تهجرو، وبقات الأغلبية السكانية فالأرض لليهود. وفـ1950، البرلمان الإسرائيلي (الكنيست) علن بلي أي يهودي فالعالم عندو الحق يستوطن فإسرائيل، وبداو اليهود كيهاجرو من أوروپا والدول العربية.
الصهيونية هي حركة عالمية كيهدفو من خلالها يجمعو اليهود من العالم كامل باش يديرو دولة يهودية فـفلسطين، وتكون فـخدمة الإستعمار العالمي، وتهدف تفصل المشرق العربي على المغرب ديالو.
المرحلة اللولة: الاستيطان العشوائي (غير منظم) كانت فقط جهود فردية أولا ديال جمعيات يهودية بحال: الإتحاد الإسرائيلي العالمي (فباريس) الإتحاد النݣليزي (فلندن) من خلالهم تأسسات مستوطنات بحال: مكفا إسرائيل، بتاح تكفا (بمعنى "باب الأمل"). المرحلة الثانية: الاستيطان المنظم. الحركة الصهيونية خدمات على خلق أدوات باش تنظم المشروع، من بينها: الصندوق القومي اليهودي: كيشري الأراضي، الوكالة اليهودية: كتسكن اليهود وتبني المستوطنات، الصندوق التأسيسي اليهودي: كيقدم خدمات للمستوطنين.
منين بداو الأوروپيين كيتكلمو على القومية، اليهود بدورهم دارو حركة قومية دينية تقافية سماوها الصهيونية، وبدلوها لحركة سياسية، والهدف ديالها كان واضح: نجمعو اليهود من العالم ونسكنوهم فـفلسطين.
اليهود كيقولو بلي عندهم حق تاريخي فـفلسطين، حيث كانت فيها جوج ممالك ديالهم: مملكة إسرائيل ومملكة يهوذا، هادشي من القرن تسعة قبل الميلاد، حتى للقرن اللول. ويسميو فلسطين بـ"أرض الميعاد" أولا بـ"إيرتس إسرائيل".
دارو مؤتمر صهيوني باش يتبتو "حقهم" فـفلسطين، وخرجو منه بـقرارات: تأسيس وطن قومي لليهود فـفلسطين، تشجيع الهجرة، تنظيم اليهود من خلال مؤسسات، تأسيس صندوق قومي باش إجمعو الفلوس.[44]
فـ1917، بريطانيا غزات فلسطين وحيداتها للدولة العتمانية. ودخل الجنرال أدموند أللنبي القدس، واحتافل الغرب حيت رجعات القدس تحت الحكم المسيحي لمرة اللولة من عام 1187. وكانت بريطانيا وفرانسا متفاهمين من قبل يقسمو بلاد الشام فـإتفاقية سايكس – بيكو (1916)، ولكن بريطانيا تراجعات، وبغات فلسطين ليها بوحدها باش تربط الخليج بميناء حيفا.
الدول المنتصرة فـالحرب العالمية اللولة قررو يعطيو فلسطين لبريطانيا .وتدار مجلس فلسطين للنقد اللي خرج الجنيه الفلسطيني فـ1927. الشرق ديال الأردن كان كيتعتبر جزء من فلسطين، واستقلات فـ1946 (المملكة الأردنية). وف1948، خرج آخر عسكري بريطاني من القدس، وعلنات إسرائيل قيام الدولة، وهاد القضية هي اللي سموها العرب بـالنكبة.
الصهيونية ما لقاتش غير دعم يهودي، ولكن حتى من: الملكة فيكتوريا، نابليون بونابرت،[45] الرئيس الميريكاني جون آدامز، الفيلسوف كروتشي، مؤسس الصليب الحمر دونانت، شخصيات شينوية (بحال سان يات سين)، وفريتيوف نانسين.[46]
بعض المسيحيين خصوصا الإنجيليين كانو كيدعمو عودة اليهود لفلسطين قبل حتى ما تولد الصهيونية السياسية منهم: جون نيلسون داربي، مارتن لوثر كينݣ جونيور(واخا شي أقوال تنسبو ليه زورا)، بعض القساوسة فـنݣليز وأمريكا.
