صالح حشاد
صالح حشاد
| ||
 | ||
صالح حشاد ب لبسة د طيران | ||
| معلومات عامة | ||
| زيادة | 1938 أولاد ايعيش | |
| لموت | 14 شتنبر 2025 (86/87 عام) قنيطرة | |
| لجنسية | لمغريب | |
| لبلاد | لمغريب | |
| لحرفة | طيار مقاتل و پيلوط | |
| لّوغات لي كيعرف | لفرانساوية، نڭليزية و عربية | |
| لعسكر | ||
| لڭراد | قائد سرب | |
صالح حشاد (1938 – 14 شتنبر 2025) هوّ طيار عسكري مغريبي، كان هاز رتبة رائد (قائد سرب) و كايتعتابر من لـپيلوطات لـمغاربة لّولين لي تخرجوا ف هاد لـمجال. كايوصفوه شي دارسين ف لمغريب بلي هوّ واحد من أحسن و أبرع لـطيارين لي دازو فـ تاريخ لبلاد. بـقا مجهول ف لبلاد ديالو لـ سنوات طويلة بـ سباب لِرتِباط د سّمية ديالو بـ محاولة إنقيلاب أوفقير على لـملك الحسن الثاني.[1]
تزاد صالح حشاد فـ عام 1938 فـ دوار أولاد إيعيش تابع لـ إقليم بني ملال فـ لمغريب. عاود ف لبرناموج د "شاهد على العصر" بلي ملي كان دري صغير، نجا ب معجزة من طيارة حربية لـعسكر لـفرانساوي كانت كاتضرب ب لـمدافع رّشاشة فـ خريبكة، و من داك نّهار قرر باش يولي طيار.[2]
دخل لـ "لمدرسة لـملكية لـجوية" فـ مراكش فـ فبراير 1957، و كمل قرايتو د طيران لـحربي فـ فرانسا عام 1959.
كان حشاد من لـطيارين لي صاݣو طيارات "لميݣ" (MiG) لي عطاهوم لإتحاد سّوڤياتي لـ لمغريب فـ 1960. موراها تصيفط لـ لميريكان باش يتدرب على طيارات "إف 5" فـ قاعدة "فنس إيرفورس" فـ أوكلاهوما و تخرج هوّ لّول فـ لـفرقة ديالو عام 1967. فـ 1968 عاود قرا أحدث تّقنيات فـ "قاعدة مونتغمري" فـ ألاباما، و كان هوّ لـپيلوط لـوحيد لي ماشي ميريكاني لي شارك بـ طيارتو فـ حفلة تّخرج بـ سباب لـمهارة ديالو.[3]
فـ 16 غشت 1972، كان حشاد هوّ قائد سّرب لي خرج باش يرافق طيارة لـملك الحسن الثاني. فـ هاد لعملية، تلاتة د لـپيلوطات لي كانو معاه ضربو طيارة لـملك ب لـمدافع. نجا لـملك من ديك لمحاولة لي قادها لـجنرال محمد أوفقير، و تـقبض على صالح حشاد و تـحكم عليه بـ 20 عام د لـحبس، دوز منها 18 عام فـ سجن تزمامارت سّيري.
من 1973 تال 1991، كان حشاد معتقل فـ تزمامارت. عاود صـاحبو فـ لِعتقال أحمد المرزوقي بلي فـ 1979، قدر حشاد و لـپيلوط مبارك طّويل يتواصلوا بـ لـخـبية مع لـعيالات ديالهوم باش يوصل ليهم دّوا.[4] و دكر جيريمي هاردينغ بلي مرتو "عايدة"، لي كانت صيدلانية، قدرت توصل ليه دّوا فـ لـحبس.[5]
توفى صالح حشاد نهار لـحد 14 شتنبر 2025 فـ مدينة لقنيطرة على عمر ناهز 87 عام.
- ↑ "صالح حشاد.. محاولة انقلاب أوفقير وسجن تزمامارت ج10 والأخير". الجزيرة نت (ب العربية). 2009-07-16. Retrieved 2024-04-29.
- ↑ "صالح حشاد - حوارات أحمد منصور". ahmedmansour.com (ب العربية). Retrieved 2026-03-15.[ليان مهرس ديما]
- ↑ "صالح حشاد.. محاولة انقلاب أوفقير وسجن تزمامارت ج1". الجزيرة نت (ب العربية). 2009-05-06. Retrieved 2024-04-29.
- ↑ Maghraoui, Abdeslam (2015-09-01). "The Moroccan Non-Exception: A Conversation with Ahmed Marzouki". Jadaliyya. Retrieved 2026-03-15.
- ↑ Harding, Jeremy (2022-02-10). "You're with your king". London Review of Books. Retrieved 2026-03-15.
