سنوريات
سنوريات (Felidae) هي فاميلة ديال لبزوليات ف تنضيمة كارنيڤورات ، كايسميوهم ب شكل عامّي قطوط ولا مشاش. شي عضو من هاد لفاميلة كايعيّطو ليه عاوتاني سنور.[1][2][3][4]
سنوريات
| ||
| ||
| معلومات عامة | ||
| سمية لعيلمية | Felidae (يوهان غوتلف فيشر فون فالدهايم، 1817) | |
| لخاصية د ترتاب | فاميلة | |
| تابع ل | Feloidea | |
| لعيشة | ||
| عايش فلفترة | 25 ملاين دالسنين قبل لميلاد | |
| خصايصو | ||
| صوت لي كايدير | خرخرة | |
| لخاريطة ديال فين عايش لكائن | ||
| ||
ل41 نوع لي باقي من السنوريات كايورّيو التنواع لكبر ف نماط لفرو وسط ݣاع اللحايميات د لرض.[5] لقطوط عندهم مخالب كايتطواو، كسدات رقاق و عضليين و طراف قدّاميين فليكسيبل و مجهدين. سنانهم و لعضلات د وجههم كايخلّيوهم تكون عندهم عضة مجهدة. هوما كلهم لحايميين ملزومين، و جلهم كايكونو مفتارسين خلويين لي كايغفلو ولا كايتبعو فرايسهم. لقطوط لبريين موجودين ف إفريقيا، أوروپا، آسيا، و أمريكا الجنوبية و الشمالية. شي نواع من لقطوط لبريين مآضاپطيين معا لموايل لغابويين و الصاڤانا، و شي بيئات ݣاحلين، و شي شوية منهم عاوتاني تآضاپطاو معا لعيشة ف التيرّات لفازݣين و التيرات الجبليين. النماط د نشاطهم كايتفاوتو من النمط الليلي و لغسقي ل النمط النهاري، هادشي كايعوّل على نواع لفرايس لي كايخيّروهم.[6]
ريدجنلد إينيس پوكوك قسّم السنوريات لباقيين ل تلاتة د لفاميلات تحتانيين: النمريات، لمشيّات و لفهديات، و فرّزهم على بعضياتهم ب سباب التعضام (ossification) ديال السيسطيم اللامي و ب سباب لمغامد/الجوايات الجلديين لي كايحميو مخالبهم.[7] هاد لكونصيپط تعاود تراجع فيه من بعد الديڤلوپمو ف لبيولوجيا لموليكية و الطيكنيكات لمخدّمين ف تحليل الضونيات لمورفولوجيين. دابايا، السنوريات لعايشين مقسمين ل جوج فاميلات تحتانيين: النمريات و لمشيّات، أما لفهديات تدخّلو ف لفاميلة التحتانية اللخرة. النمريات كايجمعو خمسة د النواع من ݣنس پانطيرا/نمر و جوج من ݣنس نيوفيليس (مشيات جداد)، ف لوقيتة لي لمشيّات كايشملو ال34 نوع لي باقي ف 12 لݣنس.[8]
لقطوط اللولانيين برزو ف وقيت عصر لأوليݣوصين هادي 25 مليون عام، معا الضهور د پروآيلوروس و پسوديلوروس. لعقدة د النوع اللخر كانت سلفية ل جوج خطوط ساسيين د السنوريات: لقطوط لي ف لفاميلات التحتانيين لباقيين و واحد لݣروپ منقارض د سنوريات "سنان السيف" ف لفاميلة التحتانية سيفيات السنان (Machairodontinae)، لي تفاوتو من النوع لݣنسي سيفي السنان (Machairodus) د اللخر د لميوصين ل السميلوضون ديال عصر لپلايسطوصين. "سيفيات السنان لمزورين"، سنوريات لباربورو و النيمراڤيدات، ماشي قطوط د بصح بلحق قراب ليهم. هوما و السنوريات، الزباديات، زباديات النخل ليفريقيين، لفلنوكيات، الضبعيات، و النمسيات. كاملين بيهم كايشكلو سنوريات الشكل.[9]
.jpeg)
.jpg)
ݣاع لاعضاء ديال فاميلة لقطوط عندهم لخصايل الجايين ب شكل مشروك:
- هوما كفيين لمشية (digitigrade) و عندهم خمسة د الصبعان ف رجليهم لقداميين و ربعة ف رجليهم اللورانيين. مخالبهم لمقوسين كايكونو كايتجبّدو و لاصقين ف لعضم اللخر د الصبع هوما و الليݣاموات و الطونضوات. لمخالب مكاليين عليهم واحد لمغامد جلديين، هادشي عند لݣنوس كاملين من غير لفهديات.[10]
- التبطانات لكفيين لي ف الرجلين لقداميين و اللورانيين كايشكلو وسادات تلاتيين لفصوص مدكسين.[11]