توفيق حميد (مصري)، عبد الهادي بالاتسي (الطاليان)، بعض الأكراد والبربر، بعض الدروز فـإسرائيل، أسعد الشقيري (من عكا) كان ضد الحسيني ودار علاقات مع الصهاينة، حتى بعض المسلمين الهنود ساندو اليهود، وفد منهم زار إسرائيل فـ2007 بدعوة من اللجنة اليهودية الميريكانية.
فـ1948، الحكومة الهندية عارضات الصهيونية باش ما تقلقش المسلمين فالهند، لكن القوميين الهندوس كانو كيشوفو فـالصهيونية مثال على حركة تحرير. دابا، أغلب الهنود المحافظين كيدعمو إسرائيل بقوة.
أغلب الدول الإسلامية والعربية، وحركات المقاومة بحال: حماس، الجهاد الإسلامي، الجبهة الشعبية لتحرير فلسطين، الجبهة الديمقراطية كلهم ضد الصهيونية ورافضين التطبيع. ومعاداة الصهيونية ماشي بالضرورة معاداة لليهود، بل ضد إقامة وطن يهودي على أراضي فلسطينية.
الهستدروت: نقابة عمالية صهيونية تأسسات فـ1920 وكان الهدف ديالها هو التدخل فما هو ماشي غير إقتصادي، بل حتى التقافي ففلسطين وبني مجتمع يهودي تماك،[47] الوكالة اليهودية: الجهاز التنفيذي ديال الحركة الصهيونية الصندوق القومي اليهودي: كيشرى الأراضي المنظمة الصهيونية العالمية: تأسسات فـ1897، كتشجع الهجرة وشرا الأراضي
تيودور هرتزل: مؤسس الصهيونية لعصرية، دار المؤتمر اللول فـ1897، وألف كتاب "الدولة اليهودية" ناثان برنباوم: أول واحد ستعمل مصطلح "صهيونية" بلفور: صاحب وعد 1917، داڤيد بن ݣوريون: أول رئيس ووزارا ديال إسرائيل، روتشيلد ومونتفيوري: مولو شرا الأراضي، داڤيد روبين وسولومون مولوخ: من أوائل الداعين للرجوع لفلسطين
- ↑ Beauchamp, Zack (2018-11-20). "What is Zionism?". Vox (ب American English). Retrieved 2025-08-05.
- ↑ "Full text of Basic Law: Israel as the Nation-State of the Jewish People - Wikisource, the free online library". en.wikisource.org (ب الإنجليزية). Retrieved 2025-08-05.
- 1 2 "Wayback Machine". dergipark.org.tr. Archived from the original on 2020-11-12. Retrieved 2025-08-05.
- ↑ Hazony, Yoram (2012-07-30). The Philosophy of Hebrew Scripture. Cambridge University Press. ISBN 978-1-107-00317-0.
- ↑ "ثيودور هرتزل". الجزيرة نت (ب العربية). Retrieved 2025-08-05.
- ↑ عباس محمود العقاد. الصهيونية العالمية.
- ↑ عبد الله النجار كمال الحاج. الصهيونية بين تاريخين.
- ↑ ILAN TROEN, S. (أكتوبر 2007). "De-Judaizing the Homeland: Academic Politics in Rewriting the History of Palestine". Israel Affairs (ب الإنجليزية). 13 (4): 872–884. doi:10.1080/13537120701445372. ISSN 1353-7121. Archived from the original on 2014-08-29.
- ↑ Cohen, Michael J. (شتنبر 2011). "Zionism and British imperialism II: Imperial financing in Palestine". Journal of Israeli History (ب الإنجليزية). 30 (2): 115–139. doi:10.1080/13531042.2011.610119. ISSN 1353-1042. Archived from the original on 2014-08-29.
- ↑ "Anti-Zionism is anti-semitism". the Guardian (ب الإنجليزية). Archived from the original on 2013-07-18. Retrieved 2025-08-05.
- ↑ "Anti-Zionism and Anti-Semitism - Robert Wistrich". www.jcpa.org. Archived from the original on 2017-05-16. Retrieved 2025-08-05.
- ↑ Marcus، Kenneth L. "Anti-Zionism as Racism: Campus Anti-Semitism and the Civil Rights Act of 1964"، William & Mary Bill of Rights Journal، ج. 15، ص. 837–891.
