انتقل إلى المحتوى

سم حيواني

من ويكيپيديا

سم حيواني (Venom) ولا زوطوكسين (Zootoxin) هو واحد النوع من الطوكسينات لي كايتطلق من شي حيوان و كايتسيفط ب شكل آكتيڤ ل شي جرحة من شي عضة، لدغة، تكّة، ولا شي فعلة مشابهة.[1][2][3] الطوكسين كايتسيفط من واحد لاپاراي د السم مطّورة ب شكل خاص، بحال النياب ولا الشوكات، ف واحد لعملية كاتسمى التسمام لحيواني.[2] السم لحيواني كايكون مفرّز دايماّ على السم (Poison)، لي هو طوكسين كايتسيفط ب شكل سلبي منين كايتهضم، كايتشم، ولا كايتمص من الجلدة،[4] و الطوكسونوجين (toxungen) لي كايدوز ب شكل إيجابي ل السورفاص لبرّاوية د حيوان خر على طريق واحد لميكانيزم فيزيكي ديال التسيفيط.[5]

تكاكة د رزوزية ب قطرة د السم

السم لحيواني تطوور ف لبيئات لرضيين و لبحريين ف واحد التشكيلة عريضة من لحيوانات: لمفتارسين و لفرايس، و السلسوليات و اللاسلسوليات كاملين بيهم. السم لحيواني كايقتل على طريق لآكسيو ديال ربعة د لكلاصات كبار ديال الطوكسين علاقل، لي هوما الطوكسينات النخريين، الطوكسينات لخلويين لي كايقتلو لخلايا؛ الطوكسينات لعصبيين، لي كايأترو على السيسطيمات لعصبيين؛ لميوطوكسينات لي كايهلكو لعضلات؛ و الطوكسينات الدمّيين (haemotoxins)، لي كايشوشو تختار الدم. لحيوانات لمسمومين كايسببو عشرالافات ديال لموت لبنادمي كل عام.

السموم لحيوانيين ف لغالب كايكونو تخليطة ديال الطوكسينات من نواع مبدلين. الطوكسينات لي من السم لحيواني كايتخدّمو ف مداوية د ساس عريض ديال لحالات الطبيين بحال، الطرومبوز (تختار الدم)، حريݣ لمفاصل، و شي كونصيرات. الديراسات ف لڤينوميكس (venomics) كايقلّبو على التخدام لمحتامل د طوكسينات السم على قبل شلا حالات مرضيين خرين.

التطوور

[بدل | بدل لكود]

تخدام السم لحيواني لي كاين ف تنويعة عريضة ديال الطاكسونات هو إيكزومپل على التطوور التقاربي. من الصعيب يتستنتج ب شكل إيكزاكط كيفاش هاد لمزيّة ولات مفرّقة ب شكل شديد و تنوّعات. لفاميلات لمولتيجينيين لي كايشيفريو الطوكسينات د لحيوان لمسموم كايتعزلو ب شكل آكتيڤ، هادشي لي كايخلق طوكسينات منوعين كتر ب وضايف خاصين. السموم لحيوانيين كايتاضاپطاو معا لبيئة و لڤيكتيمات دياولهم، و تطوورو باش يكون عندهم مفعولية ماكسيموم على شي فريسة فلانية د شي لمفتارس (ب الضبط لمجاري لإيونيين ف الداخل د لفريسة). ف اللخر، السموم لحيوانيين ولاو مختصين ل الريجيم السطونضار د شي حيوان.[6]

لميكانيزمات

[بدل | بدل لكود]
فوسفوليپاز A2 واحد لونزيم ف سم النحل، كايطلق لأحماض الشحميين، هادشي لي كايأتر على السينيالاج د لكالسيوم

السموم لحيوانيين كايسببو التأتيرات لبيولوجيين دياولهم ب شلا طوكسينات لي فيهم؛ شي سموم كايكونو تخليطة معقدة د الطوكسينات من نواع مبدلين. لكلاصات لكبار د الطوكسين ف السموم كايجمعو:[7]