- هوما كايجبّدو مخالبهم ب شكل آكتيڤ ب تكماش لعضلات ف الصبع،[6] و كايطويوهم ب شكل پاسيڤ. مخالب الندى (dewclaws) كايوساعو و لكن ماكايتجبّدوش.[12]
- هوما عندهم كسدات رشيقين و فليكسيبل ب طراف معضلين.[6]
- جماجمهم مقصرين (foreshortened) ب واحد لپروفيل ضاير و تقواسات كبار.[12]
- عندهم 30 سنّة ب تشكال سنّي د 3.1.3.13.1.2.1. الضرسة لقبلية لفوقانية التالتة و الضرسة التحتانية مآضاپطيين ب صيفتهم سنان لحايميين، لايقين ف تشراݣ و تقطاع اللحم.[11] النياب كايكونو عندهم كبار، و كايوصلو ل قد موعتابار ف سيفيات السنان لمنقارضين. السنان اللحايميين التحتانيين كايكونو صغر من لفوقانيين و فيهم واحد التاج ب جوج قمقومات مضغطين و مقمقمين بحال الزيزوار.[6]
- لساناتهم مغطيين ب حليّمات (papillae) بحال لݣرون لي كايكشّطو اللحم من لفريسة و كايعاونو ف لمداعبة (Grooming).[12]
- نيوفهم بارزين ب شويش من مور لفك التحتاني.[10]
- عينيهم كايكونو نسبياً كبار، محطوطين باش يمدّو الشوف الجاوجي (binocular vision). الشوف ديالهم ف الليل كايكون مزيان ب لأخص ب سباب لحضور ديال واحد الطاپيّة شفافة (tapetum lucidum)، لي كاتعكس الضو ف لداخل د كورة لعين، و كاتعطي ل عينين السنوريات واحد الشعا مفرّز. لحاصول د هادشي، عينين السنوريات كايكونو ستة د لمرّات حساسين ل الضو كتر من لي عند بنادم، و شلّا نواع كايكونو ليليين ب شكل جزئي علاقل. الشبكية د السنوريات فيها عاوتاني واحد لكمية زايدة ب شكل نسبي ديال لخلايا لعصويين (rod cells)، لي مآضاپطيين على ود تفراز لأوبجيات لمحرّكين ف الضوروف د الضو خافت، لي كايكمالو ب لحضور د لخلايا لمخروطيين (cone cells) على قبل لحسّان ب اللون فوقيت النهار.[6]
- عندهم سبولات (whiskers) مديڤلوپيين مزيان و حساسين ب زايد فوق لعينين، ف لحناك، و لقنوفة، بلحق ماكاينينش تحت من لݣادومة.[10] السبولات كايعاونو ف التحراك وسط الضلام و ف قبيط و شدّان لفرايس.[12]
- ودنيهم لبراويين حساسين ل الصوات الزايدين ف التردود عند نواع لقطوط الصغار. هاد لحساسية كاتخليهم يقلعو بلاصة لفرايس الصغار من لقوارض.[6]
- لقضيب عندهم شبه مخروطي،[10] كايتقابل معا لتحت منين ماكايكونش قايم،[13] و كايتقابل معا اللور ف وقيت لبول.[14] لباكولوم (عضمة لقضيب) كايكون صغير ولا آتاري (vestigial)، و قصر على لي عند لكلبيات.[13][15] لاغلابية د السنوريات عندهم شوك قضيبي (penile spines) لي كايحفّز ليباضة ف وقيت لتيصال الجنسي.[16]
- عندهم واحد لعضو ميكعي نيفي (vomeronasal) ف اللها د فمهم، لي كايخلّيهم "يدوقو" لهوا.[17] التخدام د هاد لعضو مرافق ب الستيجابة د فليمن (flehmen response).[18]
- ماكايقدروش يديطيكطيو لحلاوة د السكار، حيت كاينقصهم الرسيپطور الدوقي د لحلاوة.[19]
- كايشركو واحد التستيفة مشابهة ب شكل عريض من التشكالات الصوتيين و لايني ب شي تنواعات بينات النواع. ب الضبط، النبرة د التعييطات كاتنوّع، معا النواع لكبار كايخرّجو صوات غارقين؛ ب شكل عام، التردود د لعيطات كايتفاوت بينات 50 و 10,000 هيرتز.[20][21] الصوات لمعياريين لي كايتطلقو من السنوريات كايجمعو لموّا (mewing)، التݣراع (chuffing)، التنخام (spitting)، التهسهيس (hissing)، التزمجير (snarling) و التݣرݣير (growling). لموّا و التݣراع هوما الصوات د لكونطاكط الساسيين، أما الصوات لخرين كايعنيو شي تحفاز عدواني.[6]
