شعب الشامورو
شعب الشامورو
| ||
 | ||
| منتاميين ل | شعوب أسترونيزية | |
| شحال دالسكان | 147,798 (2010) | |
| أصليين ف | غوام جزر ماريانا الشمالية | |
| اللوغات لأصلية | لغة تشاموروية نڭليزية | |
| لأديان | كاطوليكية | |
شعب الشامورو أولّا تشامورو (بالنݣليزية: Chamorro people)[1][2] هوما شعب أصلي ليوما فݣزاير ماريانا الشمالية وݣوام[3] وكانت عندهوم علاقات مزيانة مع ناس وشعوب خرة فݣزاير خرين فلمحيط لمهدن بحال ميكرونيزيا (ويلاية ياپ) وإندونيسيا والسكان لأصليين تاع طايوان. جاو هاد الناس للبلايص اللي كاينين فيها ليوم تقريبا ف 2000 قبل لميلاد. لعدد ديالهوم ليوما بحساب ليحصاء د 2010 هو 147 ألف و798.[4]
السمية ديال الشعب جات من اللقب اللي كايتعطى للطبقة لحاكمة عليهوم.[5] شحال هادي، الشعب كان كايعطي التربية لخوت لمرة (لخوال) اللي عندهوم دور مهم كتر من لوالد.[6][7] فلفلاحة، لمستعمرين الصبليون ردو لبال باللي شعب تشامورو كانت عندو فلاحة متبعة لقمر، حيتاش كانو متلا كايزرعو لبطاطة لحلوّة فلوقت اللي كاتكون لݣمرة كاملة ولعلو دلبحر هابط.[8] هاد الناس عرفو الروز وكانوا كايزرعوه من ما قبل التاريخ.[9] بالنسبة لهاد الناس، لأرض تخلقات بسباب بنت ودرية خوت توام: پونتان و فوؤونيا.[10]
لمحاكة مع شعوب خرين بحال الصبليون، لمكسيك، لميريكان، الجاپون ولفيليپين خلات التقافة ديال شعب الشامورو تتأتر بزاف. ليوما واخا كاينين شي وحدين اللي باقين شادين فلمعتقدات ديالهوم لقدام، لأغلبية ولات على لمسيحية لكاطوليكية.[11] كاين واحد لعدد ديال الناس اللي كاينين فلعسكر ديال لميريكان من لأصول ديال الشامورو، فݣوام 14 من كولّا 10000 واحد داخلين للعسكر، كتر من لويلاية لميريكانية د مونطانا اللي كايدخل من سكانها غير 8 من كولا 10000.[12] واخا هكاك الناس مازال محافضة على تقاليدها: الناس بقي شادة فلفيكرة ديال لفاميلة لكبيرة ولعشيرة اللي الشجرة ديالها جاية من شي جدة قديمة. بزاف ديال لأمراض بحال السكر ولمرض د لقلب طلعات النسب ديالهوم مابين هاد الشعب.[13] واخا هكاك كاينين ناس اللي مازال كايحتارمو السوروهانو، اللي هوما الطبّة اللي عندهوم علم كتير بلعشوب تاع الدوا.
- ↑ "Chamorro definition and meaning – Collins English Dictionary". www.collinsdictionary.com. Archived from the original on 2019-08-18. Retrieved 25 مارس 2018.
- ↑ "Chamorro". dictionary.com. Archived from the original on 2023-10-15. Retrieved 9 دجنبر 2019.
- ↑ The Puerto Rico and Insular Areas (Archived copy) www.census.gov
- ↑ "The Native Hawaiian and Other Pacific Islander Population: 2010" (PDF). census.gov. US Census Bureau. Archived (PDF) from the original on 2021-12-30. Retrieved 11 غشت 2017.
- ↑ Lujan Bevacqua, Michael. "Ancient Chamorro castes". Mampolitiku: Politics. Guampedia. Archived from the original on 2023-10-15. Retrieved 19 يونيو 2012.
- ↑ Pereda, Nathalie. "Distribution of authority". Che’lu/Mañe’lu: Siblings. Guampedia. Archived from the original on 2018-01-19. Retrieved 19 يونيو 2012.
- ↑ Cunningham, Lawrence (1992). Ancient Chamorro Society. Honolulu, Hawaii: Bess Press, Inc. p. 229. ISBN 1-880188-05-8.
- ↑ Wuerch, William L.; Ballendorf, Dirk Anthony (1994). Historical Dictionary of Guam and Micronesia. Metuchen, NJ: Scarecrow Press. pp. 12–13. ISBN 0810828588.
- ↑ Tolentino, Dominica. "Ancient Chamorro Use of Rice". Guampedia. Archived from the original on 2023-09-28. Retrieved 18 ماي 2013.
- ↑ Hattori, Anne Perez (23 شتنبر 2016). "Folktale: Puntan and Fu'una: Gods of Creation". Guampedia. Archived from the original on 2023-08-01. Retrieved 28 ماي 2016.
- ↑ "Northern Mariana Islands Travel – Guides & Reviews – Travel Library". Travel-library.com. Archived from the original on 2011-02-24. Retrieved 2011-02-20.
- ↑ "Total Military Recruits: Army, Navy, Air Force (per capita) (most recent) by state". StateMaster.com. 2010. Archived from the original on 2020-02-12. Retrieved 2010-05-25.
- ↑ Durand; et al. (1997). "Diabetes in the indigenous population of the Commonwealth of the Northern Mariana Islands". Asia-Pac J Public Health. 9: 28–32. doi:10.1177/101053959700900106. PMID 10050196. S2CID 38598444.
