سايلنت هيل (فيلم)

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

سايلنت هيل
معلومات عامة
لعنوان لأصلي	Silent Hill
نوع د لفيلم	فيلم د لخلعة، أفلام الوحوش، رعب نفسي و فلم خيال
تاريخ د نّشر	21 أبريل 2006
شركة د لإنتاج	Davis Films
شركة د توزيع	تري ستار بيكتشرز و نتفليكس
لموساهمين
لمخرج	كريستوف غانز
سيناريست	Roger Avary و كريستوف غانز
مونتيج تنفيدي	أكيرا ياماوكا
مودير د تّصوير	دان لاستسين
مونتيج	صمويل حديدا و Don Carmody
مومتيلين	رادها ميتشيل، شون بين، لوري هولدين، ديبورا كارا أنجر، كيم كوتس، تانيا ألين، أليس كريج و جوديل فيرلاند
معلومات إضافية
لموقع الرسمي	http://www.welcometosilenthill.com/

سيلنت هيل (ب نّݣليزية: Silent Hill، يعني "لكدية الصاقلة") هو فيلم ديال رعب تنتج عام 2006 من الإخراج ديال كريستوف غانس. ومبطولة ديال رادا ميتشل، شون بين، و لوري هولدين. الفيلم تقتابس من لعبة بنفس سمية تصور فيلم ف جوح مدون برانتفورد و هاملتون، ف مقاطعة أونتاريو، كانادا.

لقصة

مقداتش روز تقبل حقيقة بلي بنتها لمتبنية شارون كتعاني بشدة من مرض غريب. وبسباب ضغوطات زوجية لكتعاني منها روز خرجات من الدار مع بنتها، باش تلقا حل وعلاج لمرض بنتها لغريب. وهادشي من خلال السفر لبلاصة لتزادت فيها شارون ولكترسمها بزاف. وهي غادية فطريق كتلاقا ببوليسية بواحد لبلدة هاد بوليسية لكتشك فروز،. كتدخل روز وبنتها لمدينة سايلنت هيل المهجورة. من مورا حادثة سير كتفيق روز ومكتلقاش بنتها شارون فسايلنت هيل، فكضطر تقلب عليها فالمدينة. كتكتشف روز أن المدينة لا مكتشبه حتى مكان مشات ليه، فهي مأهولة بمخلوقات غريبة مليئة وشرور. وباقي البشر فهاد المدينة كيخوضو معارك خاسرة ضد الشر فالمدينة. بوليسية تا هي كتكون دخلات المدينة وكتوعد روز باش ترجع ليها بنتها شارون من مورا ما حسات بأن روز مجرد أم وماشي محل شك مورا معرفات حقيقية المدينة. وخلال البحث على شارون كتعرف روز أن بنتها قطعة من القطع الغامضة لهاد المدينة لغريبة.

طاقم التمثيل

• رادها ميتشل بدور ديال روز داسيلفا، أم يائسة باغية تلقا علاج لبنتها شارون من خلال السفر ل مدينة الأشباح سايلنت هيل.
• شون بين بدور كريستوفر داسيلفا، أب شارون بتبني وراجل روز لكيعارض قرار زوجة ديالو بالبحث على إجابات في سايلنت هيل.
• لوري هولدن بدور سيبل بينيت، بوليسية من فيلاج براهامز، كتشك فروز وكتبعها لسايلنت هيل.
• ديبورا كارا أنجر بدور داليا جيلسبي، أم أليسا لكتجول فالبُعد الضبابي ككفارة من مورا مسلمات بنتها للتضحية.
• كيم كوتس بدور بوليسي توماس غوتشي، ضابط شرطة فبراهامز. وخدم شحال هادي فقوة البوليس ديال سايلنت هيل.
• تانيا ألين بدور آنا، أصغر أعضاء طائفة "لخوت" (Brethren)، تولدات فالبُعد الضبابي دالمدينة.
• أليس كريج بدور كريستابيلا، خالة أليسا والكاهنة العليا لمتعصبة ديال "لخوت"، كتقوم بحرق لكتعتبرهوم "سحارة" باش تمنع يوم القيامة.
• جوديل فيرلاند بدور:
  • شارون داسيلفا، لبنت لمتبناة لروز وكريستوفر، وتجسيد ديال براءة أليسا.
  • أليسا جيلسبي، طفلة بقدرات ميتافيزيقية تولدت خارج إطار الزواج، وتعرضت بعاد سبب للاضطهاد وحرقوها.
  • أليسا المظلمة، تجسيد ديال غضب أليسا بسباب لمعاناة ديالها.
• لوري آيرز بدور أليسا جيلسبي البالغة، ولي بقات حية لمدة 30 عام فقبو لمستشفى.
• إيف كروفورد بدور الأخت مارغريت، مديرة دار الأيتام ليتم فيها تبني شارون.
• نيكي غواداغني بدور إليانور، أم آنا.
• كريس بريتون بدور آدم، واحد من أعضاء لخوت.
• روبرتو كامبانيلا بدور:
  • لهرم احمر، وحش كبير كيلبس خوذة هرمية وكيهز سيف كبير.
  • كولين بواب دلمدرسة لقرات فيها اليسا وكيمثل كذلك نسخة لوحش منو لبان فمشهد ديال مرحاض دلمدراسة.
• إميلي لينهام بدور ليزا غارلاند، ممرضة استرقت شوفان لخيمة دالعزل دأليسا المحروقة بالمستشفى. و بسباب هادشي، تعرضات للعقاب و من أليسا و تشوه وجهها، و تحولات لوحش.