- كايمكن ليهم يخرخرو (purr) ف الجوج حالات ديال التنفوس، وخا لقطوط النمريين كايبانو بلي كايخرخرو غير ف وقيت الدورة لوداقية و لتيصال الجنسي، و منين كايكونو الصغار كايرضعو. التخرخير ب شكل عام واحد الصوت ب نبرة هابطة ديال 16.8–27.5 هز (Hz) و مخلط ب نواع خرين د التشكالات الصوتيين ف وقيت الزفير.[22] لقدرة على الزئير (roar) كاتجي من واحد لحنݣورة (larynx) مطوّلة و مآضاپطية ب شكل خاص و واحد السيسطيم لامي (hyoid apparatus).[23] منين لهوا كايدوز من لحنݣورة و هو جاي من الريّة، حيوط لغضروف د لحنݣورة كايبداو يڤيبريو، هادشي لي كايخرّج الصوت. غير السبوعا، النمورا، لببور، و الجاݣوارات لي بوحدهم قادرين بصح يزئرو، وخا لموّاوات لمجهدين ݣاع د نمور التلج عندهم واحد الصوت كايتشابه، وخا مامهيكلش بحالهم.[6] النمور لمطلسين مايمكن ليهم لا يخرخرو لا يزئرو، و عليها ݣنس نيوفيليس كايقولو بلي هو ݣروپ خت ديال ݣنس پانطيرا. لقطوط سنان السيف واقيلا كانت عندهم لقدرة على باش يزئرو و يخرخرو.
اللون، الطول، و لعمورية د فروهم كايكون منوع بزاف. لون لفرو كايغطي لݣاموت (السنسلة اللونية–Gamut) من لبيْض ل لكحل، و نماط لفرو من طاشات مفرّزين صغار، و خطوط ل جلخات صغار و نويورات (rosettes). جل نواع لقطوط كايتولدو ب فرو منقط، من غير الجاݣواروندي (Herpailurus yagouaroundi)، لقط الدهبي لآسياوي (Catopuma temminckii) و لكاراكال (Caracal caracal). لفرو لمنقط د صغار السبع (Panthera leo)، لفهد (Acinonyx jubatus) و لپوما (Puma concolor) كايتبدل ل فرو موحّد ف وقيت التطوور الجنيني ديالهم.[5] هادوك لي كايعيشو ف بيئات باردين عندهم فرو غليض ب زغب طويل، بحال نمر التلج (Panthera uncia) و قط لمانول (Otocolobus manul).[12] هادوك لي كايعيشو ف الزونات لمناخيين الستيوائيين و السخان كايكون عندهم فرو قصير.[6] بزاف د النواع كايورّيو لميلانيّة (melanism) ب فراد كاملين ب لكحل، لپومات معروفين ب نقصان ف لميلانيزم و لكن لبيوضية (leucism) و لالبينيّة (albinism) كايكونو حاضرين ف لپومات هوما و شلّا سنوريات خرين.[24]
ف لغالبية لعضمى من نواع لقطوط، الزنطيط كايشكل التلت ولا النص ديال طولة لكسدة، وخا كاينين شي ستيتناءات، بحال نواع اللانكس و لمارݣاي (Leopardus wiedii).[6] نواع لقطوط كايتنوعو ب شكل كبير ف قدود لكسدة و الجمجومة، و التقل:
- أكبر نوع ف لقطوط هو لببر (Panthera tigris)، ب طولة د لكسدة و الراس كاتوصل حتى ل 390 سم، و تقل كايتفاوت من 65 ل 325 كݣ علاقل، و طولة د الجمجومة كاتفاوت من 316 ل 413 مم.[6][25] وخا الطولة لماكسيموم د جمجومة السبع كبر ب شوية ب 419 مم، هوما ب شكل عام صغر ف طولة لكسدة و الراس على لببور.[26]
- نواع لقطوط الصغر ݣاع هوما لقط مصدّي النقاطي (Prionailurus rubiginosus) و لقط كحل الرجلين (Felis nigripes). اللول عبارو 35–48 سم ف الطول و 0.9–1.6 كݣ ف التقل.[6] اللخر عندو طول ماكسيموم د الراس و لكسدة ديال 36.7–43 سم، و تقل ماكسيموم مشجل ديال 2.45 كݣ.[27][28]
لأغلابية ف نواع لقطوط عندهم واحد لعدد د لهاپلوويدات ديال 18 ولا 19. لقطوط د أمريكا لوسطانية و الجنوبية عندهم واحد لعدد د لهاپلوويدات ديال 18، واقيلا هادشي سبابو التخليطة ديال جوج كروموزومات صغر ل وحدين كبر.[29]
السنوريات عندهم لياف عضليين من نوع IIx مجهدين ب تلاتة د لمرّات على اللياف لعضليين لي عند الرياضيين لبنادميين.[30]
(A) هوموثيريوم لاتيدينس (Homotherium latidens) (أووين، 1846)، لعيينة DMF AS RS، رقم. Met-20-1، موميا مكوفرة، روسيا، جمهورية ساخا (ياقوتيا)، مصب واد إينديݣريكا، واد باضيارينكا؛ لپلايسطوسين لفوقاني.
