صالح الباشا
صالح الباشا
| ||
 | ||
| معلومات عامة | ||
| زيادة | 1965 إقليم الصويرة | |
| لموت | 16 يوليوز 2025 (59/60 عام) الدرارگة | |
| لجنسية | لمغريب | |
| لبلاد | لمغريب | |
| لحرفة | مغني و شاعير | |
| لّوغات لي كيعرف | تاشلحيت و عربية | |
| معلومات خرى | ||
| دين | إسلام | |
| لألة | صوت | |
| تأتر ب | الرايس مبارك أيسار | |
صالح الباشا (1965 - 15 يوليوز 2025) هوّ فنان ورايس أمازيغي مغريبي، كايـتـعـتـابر من رّموز د موسيقى الروايس و لـأغنية لـأمازيغية لـمعاصرة. تـشهر بـ لـقصائد ديالو و بـ لـعزف على آلة لـرباب.[1]
تـزاد صالح الباشا فـ عام 1965 فـ دوار إدوكرض بـ إقليم الصويرة. فـ صـغرو، كانت عندو ميول قـوية لـ لـموسيقى و لـ فن، و خـلاتو يـسمح فـ لـقراية باش يـتـفرغ لـ لـكتابة د لـأشعار و لـموسيقى د لـروايس. فـ واحد لـفترة من حياتو، حـفظ لـقرآن و خدم "فـقيه" فـ واحد لـجامع فـ منطقة "أسيف نايت هارون". هاد لـخلفية لـدينية بـان تّـأثير ديالها فـ لـقوة د لـكلمات و لـقصائد لي كان كايـكتب.[2]
قبل ما يـبدا يـغني بـ راسو، كان الباشا كايـألف لـقصائد لـ كـبار لـروايس، بحال **العربي أحيحي** و **رشيد إتري**، و بزاف د لـمجموعات لـغنائية لـأمازيغية.[3]
بدا صالح الباشا لـمسار لـفني ديالو بـ تشجيع من لـأصدقاء ديالو، و كان مـتـأتر بـ لـمدرسة د لـرايس لـكبير **مبارك أيسار**. فـ عام 1996، صـدر أول شريط لـيه (كـاسيط)، و موراها نـتج كـتـر من 14 ألبوم و 4 د لـ ڤيديو كليبات (أشرطة مصورة) لي عرفوا إقـبال كـبير فـ سّوق.
فـ 2016، تـعرض لـ نـتقادات بـ سباب تّـرشح ديالو لـ لِنتخابات تّشريعية، حيت كاين لي شاف بلي لـفن و سّـياسة ما خاصهمش يـتـجـمعوا. و فـ نـفس لِإطار تّـوثيقي، صـدر لـباحت **حسن هموش** كـتاب كايـهضر فيه على تّـجربة د صالح الباشا كـ رمز من رموز لـموسيقى لـأمازيغية لـحـديتة.
توفى صالح الباشا نهار 15 يوليوز 2025 فـ صّـبـطار لـجهوي "حسن الثاني" فـ أكادير، مورا مـعاناة طـويـلة مع لـمرض لي خـلاتو يـغـبر على لـخشبة فـ شـهورو لّـخرة.[4]
تـدفن فـ مـسـقـط رـأسو فـ دوار إدوكرض بـ إقليم الصويرة فـ جنازة مـهيـبـة حـضـروا ليها فنانين و مـسؤولين و مـحـبـين د لـفن د تـرويـسا.[5]
- ↑ "وفاة الفنان الأمازيغي صالح الباشا". SNRT News. 2025-07-15.
- ↑ "وفاة الرايس صالح الباشا فـ مدينة أكادير". Le360. 2025-07-15.
- ↑ "وفاة صالح الباشا تحزن الأوساط الفنية". Hespress. 2025-07-15.
- ↑ "جنازة مهيبة لـ لـرايس صالح الباشا بـ إقليم الصويرة". Agadir TV. 2025-07-16.
- ↑ "رحيل أيقونة الأغنية الأمازيغية صالح الباشا". اليوم 24. 2025-07-15.