- ↑ محلي, حسني (2022-02-17). ""الهولوكوست" بين الواقع والمبالغة.. ماذا حقّق اليهود؟". ريزو الميادين (ب العربية). Archived from the original on 2022-03-15. Retrieved 2025-08-05.
- ↑ Israel Affairs - Volume 13, Issue 4, 2007 - Special Issue: Postcolonial Theory and the Arab-Israel Conflict - De-Judaizing the Homeland: Academic Politics in Rewriting the History of Palestine - S. Ilan Troen.
- ↑ "Zionism and British imperialism II: Imperial financing in Palestine", Journal of Israeli History: Politics, Society, Culture. Volume 30, Issue 2, 2011 - pages 115–139 - Michael J. Cohen.
- ↑ *Shafir, Gershon, Being Israeli: The Dynamics of Multiple Citizenship, Cambridge University Press, 2002, pp 37–38 Bareli, Avi, "Forgetting Europe: Perspectives on the Debate about Zionism and Colonialism", in Israeli Historical Revisionism: From Left to Right, Psychology Press, 2003, pp 99–116 إيلان بابي, A History of Modern Palestine: One Land, Two Peoples, Cambridge University Press, 2006, pp 72–121 Prior, Michael, The Bible and colonialism: a moral critique, Continuum International Publishing Group, 1997, pp 106–215 Shafir, Gershon, "Zionism and Colonialism", in The Israel / Palestinian Question, by Ilan Pappe, Psychology Press, 1999, pp 72–85 Lustick, Ian, For the Land and the Lord … Zuriek, Elia, The Palestinians in Israel: A Study in Internal Colonialism, Routledge & K. Paul, 1979 Penslar, Derek J., "Zionism, Colonialism and Postcolonialism", in Israeli Historical Revisionism: From Left to Right, Psychology Press, 2003, pp 85–98 إيلان بابي, The Ethnic Cleansing of Palestine, Oneworld, 2007 Masalha، Nur (2007)، The Bible and Zionism: invented traditions, archaeology and post-colonialism in Palestine-Israel، Zed Books، ج. 1، ص. 16 Thomas، Baylis (2011)، The Dark Side of Zionism: Israel's Quest for Security Through Dominance، Lexington Books، ص. 4 Prior، Michael (1999)، Zionism and the State of Israel: A Moral Inquiry، Psychology Press، ص. 240.
- ↑ Zionism, imperialism, and race, Abdul Wahhab Kayyali, ʻAbd al-Wahhāb Kayyālī (Eds), Croom Helm, 1979 Gerson, Allan, "The United Nations and Racism: the Case of Zionism and Racism", in Israel Yearbook on Human Rights 1987, Volume 17; Volume 1987, Yoram Dinstein, Mala Tabory (Eds), Martinus Nijhoff Publishers, 1988, p 68 Hadawi, Sami, Bitter harvest: a modern history of Palestine, Interlink Books, 1991, p 183 Beker, Avi, Chosen: the history of an idea, the anatomy of an obsession, Macmillan, 2008, p 131, 139, 151 Dinstein, Yoram, Israel Yearbook on Human Rights 1987, Volume 17; Volume 1987, p 31, 136ge Harkabi, Yehoshafat, Arab attitudes to Israel, pp 247–8.
- ↑ Gould-Wartofsky, Michael; ContributorAuthor; Movement, The Occupiers: The Making of the 99 Percent (2010-06-03). "Through The Looking Glass: The Myth Of Israeli Exceptionalism". HuffPost (ب الإنجليزية). Retrieved 2025-08-05.
{{cite web}}:|author2=has generic name (معاونة)CS1 maint: numeric names: authors list (link) - ↑ The Bible and Zionism. Archived from the original on 2017-01-12.
- ↑ Edward Said. Archived from the original on 2017-02-19.
- ↑ Militarization and Violence Against Women in Conflict Zones in the Middle East. Archived from the original on 2017-02-19.
- ↑ SHARED HISTORIES. Archived from the original on 2017-10-14.
- 1 2 "וּפְדוּיֵי ה' יְשֻׁבוּן וּבָאוּ צִיּוֹן בְּרִנָּה, וְשִׂמְחַת עוֹלָם עַל רֹאשָׁם, שָׂשׂוֹן וְשִׂמְחָה יַשִּׂיגוּ, וְנָסוּ יָגוֹן וַאֲנָחָה".
