سيستيم ميتري
السيستيم لميتري (ب النڭليزية metric system) هوّ سيستيم د لعبرات لي كيوحّد لعبرات لأساسيين و السميات لي كيتخدّمو ف وصف مقادير كبار و صغار ب تخدام سيستيم عشري ضربي ف لمزيودات ديال لعبرات (سانتي-، ميلي-، كيلو-، هيكطو-، و زيد و زيد). وخا لقواعد لي كيحكمو السيستيم لميتري تبدّلو معا لوقت، التعريف لعصري ديالو، السيستيم لعالمي د لعبرات، كيحدد لمسبّقات لميترية و 7 د لعبرات لأساسيين: لميترو (m)، لكيلوڭرام (kg)، التانية (s)، لأمپير (A)، لكيلڤين (K)، لمول (mol) و لقنديلة (cd).[1]
لعبرات لمشتقين ف السيستيم لعالمي هوما عبرات كيدمجو لعبرات لأساسيين، بحال لهيرتز (عدد الدورات ف التانية)، النيوتن (kg⋅m/s2)، الطيسلا (kg⋅s−2⋅A−1) و ف لحالة ديال السيلسيوس سلّوم د لعبار مبازي على لكيلڤين ولايني مبدّلة فيه الدرجة 0 ب لإزاحة. بعض لعبرات منهم مقبولين بشكل رسمي باش يتخدمو ف السيستيم لعالمي. كاين منهم لي عندو مضاعفات ولّا تقسيمات عشرية، بحال لإيطرو و لإليكطرون-ڤولط و كيتّعتابرو "ميتريين". وحدين خرين بحال لعبرة لفلكية ماشي مقبولين. كاينين عبرات ديال الزمان ماشي ميتريين، ولايني مقبولين ف السيستيم لعالمي، بحال الدقيقة، الساعة لي لباز ديالهم هيّ 60 ماشي 10. بنفس الشكل، لعبرات ديال لقنيتات ف لماط، بحال الدرجة، الدقيقة و التانية د لقوس تا هوما مقبولين.
السيستيم لعالمي تفرّع من السيستيم لقديم ديال لميترو، لكيلوڭرام و التانية (MKS)، ولايني التعاريف ديال لعبرات تطورو معا لوقت. جيع لعبرات لأساسيين دابا معرّفين ب تابتات د لفيزيك، ماشي ب ڭسدات حقيقيين كيما كانت لقضية شحال هادي.
كاينين سيستيمات خرين بحال السيستيم د سنتيميتر، ڭرام، تانية، السيستيم د ميترو، طن، تانية، و السيستيم لميتري الجابدي. لبعض منهم باقي مخدم ف سياقات محدودين.
| مسبّقة | رشمة | عامل | قوة |
|---|---|---|---|
| طيرا- | T | 1000000000000 | 1012 |
| جيڭا- | G | 1000000000 | 109 |
| ميڭا- | M | 1000000 | 106 |
| كيلو- | k | 1000 | 103 |
| هيكطو- | h | 100 | 102 |
| ديكا- | da | 10 | 101 |
| (والو) | (والو) | 1 | 100 |
| ديسي- | d | 0.1 | 10−1 |
| سانتي- | c | 0.01 | 10−2 |
| ميلي- | m | 0.001 | 10−3 |
| ميكرو- | μ | 0.000001 | 10−6 |
| نانو- | n | 0.000000001 | 10−9 |
| پيكو- | p | 0.000000000001 | 10−12 |
- ↑ "The International System of Units (SI), 9th Edition" (PDF). Bureau International des Poids et Mesures. 2019. Archived (PDF) from the original on 2019-05-30.
