صحرا

صحرا
حيوم، ecosystem type
كلاص فرعية ديال	أراض جافة، منظر طبيعي، نظام بيئي، موطن، شكل الأرض
طرف من	بيئة طبيعية
هاشطاڭ	desert
كاراكطير د يونيكود	🏜
قائمة لهذا العنصر	قائمة الصحاري

تصويرة ف صحرا ف السعودية

الصحرا القطبية الجنوبية.

الصحرا الكبرى. في شمال افريقية..

اتاكاما.

خريطة ديال المناطق اللي فيها الصحرا

الصحرا العالمية من الفضاء.

الصحرا هي واحد المنطقة ناشفة بزاف فين الشتا قليلة بزاف، وهادشي كيخلي الطقس فيها صعيب على العيشة ديال النباتات والحيوانات. وبما ما كاينش الغطا النباتي، السطح ديالها كيتعرض للتعرية. علاينً واحد الثلث من اليابسة فالعالم ناشف أولا شبه ناشف، وحتى بزاف من المناطق فالقطب اللي الشتا فيها قليلة كيتسمّاو "الصحاري القطبية". الصحاري كيتقسمو على حسب كمية الشتا اللي كاتطيح، أولا درجة الحرارة اللي كاتكون غالباً، أولا الأسباب ديال التصحر، أولا حتى الموقع الجغرافي.

العوامل ديال الطقس كاتساهم فتكوّن الصحرا، حيث الفرق الكبير بين السخونية فالنهار والبرد فالليل كيكسر الحجرة. ووخا الشتا قليلة، ممكن يوقعو سيول مفاجئة اللي كيديرو الفيضانات. والقطرات ديال الشتا ملي كاتطيح على الحجرة السخونة كاتفرقعها لقطع صغار اللي كتزيد الرياح تاكلها. والرياح كاتشيل معاها حبات الرمل، وكتصاوب منهم كثبان رملية أولا أسطح حجرية ملساء كيتسماو "الأرصفة الصحراوية".

ممكن يتصاوبو بحيرات مؤقتة أولا واحات إلا كانو كاينين منابع ديال الما تحت الأرض. الحياة ديال النباتات والحيوانات فالصحرا كتحتاج تكيفات خاصة؛ النباتات فالغالب كاتكون عندها الأوراق صغار بزاف أولا ماعندهاش أوراق، والحيوانات كاتكون كتتحرك فالليل، أولا كاتهرب للضل، أولا كاتحفر وتخبّى تحت الأرض باش تحافظ على البرودة ديال جسمها.

تكيفو بنادم باش يعيشو فالصحرا وفالأراضي الشبه قاحلة آلاف السنين، يا إما بالترحال والرعي، يا إما بالإستقرار حدا الواحات. وكاين حتى إمكانية نستصلحو الأراضي الصحراوية باش نديرو فيها الفلاحة بإستعمال أنظمة السقي.

للصحارى أهمية تاريخية وإقتصادية، حيت كانو ممرات لطرق التجارة، وكاينين فيهم بزاف ديال المعادن، وكيتعتابرو مصدر واعد للطاقة الشمسية. وزيد عليها، المعادن المختالفة كتعطي ألوان مميّزة لبعض الصحارى.

الصحرا ف اللغة

الصحرا هي الأرض الملسا فـ اللين أولا الغلاظ بلا ما توصل لواحد القُفّ، أولا هي الفضاء الواسع اللي ما فيهش نبات. الجمع ديالها: صحارى، صحاري، وصحراوات. وجات مشددة فهاد البيت ديال الشعر التالي:

عشرة الصحرا الأكبر في العالم.

المرتبة	الصحرا.	المساحة (كيلومتر مربع)	المساحة (mi2)
1	القارة القطبية الجنوبية.	14,200,000	5,500,000
2	منطقة القطب الشمالي.	13,900,000	5,400,000
3	الصحرا الكبرى.	9,100,000	3,500,000
4	الصحرا العربية.	2,600,000	1,000,000
5	صحرا جوبي. آسيا.	1,300,000	500,000
6	صحرا باتاغونيا.	670,000	260,000
7	الصحرا الكبرى فيكتوريا. أستراليا.	647,000	250,000
8	صحرا كالاهاري.	570,000	220,000
9	صحرا الحوض العظيم.	490,000	190,000
10	الصحرا السورية.	490,000	190,000

الحياة في الصحرا

النباتات الصحراوية

صحرا في السعودية. بعد الشتا.

الصحرا في إمارة عجمان في دولة الإمارات بعد الشتا الشتاء. (2014)

النباتات ديال الصحرا كيتأثرو بالسخونية وباليبس ديال الأرض، وكيسعاو باش يلقاو شوية ديال الما القليل اللي كاين فالبلايص اللي فيه، ومن بعد ما كاتعيش غير شي نباتات اللي خذات الكفاية ديالها من الما، وداكشي علاش كاتكون الثغرات كبار بين نبتة وخرة، وكيدبلو النباتات اللي ما لقاوش الما الكافي.