(B) پانطيرا ليو، (لينيوس، 1758)، لعيينة ZMMU، رقم S-210286، لعصر لحديت.
لفاميلة سنوريات طرف ف التنيضيمة سنوريات الشكل لي تقسّمات هادي 50.6 حتى ل 35 مليون عام تقريباً ل بزاف د لفاميلات.[31] السنوريات و اللينسانݣات لآسياويين (Asiatic linsangs) كايتعتابرو ݣروپ خت، لي تفرْقات جوايه 35.2 حتى ل 31.9 مليون عام هادي.[32]
لقطوط اللولانيين ف لغالب بانو هادي 35 حتى ل 28.5 مليون عام تقريباً. پروآيلوروس (Proailurus) هو أقدم قط معروف بان من بعد واقعة نقيراض ف عصور لإيوصين و لأوليݣوصين جوايه 33.9 مليون عام هادي؛ الشياطا د لفوصيل د هاد النوعحفرو عليهم ف فرانسا و ف التشكال الجيولوجي هسانضا ݣول (Hsanda Gol Formation) ف مونݣوليا.[9] لوجود د لفوصيل كايلمّح بلي السنوريات وصلو ل امريكا الشمالية هادي 18.5 مليون عام تقريباً. هادشي شي 20 مليون عام من مور لوصول د الدبيات و النيمراڤيدات، و شي 10 مليون عام من بعد لكلبيات.[33]
ف اللول د لميوصين جوايه 20 حتى ل 16.6 مليون عام هادي، سودايلوروس (Pseudaelurus) عاش ف إفريقيا. لفوصيل د فكاكو تحفر عليهم ف التشكالات الجيولوجيين د لپيريوض لڤاليسية (Vallesian) ف أوروپا، لوسط د لميوصين ف آسيا و اللخر د لعصر لهيمينفوردي (Hemingfordian) ل اللخر د لعصر لبارسطوڤي (Barstovian).[34]
ف اللول ولا لوسط د لميوصين، سيفيات السنان (Machairodontinae) تطوورو ف إفريقيا و رحلو ل الشمال ف اللخر د لميوصين.[35] و نيابهم لفوقانيين كانو كبار، و كانو مآضاپطيين على فريس لحيوانات لعشاشبيين لعملاقين لي كسداتهم كبار.[36][37] سيفي السنان لميوصيني (Miomachairodus) هو أقدم عضو معروف ف هاد لفاميلة التحتانية. ميطايلوروس (Metailurus) عاش ف إفريقيا و أوراسيا جوايه 8 حتى ل 6 مليون عام هادي. شلّا جماجم د پاراماتشيرودوس (Paramachaerodus) تصابو ف صبانيا. هوموثيريوم (Homotherium) بان ف إفريقيا، أوراسيا و امريكا الشمالية 3.5 مليون عام تقريباً، و ميݣانطيرون (Megantereon) شي 3 مليون عام هادي. سميلوضون عاش ف أمريكا الجنوبية و الشمالية جوايه 2.5 مليون عام هادي. هاد لفاميلة التحتانية ولات منقارضة ف اللخر د لپلايسطوصين.[35]
لحاصول ديال تحاليل ميطوكوندريين كايلمّح بلي نواع لقطوط لي باقي عايشين جاو من واحد الجد مشروك، لي تأصل ف آسيا ف اللخر د عصر لميوصين. هاجرو ل إفريقيا، أوروپا، و أمريكا الشمالية و الجنوبية على طول عشرة ديال لموجات د لهجرة علاقل ف هاد ل~11 مليون عام لفايتة. نيڤوات لبحر النازلين و لپيريوضات لمجمدين (glacial) و لمابين مجمدين (interglacial) سهّلو هاد لهجرات.[38] پانطيرا بليثياي (Panthera blytheae) هو أقدم ݣنس نمري (pantherine) معروف، متورخ من اللخر د لحقبة لميسينية (Messinian) حتى ل لبدية د لحقبة الزانكلينية (Zanclean) جوايه 5.95 حتى ل 4.1 مليون عام هادي. واحد الجمجومة فوصيلية تحفر عليها ف 2010 ف بلدية زانضا ف السهب التيبيطي.[39] پانطيرا پاليوسينينسيس (Panthera palaeosinensis) من شمال الشينوا ف لغالب متورخ من اللخر د لميوصين ولا اللول د لپليوصين. الجمجومة ديال هاد لهولوتيپ كاتشابه معا ديك د شي سبع ولا نمر.[40] پانطيرا زدانسكيي (Panthera zdanskyi) متورخ ل لحقبة الجيلاسية جوايه 2.55 حتى ل 2.16 مليون عام هادي. بزاف د الجماجم لفوصيليين و عضام لفك تحفر عليهم ف شمال غرب الشينوا.[41] پانطيرا ݣومباجوزينسيس (Panthera gombaszoegensis) هو أول قط نمري معروف لي عاش ف أوروپا جوايه 1.95 حتى ل 1.77 مليون عام هادي.[42]
