سوق لاربع
سوق لاربع
| ||||
|
سوق الأربعاء الغرب (ar) | ||||
 | ||||
| لبلاصة | ||||
| لبلاد | لمغريب | |||
| لإقليم | إقليم لقنيطرة | |||
| السكان | ||||
| شحال دالسكان | 70,894 (2024) | |||
| شحال دلفاميلات | 14,268 (2014) | |||
| لجغرافيا | ||||
| لعلو | 37 م | |||
| معلومات خرين | ||||
| الرمز لجغرافي | 6546900 | |||
سوق لاربع مدينة مغريبية كاينة ف إقليم قنيطرة، جهة رّباط سلا قنيطرة، ساكنين فيها 70,894 واحد، على حساب لإحصاء لعام 2024.[1]
سوق لاربع تقدر تكون بدات ك ڤيلاج صغير أو سوق د لعروبية من لفترة لقديمة، رّومانية أو لا حتا لقبل رومانية.[2] مي لمدينة لي كانعرفو دابا أسسوها لفرانسيس ف فترة لحماية.[3] من بين لبقايا د لفترة رّومانية لي كانو تّلقاو حدا سوق لاربع، كاينين جوج نقيشات ݣنايزية، شي تماتيل د لبرونز أو طراف مهرسين، شقوفا د لفلوس، بزاف د طّروفا د لفخار، أو تيݣولات (طوبات مفلطحين كيتدارو ف لبني ديال سّقف ديال دار) مكتوب فوق منهوم ب لّاتينية سّمية ديال مدينت ݣيلدا.[4]
هاد لكتيشاف لّخر كان خلا بزاف يعتاقدو بلي سوق لاربع هيّا نيت هاد لمدينة لقديمة، لي كانت غالبا لعاصيمة د مملكة موريطانية قبل من وليلي، ولاكين هاد لفرضية مابقاتش قوية بعد لكتيشافات لي تدارو ف ريغة.[5]
سوق لاربع كتّعتابر مدينة مغريبية و جماعة ترابية حضرية.
- نسبة لأمية (نّاس لّي ما كايعرفوش يقراو ولا يكتبو) : 33%.
- نسبة سّكان لّي قاريين فوق الليسي (ليسي و جامعة): 14,5%.
- نسبة نّاس نّشيطين (لّي يقدرو يخدمو): 47,4%
- نسبة لبطالة (نّاس لّي ما خدامينش و تايقلبو على خدمة): 18,3%
- نسبة نّاس لّي خدامين ف دّولة (ولا لبيطاليين لّي سبق ليهوم خدمو): 10,4%
- نسبة نّاس لّي خدامين ف لپريڤي (ولا لبيطاليين لي سبق ليهوم خدمو):41,5%
سوق لاربع مدينة مغربية كاينة في لجزء شمالي لغربي للمملكة، بإقليم لقنيطرة تابع لجهة رباط سلا لقنيطرة. بعيد على لعاصمة رباط بحوالي 110 كيلومتر، وعن مدينة لقنيطرة ب 70 كيلومتر، وهي ملتقى بزاف ديال طرق، حيث كتربط بين شمال لمغرب ف تجاه طنجة أو لوسط دياله ف تجاه لقنيطرة أو رباط أو من شرقه ف تجاه مدينة مكناس وفاس، أو كانت فيما مضى عبارة عن ضاية كبيرة من لما، كتمتد لكيلومترات، أو تم تجفيفها أو تنشيفها واستغلالها في زراعة. بلغ عدد سكان ديالها43,392 نسمة (حسب إحصاء سنة 2004).
كتعتمد أساسا ف لأنشطة ديالها لاقتيصادية على زراعة وتربية لمواشي وبعض نشاطات تجارية لهامشية لمرتبطة كلها ب زراعة..عموما قتيصاد لمدينة هش أو ضعيف، حيت ماكاينش لمشاريع لي تحتوي لموارد لبشرية لمهمة لي كتميز بها لمدينة.
حي بدر، أو حي هند، أو حي سلام، أو لحي جديد (لبام)،أو لحي صناعي (أو دراكاج)، أو حي لفتح، أو حي أولاد حماد، أو حي تقدم، أو حي كريز ب لإضافة إلى وسط لمدينة، أو حي زيز، أو حي سياح،أوحي ظهر لحرش، أو كذا حي ولاد بن سبع لّي لحق مؤخرا ب لمجال لحضري (حي كليطو حي أولاد جلول حي تفوتية حي أظهر لحرش حلالة لعظمى).
تحتوي لمدينة على ما يربو على 11 مدرسة. مدرسة لحي لجديد مدرسة سعديين مدرسة حي سلام 2 لموجودة ف حي هند مدرسة حي السلام حي سلام مدرسة لحي لإداري مدرسة ولاد بن سبع مدرسة ليمون مدرسة دريس لأزهر مدرسة سيدة زينب مدرسة لمرابطين مدرسة لموحديين تحتوي على 4 إعداديات إعدادية صلاح دين لأيوبي تأسسات في سبعينات إعدادية لغرب تأسسات في تسعينات إعدادية معاذ بن جبل في 2006 إعدادية بني مالك 2008 تحتوي على ثانويات تأهيليتة ثانوية سيدي عيسى ثانوية مولاي لحسن تأسسات في 2009 وتفتحات بيبانها عام 2010 /2011) ثانوية حي سلام (ثانوية جديدة تأسسات في 2020 وتفتحات بيبانها ف عام 2021)
لمناخ ديال لمنطقة متأثر ب لمحيط لأطلسي، وكيتميز بأنه معتدل وكيكون سخون نسبياً. تساقطات لمطرية، لّي كتوصل تقريباً لـ600 ملم ديال لما ف لعام، كطيح تقريباً غير ف فصل شتا. وعلى مستوى حوض واد سبو كامل، ف لأمطار ما كتكونش متوزعة ب تساوي، حيث كيتقسم لعام لجوج ديال لفصول:
لفصل رطب: كيبدا من أكتوبر حتى لماي، وفيه كتنزل تقريباً 90٪ من مجموع تساقطات سنوية. لفصل لجاف: كيبدا من يونيو حتى لشتنبر، وفيه ما كيتسجلو غير حوالي 10٪ من مجموع تساقطات سنوية.
حسب لإحصائيات رّسمية، عرف عدد سكان تطور باين عبر سنوات:
سنة 1994: بلغ عدد سكان 37.216 نسمة. سنة 2004: وصل عدد سكان لـ43.392 نسمة. سنة 2014: ارتفع عدد سكان حتى لـ69.265 نسمة.
- ↑ "RGPH 2014 - Site HCP". Archived from the original on 2023-07-02. Retrieved 2020-08-22.
- ↑ "لإنسايكلوپيديا لأمازيغية، بابّا" (ب الفرنسية). doi:10.4000/encyclopedieberbere.1240.
{{cite journal}}: Cite journal requires|journal=(معاونة) - ↑ محي الدين الشاوي (2002). "Les nundinae dans les grands domaines en Afrique du Nord à l'époque romaine". Antiquités africaines. doi:10.3406/antaf.2002.1374.
{{cite journal}}: Cite journal requires|journal=(معاونة) - ↑ "واش ݣيلدا هيّا سوق لاربع؟" (ب الإنجليزية). Archived from the original on 2021-10-27. Retrieved 2021-10-27.
- ↑ "ريغة/ݣيلدا، لينساپ". لينساپ (ب الفرنسية). Archived from the original on 2021-10-27. Retrieved 2021-10-27.
 |
ويكيميديا كومنز عندا تصاور و معلومات على سوق لاربع. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
