صفية الزياني
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
صفية الزياني
| ||
| معلومات عامة | ||
| زيادة | 1935 الرباط | |
| لموت | 31 يناير 2026 (90/91 عام) الرباط | |
| لجنسية | لمغريب | |
| لبلاد | لمغريب | |
| لحرفة | مومتيلة، مومتيلة مسراحية، ممتيل د لأفلام و ممتيلة د التلفازة | |
| لّوغات لي كيعرف | عربية | |
  | ||
صفية الزياني (تزدات فـ 1935 – ماتت فـ 31 يناير 2026) هيّ ممثلة مغريبية قديرة. شاركات فـ بزاف د لـأعمال سّينمائية و تّلفزيونية لـمغريبية، و كاتعتابر من جيل رّواد لي أسسوا لـفن د تّمتيل فـ لمغريب. هيّ من لـعيالات لّولات لي حتارفوا لـمهنة د تّشخيص و لـمسرح فـ لبلاد.[1]
بدات صفية الزياني لـحياة لـفنية ديالها فـ لـخمسينات من لـقرن 20 فاش شاركات فـ لـمباريات لـمسرحية لي كانت كاتنظمها وزارة شّبيبة و رّياضة. فـ عام 1957، نجحات فـ أول مباراة د تّكوين لـمسرحي، و كملات تّدريب ديالها فـ مركز لـمعمورة بين 1958 و 1959. ملي تأسسات لـمدرسة لوطنية د لـمسرح (L’art Dramatique) فـ عام 1960، لتحقات بيها و قرات على يد أساتذة كبار بحال عبد الله شقرون، عبد الصمد الكنفاوي، و طّاهر واعزيز، و حتى أساتذة من أوروپا بحال André Voisin و Dominique. تعلمات تما تّعبير لـمسرحي، تّاريخ د لـمسرح، لـحركة تّعبيرية، و تّقنيات د سّينوغرافيا.[2]
فـ عام 1962، دخلات لـ لـفرقة لوطنية كـ ممثلة محترفة، و شاركات فـ بزاف د لـمسرحيات مع رّواد بحال الطيب الصديقي و أحمد الطيب لعلج. فـ 1967، انتقلات لـ لـفرقة لوطنية د لإذاعة، و هادشي ركز لـحضور ديالها فـ تّلفزة و رّاديو، و خلات بصمة كبيرة فـ لـمشهد لـفني لـمغريبي مورا لِستقلال.
أما فـ سّينما، بدات مع لـمخرج الجيلالي فرحاتي فـ أفلام بحال "أبناء الشاطئ الضائعين" و "ذاكرة معتقلة". و من بعد، شاركات فـ إنتاجات دولية، بحال لـفيلم لـفرانساوي "La Nuit Sacrée" (مقتبس من رواية الطاهر بنجلون) فين دارت دور لـمربية، و مثلات دور مربية فرعون فـ فيلم طالياني، و حتى دور زوجة سّيدنا نوح فـ سلسلة ألمانية على لـأنبياء.[3]
- جحا يا جحا 2 (2010): دور (مّو د جحا).
- حديدان (2009).
- الوريث (2007): دور (هرنانة).
- الوصية (1999).
- لالة شافية (1982).
- شمس القنديل.
ماتت لـفنانة صفية الزياني نهار سّبت 31 يناير 2026 فـ لـمركز لِستشفائي مولاي يوسف فـ الرباط، مورا صراع طويل مع لـمرض، و خلات موراها إرث فني كبير فـ لعمر ديال 90 عام.[1]
- 1 2 "صفية الزياني تنتقل إلى رحمة الله". هسبريس (ب العربية). 2026-01-31.
- ↑ "فنانة من زمن الحب .. صفية الزياني" (ب العربية). مغرس. Archived from the original on 2017-08-08. Retrieved 2026-03-14.
- ↑ "صفية الزياني ممثلة ترعرعت وسط اليهود المغاربة" (ب العربية). الجريدة 24. Archived from the original on 2019-12-26.