السنوريات لعايشين كايتحطو ف تمنية د النسولا تطوريين ولا تقسيمات د النواع.[43][44] الجينوتيپاج (Genotyping) ديال لآديئين الناواوي ديال ل41 نوع سنوري كاملين بيهم طرا على طول التطوور وسط لغالبية د النسولا ب تمنية.[45]
لموضيلينݣ ديال تحوول نماط كبوط السنوريات ورّق بلي تقريباً ݣاع النماط تطوورو من نقاطي صغار.[46]
ب شكل تقليدي، خمسة د لفاميلات التحتانيين مفرّزين وسط السنوريات، هادشي مبازي على لخصايل لفينوتيپيين: النمريات (Pantherinae)، لمشيّات (Felinae)، لفهديات (Acinonychinae)،[7] و سيفيات السنان (Machairodontinae) و لپروأيلورينات لمنقارضين.[47] لفهديات كان فيها غير ݣنس لفهد (Acinonyx) و لايني هاد لݣنس دابا ولى وسط لفاميلة التحتانية مشيّات.[8]
فاميلة السنوريات فيها جوج فاميلات تحتانيين، 14 لݣنس، و 42 نوع علاقل. ليستة ديال النواع لباقيين على حساب سيسطيم لمعلومات الطاكسونوميين لمكمولين (ITIS):
فاميلة تحتانية مشيّات/قطيّات (Felinae) فيشر دي ڤالدهايم 1817:
- ݣنس فهد (Acinonyx) بروكس، 1828:
- فهد (Acinonyx jubatus) شريبر، 1775
- ݣنس كاراكال (Caracal)شريبر، 1776:
- قط دهبي إفريقي (Caracal aurata)طيمينك، 1827
- كاراكال (Caracal caracal)شريبر، 1776
- ݣنس قط لپوما (Catopuma)سيڤيرتسوڤ، 1858:
- قط لمون (Catopuma badia)ݣراي، 1874
- قط دهبي آسياوي (Catopuma temminckii)ڤيݣورس و هولسفيلد، 1827
- ݣنس مش/قط (Felis)لينيوس، 1758:
- قط لادغال (Felis chaus)شريبر، 1777
- قط الرملة (Felis margarita)لوكي، 1858
- قط كحل الرجلين (Felis nigripes)بورتشل، 1824
- قط برّي (Felis silvestris) <شريبر، 1777
- قط جبلي شينوي (Felis silvestris bieti)مايلن-إدواردس، 1892
- قط برّي إفريقي جنوبي (Felis silvestris cafra )ديماريست، 1822
- قط (Felis silvestris catus)لينيوس، 1758
- قط برّي إفريقي (Felis silvestris lybica)فورستر، 1780
- قط برّي آسياوي (Felis silvestris ornata)ݣراي، 1830
- قط برّي أوروپي (Felis silvestris silvestris)شريبر، 1775
- ݣنس قط نمري (Leopardus)ݣراي، 1842:
- كولوكولو (Leopardus colocolo)مولينا، 1782
- قط لپامپاس (Leopardus pajeros)ديماريست، 1816
- قط دجيفري (Leopardus geoffroyi)ضوغبينيي و جيغڤي، 1844)
- كوضكوض (Leopardus guigna)مولينا، 1782
- قط ببري جنوبي (Leopardus guttulus)هينسيل، 1872
- قط لأنديز الجبلي (Leopardus jacobitus)كورناليا، 1865
- أوصيلوط (Leopardus pardalis)لينيوس، 1758
- قط ببري شمالي (Leopardus tigrinus)شريبر، 1775
- مارݣاي (Leopardus wiedii)شينتس، 1821
- ݣنس سيرڤال (Leptailurus)سيڤيرتسوڤ، 1858:
- سيرڤال (Leptailurus serval)شريبر، 1776
- ݣنس لانكس (Lynx)كير، 1792:
- لانكس كاناضي (Lynx canadensis)كير، 1792
- لانكس أوراسي (Lynx lynx)لينيوس، 1758
- لانكس إيبيري (Lynx pardinus)طيمينك، 1827
- لانكس صهب (Lynx rufus)شريبر، 1777
- ݣنس مانول (Otocolobus)براندت، 1842:
