سورة البقرة

سورة البقرة
لمعنى ديال سمية	تسمّات السورة بهاد سمية حيت فيها قصة بݣرة
نمرة د سورة	2
عدد لآيات	286
عدد لكلمات	6144
عدد لحروف	26249
لجزء	1–3
نزول	مدنية
ترتيب ديال نزول	87
سورة لي قبل	سورة الفاتحة
سورة لي بعد	سورة آل عمران
التلاوة

سورة البقرة هي أطول سورة فـ لقرآن لكريم، فيها 286 آية، وهي سورة مدنية (يعني نزلات من بعد لهجرة ديال نبي محمد صلى الله عليه وسلم للمدينة). هاد سورة مهمة بزاف حيت فيها بزاف ديال دروس لي كتنظم حياة لمسلم، سواء فدين ؤلا فالحياة ليومية.

علاش تسْمّات سورة البقرة

تسمّات بهاد سميت بسبب قصة وقعات مع بني إسرائيل، ملي طلب منهم الله يذبحو بݣرة، ولكن بقاو كيسولو بزاف وكيعقّدو لأمور بدل ما يطيعو مباشرة. هاد لقصة كتعلمنا خاصنا نكونو ساهلين فطاعة أوامر الله وما نكثروش تعقيد.