سيستيم د الرينين-أنجيوطونسين-ألدوستيرون
سيستيم د الرينين-أنجيوطونسين-ألدوستيرون
| ||
| معلومات عامة | ||
| نوع | جهاز الغدد الصماء، subdivision of endocrine system و كيان تشريحي معين | |
سيستيم الرينين-انجيوطونسين-ألدوستيرون، اللي كيتسمّا تا RAAS (Renin Angiotensin Aldosterone System) ،هو واحد السيستيم هورموني موهيم فالفيزيولوجي ديال بنادم و البزوليات بصفة عامة، لهدف ديالو هو يشد لعبار ديال الطونسيو فالدم والتوازن بين لكمية دالملحة ولما فلبلازما، فهو اللي كايطلع لينا الطانسيو فحالة ماطاحت لينا[1].
سيستيم RAAS كايتكون من تلاتة ديال الهرمونات:
•الرينين: هادي واحد الأنزيم كاينتجوها لكلاوي من طرف لخلايا الزريعية اللي كاينة فالجهاز اللي حدا لݣلوميريلان ديال النيفرو ، الدور ديالها هو انها كاتفرع الأنجيوطونسينوجين(بروتين كاتنتجو لكبدة) ل أنجيوطونسين 1.
الرينين مكاتسيكريطاش غير هكاك مي خاصها أسباب ، واللي اهمها هو الهبيط ديال الطانسيو الي كايديتيكتيوه مستقبلات ميكانيكية سميتها خلايا اللاسي اللي مقابلة معا الأرطيريول الماجية، اولا لهبيط ديال لكونصونطراسيو ديال لملحة(الصوديوم +Na) فالدم و اللي كايديتيكتيوه خلايا لبقعة لكثيفة Macula Densa ديال التيو الملوي البعيد TCD.
رد لبال : لاكسيو ديال الرينين ماشي ديريكت.
•لونجيوطونسين 2: هاد لبروتين مكاتكونش خدامة فلحالة الطبيعية حيت كاتكون على شكل أونجيوطونسينوجين حتا كاتآكتيفيها الرينين للونجيوطونسين 1، ومن بعدها خاص بروتين خرا اللي تآكتيفيها للمرة التانية -فالريا هاد لمرة- واللي سميتها "لونزيم لمحويلة للونجيوطونسين ACE"، دونك كايولي عندنا لبروتين واجد.
- شنو كادير هاد لونجيوطونسينوجين 2 ؟
لونجيوطونسينوجين 2 عندها بزاف ديال ليزاكسيو أهمها: كاتآكتيفي لينا لالدوسطيرون و كاتزيّر لأوعية باش طلع الضغط ديال الدم.
•لالدوسطيرون: هادا هورمون كاتنتجو لقشرة ديال لغدة فوق لكلوية مورا ماتنغزها لونجيوطونسين 2 ، الدور ديالها هو أنها كاتشجع الما باش يبقا فالدورة الدموية وكاطلع لمعاودة دشريب دالملحة من البولة اللولانية على مستوى النيفرو باش ترجع للدم، و بهاكا كاطلع نسبة لملحة فالدم وبالتالي كاطلع الطونسيو.
واحد لهرمون كادير لعكس دلخدمة دهاد السيستيم، واللي سميتها لبراديكينين اللي حتاهيا كاينتجوها لكلاوي، و لهدف ديالها هو كاتوسع لعروق و كاتهبط لمعاودة دشريب ديال لملحة ولما من البولة اللولانية للدم دونك كاتهبط الطانسيو.
ملخر، فهاد السيستيم كايتدخلو ربعة دلْعْضَا : لكلوة، الرية، لكبدة و لݣلونضة فوقكلوية .
• الناس اللي طالعا ليهوم الطانسيو(بلعربية: ارتفاع الضغط الدموي، بلفرونسي: hypertension artérielle) ماخاصهومش ياكلو الملحة حيت كاطلّع الطانسيو.
•الناس اللي عندهوم الفشل الكلوي(كايديرو الدياليز) عندهوم هاد السيستيم خاسر حيت الكلوة مكاتقدرش تنتج لينا الرينين وبالتالي الطونسيو كاتكون عندهوم طايحة و يقدرو يطيحو كوما بسبابها حيت الدم مكايقدرش يوصل بكمية كافية لدماغ ولا للمنطقة اللبية ديال لكلوة هاد جوج أعضاء حساسين بزاف للنقص ديال لوكسيجين.
- ↑ Mckinley (2014). Anatomie et physiologie (ب الفرنسية). chenelière éducation.
 |
ويكيميديا كومنز عندا تصاور و معلومات على سيستيم د الرينين-أنجيوطونسين-ألدوستيرون. |