- قط پالاس/مانول (Otocolobus manul)پالاس، 1776
- ݣنس سنور نمري (Pardofelis)سيڤيرتسوڤ، 1858:
- قط رخامي (Pardofelis marmorata)مارتين، 1837
- ݣنس قط آسياوي (Prionailurus)سيڤيرتسوڤ، 1858:
- قط نمري (Prionailurus bengalensis)كير، 1792
- قط إيريوموط (Prionailurus iriomotensis)إيمايزومي، 1967
- قط فطح الراس (Prionailurus planiceps)ڤيݣورس و هولسفيلد، 1827
- قط مصدي النقاط (Prionailurus rubiginosus)جيفغي سان إيليغ، 1831
- قط حوات (Prionailurus viverrinus)جيفغي سان إيليغ، 1831
- ݣنس پوما (Puma)جاردين،1834:
- پوما (Puma concolor)لينيوس، 1771
- جاݣواروندي (Puma yagouaroundi)جيفغي سان إيليغ، 1803
فاميلة تحتانية نمريات (Pantherinae)پوكوك، 1917:
- ݣنس قطوط جداد/نيوفيليس (Neofelis)ݣراي، 1867:
- نمر بورنيو لمطلس (Neofelis diard)كوِڤييه، 1823
- نمر مطلس (Neofelis nebulosa)ݣريفيث، 1821
- ݣنس نمر/پانطيرا (Panthera)أوكين، 1816:
- سبع (Panthera leo)لينيوس، 1758
- جاݣوار (Panthera onca)لينيوس، 1758
- نمر (Panthera pardus)لينيوس، 1758
- ببر (Panthera tigris)لينيوس، 1758
- نمر التلج (Panthera uncia)شريبر، 1775
لعلاقات لفيلوجينيين ديال السنوريات لعايشين كايبانو ف لكلاضوݣرام لماجي.[45]
| سنوريات |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
- ^ Salles, L. O. (1992). "Felid phylogenetics: extant taxa and skull morphology (Felidae, Aeluroidea)" (PDF). American Museum Novitates (3047).
- ^ Hemmer, H. (1978). "Evolutionary systematics of living Felidae – present status and current problems". Carnivore. 1: 71–79.
- ^ Johnson, W. E.; Dratch, P. A.; Martenson, J. S.; O'Brien, S. J. (1996). "Resolution of recent radiations within three evolutionary lineages of Felidae using mitochondrial restriction fragment length polymorphism variation". Journal of Mammalian Evolution. 3 (2): 97–120.
- ^ Christiansen, P. (2008). "Evolution of skull and mandible shape in cats (Carnivora: Felidae)". PLOS ONE. 3 (7): e2807.
- ^ a b Peters, G. (1982). "Zur Fellfarbe und -zeichnung einiger Feliden". Bonner Zoologische Beiträge. 33 (1): 19−31.
- ^ a b c d e f g h i j k l Sunquist, M.; Sunquist, F. (2002). "What is a Cat?". Wild Cats of the World. Chicago: University of Chicago Press. pp. 5–18.
- ^ a b Pocock, R. I. (1917). "The classification of the existing Felidae". Annals and Magazine of Natural History. Series 8. XX (119): 329–350.
- ^ a b Kitchener, A. C.; Breitenmoser-Würsten, C.; Eizirik, E.; Gentry, A.; Werdelin, L.; Wilting, A.; Yamaguchi, N.; Abramov, A. V.; Christiansen, P.; Driscoll, C.; Duckworth, J. W.; Johnson, W.; Luo, S.-J.; Meijaard, E.; O’Donoghue, P.; Sanderson, J.; Seymour, K.; Bruford, M.; Groves, C.; Hoffmann, M.; Nowell, K.; Timmons, Z.; Tobe, S. (2017). "A revised taxonomy of the Felidae: The final report of the Cat Classification Task Force of the IUCN Cat Specialist Group" (PDF). Cat News. Special Issue 11.