كاينين بعض النباتات فالصحرا اللي كيشربو الما من الما الجوفي، بحال فمريكان مثلا، كاين شجر المسكيت اللي كيمتص الما من عمق ديال 12 متر تحت الأرض، وكاين أشجار خرة كاتخزن كميات ديال الما فالأوراق ديالها ولا فالجذور والجذوع، بحال نبات الصبار اللي كايحتافظ بما ديال الشتا فالساق ديالو وكينتفخ، وإذا نشف الما كيتقلص وكينكمش.

وبعض النباتات كاتبقى زاهية شوية بعد ما تسالي الشتا، حيث مخزنة الما فالأوراق والجذوع ديالها. الأوراق كتستهلك بزاف ديال الما، فإذا طاحو الأوراق كيتبقى الما متوفر للجذع. وكاين أشجار عندها أوراق صغار بزاف، ما كاستهلكوش إلا شوية ديال الما اللي فالجذع، وكتقدر تبقى خضرا بين جوج مواسم ديال الشتا.

ومن بعد ما كاتطيح الشتا، كاتتفتح الزهور بألوان زوينة وكاتخضر الأشجار، وكاتولي الصحرا مناظرها زوينة بزاف، ولكن ما كاتطولش بزاف حتى كاتذبل الزهور ملي كاتحبس الشتا.

الصبار

الأشواك ديال نبات الصبار كتلعب دور بحال السياج ديال السلك الشائك، كتحمي النبتة وما كتخليش بزاف ديال الحيوانات يقربو ياكلو منها. ومن بين أنواع الصبار كاين "السجوار" (saguaro) اللي هو أطول نوع فالصبار، وكيقدر يوصل حتى لـ 12 متر فالعُلو، يعني كثر من ارتفاع ربعة جمال واقفين فوق بعضهم.

وكاين أنواع خرة من الصبار ما عندهاش أشواك، ولكن كاتستعمل أسلوب التمويه باش ما تجلبش نتيباه الحيوانات، بحال "الصبار الحجري" اللي كيشبه الحصى بزاف حتى ما كتفرقش بينهم بسهولة.

الحيوانات الصحراوية

الحيوانات اللي كاتعيش فالصحرا كتضم بزاف ديال الحشرات، العناكب، الزواحف، الطيور وحتى الثدييات. ومن بعد ما كاتطيح الشتا، كاتجي حتى حيوانات برية بحال الأيائل. أمّا الحيوانات الكبار، كاتقضي النهار فالأماكن اللي فيها الضّو قليل باش تبرد جسمها، والما كيتبخر من فوق جلودها وكيتعوّض بالما اللي كاتاخدو من الماكلة اللي كاتاكل، وزيد عليها الما اللي ممكن تلقاه فشي منخفضات. حتى الهضم كيصيفط الما لجسم بعض الحيوانات بحال الجمال، اللي كيستافدو بزاف من هاد المصدر، وكيقدرو يعيشو شهور بلا ما يشربو.

الجمل عندو حتى مصدر آخر ديال الطاقة، اللي هو السنام ديالو، اللي عامر بالشحم، وكيقدر يعيش على هاد الطاقة إلا نقص الما من جسمو. وحتى اليربوع والفأر الكنغري ما كيشربوش الما، حيت كيحصلو على كلشي اللي كايحتاجوه من الما من الحبوب والنباتات اللي كايكلو.

التطور والتغيير ديال الصحرا

الأرض الجافة في صحرا سونوران، سونورا، مكسيكو.

السقي كيوفّر الما الضروري باش تكبر المزروعات فالصحرا. ومشروع السقي فالصحرا الليبية كيعطي الفلاحة الفرصة يزرعو الفصفصة فأراضيهم. أغلب الأراضي الصحراوية كاينة ما بين خطي العرض 15° و 35° شمال وجنوب خط لإستواء، يعني فالمناطق ديال الضغط الجوي المرتفع، اللي كاتهب فيها الرياح باردة ومن بعد كاتسخن.

هاد المناطق ديال الضغط المرتفع كاتتكوّن من حركة الرياح فوق الأرض، حيت الهوا السخون كايجي من خط لإستواء وكايهب شمالاً وجنوباً. وكل ما طلع الهوا الفوق، كاتنقص الحرارة ديالو، وكيطيحو قطرات ديال الرطوبة فالمناطق اللي قريبة من خط لإستواء. ملي كيوصل الهوا لخط عرض 15° شمال أولا جنوب، كايهبط وكايسخن من جديد، وبهاذ الطريقة كتوقع حالة الجفاف فالصحرا.

وحتى المناطق اللي كاتفصلها الجبال على شاطئ البحر كتميل حتى هي للجفاف، حيت الرياح اللي كاتجي من البحر كتفقد الرطوبة ديالها ملي كاتطلع فوق القمم، فكاتبرد، ومن بعد كاتهبط من جهة سفوح الجبال نحو الداخل، وكل ما هبطات كاتسخن، وبهاذ الشكل كاتولي ناشفة.

ومن هاد الهوا السخون والناشف كيتكوّن ما كايسمّيوه "ظل الشتا"، وهي منطقة جافة. وكايظنو العولاما بلي الصحرا اللي فـ أمريكا الشمالية كانت أصلها مناطق كيفها قبل آلاف السنين، ومن داك الوقت البعيد ما تبدّل حتى شي عامل طبيعي من اللي كايكوّنو الصحرا.