- ↑ المنظمة الصهيونية العالمية، الموسوعة الفلسطينية، المجلد الرابع.
- ↑ مصطلح "الصهيونية".. نحو صياغة تعريف بديل، الطيب بوعزة.
- ↑ بشارة، عزمي. مجلة الكرمل العدد 53، (خريف) 1997.
- ↑ ساند، شلومو. إختراع أرض إسرائيل. ترجمه على العبرية أنطوان شلحت وأسعد زعبي، المركز الفلسطيني للدراسات الإسرائيلية مدار. رام الله 2013. ص181-182.
- ↑ ساند، شلومو. إختراع أرض إسرائيل. ترجمه على العبرية أنطوان شلحت وأسعد زعبي، المركز الفلسطيني للدراسات الإسرائيلية مدار. رام الله 2013. ص181-182.
- ↑ "The making of the modern Near East, 1792-1923 - WorldCat.org". search.worldcat.org (ب الفرنسية). Retrieved 2025-08-05.
- ↑ Robbie, Sabel, ed. (2022). Post–World War I and the 1922 League of Nations Mandate for Palestine, 1920–1947. Cambridge: Cambridge University Press. pp. 60–92. doi:10.1017/9781108762670.005. ISBN 978-1-108-48684-2.
- ↑ "Annual Report of the International Council of Jewish Women". Human Rights Documents Online (ب الإنجليزية). doi:10.1163/2210-7975_hrd-9854-2015001. Retrieved 2025-08-05.
- ↑ "degruyterbrill.com". www.degruyterbrill.com. Retrieved 2025-08-05.
- ↑ "AEA RCT Registry". www.socialscienceregistry.org (ب الإنجليزية). Archived from the original on 2022-01-26. Retrieved 2025-08-05.
- ↑ May, Paul; Cotton, Simon (2014-10-23). Ammonium Nitrate (ب الإنجليزية). CRC Press. pp. 21–28. doi:10.1201/b17423-3. ISBN 978-0-429-16873-4. Archived from the original on 2022-11-30.
- ↑ "Quasi-Delict in Anglo-American Law on JSTOR". www.jstor.org (ب الإنجليزية). Archived from the original on 2022-10-31. Retrieved 2025-08-05.
- ↑ بيان نويهض الحوت، فلسطين (القضية الشعب الحضارة) التاريخ السياسي من عهد الكنعانيين حتى 1917.
- ↑ "Stalin - WorldCat.org". www.worldcat.org (ب الإنجليزية). Archived from the original on 2022-11-26. Retrieved 2025-08-05.
- ↑ "Jews and the left : the rise and fall of a political alliance - WorldCat.org". www.worldcat.org (ب الإنجليزية). Archived from the original on 2022-11-25. Retrieved 2025-08-05.
- ↑ "مركز المعلومات الوطني الفلسطيني". www.wafainfo.ps. Archived from the original on 2018-04-19. Retrieved 2025-08-05.
- ↑ دعنا, سيف. "الصهيونية الثقافية". الجزيرة نت (ب العربية). Retrieved 2025-08-05.
- ↑ "Wayback Machine". www.elmessiri.com. Archived from the original on 2015-09-23. Retrieved 2025-08-05.
- ↑ "دعوة لإحياء القرار 3379". Archived from the original on 2005-01-16. Retrieved 2025-08-06.
- ↑ Davidowicz, Lucy. The War Against the Jews. Bantam, 1986, p.403.
- ↑ "The Protocols of the Learned Elders of Zion". www.history.ucsb.edu. Archived from the original on 2018-10-14. Retrieved 2025-08-05.
- ↑ Barkat, Amiram. "Herzl hinted at Napoleon's `Zionist past'". Haaretz.com (ب الإنجليزية). Archived from the original on 2024-12-15. Retrieved 2025-08-05.
- ↑ Goldstein، Jonathan (1999)، "The Republic of China and Israel"، في Goldstein، Jonathan (المحرر)، China and Israel, 1948–1998: A Fifty Year Retrospective، Westport, Conn. and London: Praeger، ص. 1–39.
- ↑ "הסתדרות העובדים הכללית החדשה, מתוך ישראל והציונות - אנציקלופדיה ynet". www.ynet.co.il. Archived from the original on 2012-05-28. Retrieved 2025-08-05.