- ^ a b Werdelin, L.; Yamaguchi, N.; Johnson, W. E.; O'Brien, S. J. (2010). "Phylogeny and evolution of cats (Felidae)". In Macdonald, D. W.; Loveridge, A. J. (eds.). Biology and Conservation of Wild Felids. Oxford, UK: Oxford University Press. pp. 59–82.
- ^ a b c d Pocock, R. I. (1917). "VII.—On the external characters of the Felidæ". The Annals and Magazine of Natural History; Zoology, Botany, and Geology. 8. 19 (109): 113−136.
- ^ a b Pocock, R. I. (1939). "Felidae". The fauna of British India, including Ceylon and Burma. Mammalia. – Volume 1. London: Taylor and Francis. pp. 191–330.
- ^ a b c d e Kitchener, A. C.; Van Valkenburgh, B.; Yamaguchi, N. (2010). "Felid form and function". In Macdonald, D.; Loveridge, A. (eds.). Biology and Conservation of wild felids. Oxford: Oxford University Press. pp. 83−106.
- ^ a b Ewer, R. F. (1973). The Carnivores. Ithaca, New York: Cornell University Press.
- ^ Ewer, R. F. (2013-12-11). Ethology of Mammals. Springer.
- ^ Lariviere, S.; Ferguson, S. H. (2002). "On the evolution of the mammalian baculum: vaginal friction, prolonged intromission or induced ovulation?". Mammal Review. 32 (4): 283–294.
- ^ de Morais, R. N. (2008). "Reproduction in small felid males". In Fowler, M. E.; Cubas, Z. S. (eds.). Biology, Medicine, and Surgery of South American Wild Animals (Second ed.). New York: John Wiley & Sons. pp. 312–316.
- ^ Salazar, I.; Quinteiro, P.; Cifuentes, J. M.; Caballero, T. G. (1996). "The vomeronasal organ of the cat". Journal of Anatomy. 188 (2): 445–454.
- ^ Hart, B. L.; Leedy, M. G. (1987). "Stimulus and hormonal determinants of flehmen behavior in cats" (PDF). Hormones and Behavior. 21 (1): 44−52.
- ^ Li, X.; Li, W.; Wang, H.; Cao, J.; Maehashi, K.; Huang, L.; Bachmanov, A. A.; Reed, D. R.; Legrand-Defretin, V.; Beauchamp, G. K.; Brand, J. G. (2005). "Pseudogenization of a Sweet-Receptor Gene Accounts for Cats' Indifference toward Sugar". PLOS Genetics. 1 (1): 27–35.
- ^ Sunquist, M.; Sunquist, F. (2002). "Appendix 4. Vocal communication in felids". Wild Cats of the World. Chicago: University of Chicago Press. pp. 421–424.
- ^ Graf, R. F. (1999). Modern Dictionary of Electronics. Newnes.
- ^ Peters, G. (2002). "Purring and similar vocalizations in mammals". Mammal Review. 32 (4): 245−271.
- ^ Weissengruber, G. E.; Forstenpointner, G.; Peters, G.; Kübber-Heiss, A.; Fitch, W. T. (2002). "Hyoid apparatus and pharynx in the lion (Panthera leo), jaguar (Panthera onca), tiger (Panthera tigris), cheetah (Acinonyx jubatus) and the domestic cat (Felis silvestris f. catus)". Journal of Anatomy. 201 (3). Anatomical Society of Great Britain and Ireland: 195–209.
- ^ Eizirik, E.; Yuhki, N.; Johnson, W. E.; Menotti-Raymond, M.; Hannah, S. S.; O'Brien, S. J. (2003). "Molecular Genetics and Evolution of Melanism in the Cat Family". Current Biology. 13 (5): 448–453.
- ^ Hewett, J. P.; Hewett Atkinson, L. (1938). Jungle trails in northern India: reminiscences of hunting in India. London: Metheun and Company Limited.
- ^ Heptner, V. G.; Sludskij, A. A. (1992) [1972]. "Tiger". Mlekopitajuščie Sovetskogo Soiuza. Moskva: Vysšaia Škola [Mammals of the Soviet Union. Volume II, Part 2. Carnivora (Hyaenas and Cats)]. Washington DC: Smithsonian Institution and the National Science Foundation. pp. 95–202
- ^ Mills, M. G. L. (2005). "Felis nigripes Burchell, 1824 Black-footed cat". In Skinner, J. D.; Chimimba, C. T. (eds.). The mammals of the southern African subregion (Third ed.). Cambridge: Cambridge University Press. pp. 405−408.
- ^ Sliwa, A. (2004). "Home range size and social organization of black-footed cats (Felis nigripes)". Mammalian Biology. 69 (2): 96–107.
