صداع الراص

صداع الراص
كاريكاتير كاتبيّن واحد فلان واجعو راصو
معلومات عامة
نوع	الألم و علامة سريرية
سباب	اعتلال دماغي

صداع الراص ؤلا ضرّان الراص ؤلا لأرارة ؤلا وجع الراص (بلفرانساوية: céphalée، بالنݣليزية: headache) هوا واحد لوجع ملوكاليزي كايحس بيه بنادم ف جّمجمة ديالو و شي مرّات كايوصل حتال ضهر لعنق. وجع الراص كايتقسم ل وجع سابق اللي كايجي بوحدو بلا حتا سباب، و وجع الراص اللي تالي شي مرضة خرة، بحال: توسيخة ب ڤيروس ؤلا بكتيريا، تزعزيعة هوميوسطازية، الشريب د شي مادة كاتدير وجع الراص ولا التحياد ديالها، ضربة و زيد و زيد.

راية حمرة

ضران الراص كايكون خطار وضروري خاص التبيع ديالو فلحالة ديال:

• يلا جا بجهد لبنادم.
• يلا كان صعيب.
• يلا كان ملام معا لعلامي التاليين:
  • نعسانية (بنادم كايحس بالنعاس)
  • لمهاوشة
  • النقصان ديال التركيز.
  • تدݣديݣ ديال لحالة، سخانة، الضعفان، النسيان.
  • تزعزيعات شوفية (بنادم مكايبقاش يشوف مزيان).

سباب ديال ضران رّاص

كاينين لوجاع اللي كايجيو غير هكاك بلا حتاشي سباب و كايتسماو وجاع سابقين، و كاينين وجاع اللي كايجيو ب شلا سباب و كايتسماو وجاع تاليين.

وجاع سابقين

هاد لوجاع السابقين كايكونو على شكل حلقات مشابهين (كايتعودو بنفس لمانيرة):

• شقيقة معا ولا بلا ؤورا (ضران الراص ملموم معا دوخة د لقيا، ضو-فوبيا، صوتو-فوبيا، ريحو-فوبيا).
• ضران رّاص ديال طانسيو (يلا جا غي بوحدو بلا حتاشي علامة ملامّة)
• وجع عصبي (يلا شاد الضس ديال شي عصب)
• وجع ديال شي عرق ف لوجه (ملام معا هبوط ديال الدموع، رعاف دنيف)

وجاع تاليين

وجع الراص يقدر يكون تالي لشي مرضة ؤلا تزعزيعة خرة بحال:

• سباب عامّيين (سخانة، تزعزيعة ميطابولية بحال قلة سكار ولا لوكسيجين ف الدم، طلعة د طانسيو.)
• سباب توسيخية (جيوبيطة، مينانجيطة..)
• سباب عرقاوية (دموخراجية، تشريݣة كاروتيدية)

مصادر

ويكيميديا كومنز عندا تصاور و معلومات على صداع الراص.

هادي زريعة ديال مقالة خاصها تّوسع. تقدر تشارك ف لكتبة ديالها.