- ^ Vella, C.; Shelton, L. M.; McGonagle, J. J.; Stanglein, T. W. (2002). Robinson's Genetics for Cat Breeders and Veterinarians (Fourth ed.). Oxford: Butterworh-Heinemann Ltd.
- ^ Kohn, Tertius A.; Noakes, Timothy D. (2013). "Lion (Panthera leo) and caracal (Caracal caracal) type IIx single muscle fibre force and power exceed that of trained humans". Journal of Experimental Biology. 216 (Pt 6): 960–969.
- ^ Eizirik, E.; Murphy, W. J.; Köpfli, K. P.; Johnson, W. E.; Dragoo, J. W.; O'Brien, S. J. (2010). "Pattern and timing of the diversification of the mammalian order Carnivora inferred from multiple nuclear gene sequences". Molecular Phylogenetics and Evolution. 56 (1): 49–63.
- ^ Gaubert, P.; Veron, G. (2003). "Exhaustive sample set among Viverridae reveals the sister-group of felids: the linsangs as a case of extreme morphological convergence within Feliformia". Proceedings of the Royal Society B. 270 (1532): 2523–2530.
- ^ Silvestro, D.; Antonelli, A.; Salamin, N.; Quental, T. B. (2015). "The role of clade competition in the diversification of North American canids". Proceedings of the National Academy of Sciences. 112 (28): 8684−8689.
- ^ Rothwell, T. (2003). "Phylogenetic systematics of North American Pseudaelurus (Carnivora: Felidae)" (PDF). American Museum Novitates (3403): 1−64.
- ^ a b van den Hoek Ostende, L. W.; Morlo, M.; Nagel, D. (2006). "Majestic killers: the sabre-toothed cats" (PDF). Geology Today. Fossils explained 52. 22 (4): 150–157.
- ^ Randau, M.; Carbone, C.; Turvey, S. T. (2013). "Canine evolution in sabretoothed carnivores: natural selection or sexual selection?". PLOS ONE. 8 (8): e72868.
- ^ Piras, P.; Silvestro, D.; Carotenuto, F.; Castiglione, S.; Kotsakis, A.; Maiorino, L.; Melchionna, M.; Mondanaro, A.; Sansalone, G.; Serio, C.; Vero, V. A. (2018). "Evolution of the sabertooth mandible: A deadly ecomorphological specialization". Palaeogeography, Palaeoclimatology, Palaeoecology. 496: 166−174.
- ^ Johnson, W. E.; Eizirik, E.; Pecon-Slattery, J.; Murphy, W. J.; Antunes, A.; Teeling, E.; O'Brien, S. J. (2006). "The Late Miocene radiation of modern Felidae: a genetic assessment". Science. 311 (5757): 73–77.
- ^ Tseng, Z. J.; Wang, X.; Slater, G. J.; Takeuchi, G. T.; Li, Q.; Liu, J.; Xie, G. (2014). "Himalayan fossils of the oldest known pantherine establish ancient origin of big cats". Proceedings of the Royal Society B. 281 (1774): 20132686.
- ^ Mazak, J. H. (2010). "What is Panthera palaeosinensis?". Mammal Review. 40 (1): 90−102.
- ^ Mazák, J. H.; Christiansen, P.; Kitchener, A. C. (2011). "Oldest Known Pantherine Skull and Evolution of the Tiger". PLOS ONE. 6 (10): e25483.
- ^ Argant, A.; Argant, J. (2011). "The Panthera gombaszogensis story: The contribution of the Château Breccia (Saône-Et-Loire, Burgundy, France)". Quaternaire. Hors–série (4): 247–269.
- ^ Johnson, W. E.; O'Brien, S. J. (1997). "Phylogenetic reconstruction of the Felidae using 16S rRNA and NADH-5 mitochondrial genes". Journal of Molecular Evolution. 44 (Supplement 1): S98 – S116.
- ^ O'Brien, S. J.; Johnson, W. E. (2005). "Big cat genomics". Annual Review of Genomics and Human Genetics. 6: 407–429.
- ^ a b Li, G.; Davis, B. W.; Eizirik, E.; Murphy, W. J. (2016). "Phylogenomic evidence for ancient hybridization in the genomes of living cats (Felidae)". Genome Research. 26 (1): 1–11.
- ^ Werdelin, L.; Olsson, L. (2008). "How the leopard got its spots: a phylogenetic view of the evolution of felid coat patterns". Biological Journal of the Linnean Society. 62 (3): 383–400.
- ^ McKenna, M. C.; Bell, S. K. (2000). "Family Felidae Fischer de Waldheim, 1817:372. Cats". Classification of Mammals. Columbia University Press. p. 230.