الطوكسينات النخريين (necrotoxins)، لي كايسببو النخير (لموت) ل لخلايا لي كايقيصوهم. السموم د اللفاعي و النحل فيه لفوصفوليپاز (phospholipases)؛ سموم اللفعات حتى هوما ديما فيهم لپروطيازات السيرين لي بحال الطريپسين (trypsin).[8]

الطوكسينات لعصبيين (neurotoxins)، لي كايقيصو ف الساس السيسطيمات لعصبيين د لحيوانات، بحال طوكسينات مجاري لإيون. هاد لكلاص كاتصاب ف بزاف د الطاكسونات لمسمومين، كيف لمامبات،[9] رتيلات لهجالة لكحلة، لعݣارب، قنادل لبحر لمكعبين، لغلال لمخروطي، مياويات الرجلين، و الروطالات زرقات لحلاقي.[10]

لميوطوكسينات (Myotoxins)، لي كايهلكو لعضلات ب لملاصقة معا شي ريسيپطور. هاد لپيپتيدات الصغار و الساسيين كايتلقاو ف لحنوشا (بحال اللفاعي لخشخاشين) و ف سموم الزرموميات.[11][12][13][14]

الطوكسينات لخلويين (Cytotoxins)، لي كايقتلو لخلايا د لفرد و كايتصابو ف طوكسين نحل لعسل (apitoxin) و السم لحيواني د رتيلات لهجالة لكحلة.[15][16]

لمادى الطاكسونومي

[بدل | بدل لكود]

السم لحيواني موزع ب شكل عريض طاكسونومياّ، كايتلقى ف السلسوليات و اللاسلسوليات ب جوج، ف لحيوانات لمائيين و لرضيين، و ف لمفتارسين و لفرايس. لݣروپات لكبار د لحيوانات لمسمومين موصوفين لتحت.

مفصليات الرجلين

[بدل | بدل لكود]

مفصليات الرجلين لمسمومين منهم الرتيل، لي كايخدّمو النياب لي ف لكلّاب لݣرني (chelicerae) ديالهم باش يحݣنو السم، و مياويات الرجلين، لي كايخدّمو رجلين لپانس (forcipules) دياولهم –رجلين معدلين – باش يسيفطو السم، ف لوقيتة لي لعݣارب و لحشرات التّاكين كايحݣنو السم ب تكّة/قرصة (Sting). عند النحل و الرزوزي، التكّاكة (stinger) هي واحد لحطّاط د لبيض معدل (جهاز حطان لبيض-ovipositor). عند رزوزية لورݣ لمضلمة (Polistes fuscatus)، النتوا كاتطلق دايماً واحد السم لي فيه واحد لفيرومون جنسي لي كايدخّل سلوك التيصال لجنسي عند الدكور.[17] عند الرزوزيات بحال رزوزية لورݣ لغينية (Polistes exclamans)، السم كايتخدّم كا فيرومون آلارم، لي كاينسّق واحد الستيجابة من لعش و كايجدب الرزوزيات لقراب باش يهجم على لمفتارس.[18] ف شي نواع، بحال پاريشنوݣاسطر سطرياطولا (Parischnogaster striatula)، السم كايطّبّق على ݣاع لكسدة ب صيفتو حماية أونتيميكروبية.[19]

بزاف ديال ليرقات (caterpillars) عندهم غدد د السم دفاعيين لي مرافقين معا واحد زغيّبات مختصين على لكسدة كايعيّطو ليهم الزغب لحرّاݣ (urticating hair) (كايكون حتى ف النبات). هاد السموم ف لعادة بزز باش كايجيبو لحکة، و لايني هادوك السموم لي ف عت اللونوميا يمكن ليهم يكونو قتالين ل بنادم.[20]

النحل كايركب و يوضف واحد السم حمضي (سم نحل لعسل) باش يدافع لع لخليّات و خزاين لماكلة نتاوعهم، ف لوقيتة لي الرزوزي كايخدّمو واحد السم مبدل باش يشللو لفرايس، باش فرايسهم يبقاو حيين على قبل توفير بيوت لماكلة ل صغارهم. تخدام السم لحيواني مفرق ب شكل كتر من هاد لإيكزومپلات؛ شلا حشرات خرين، بحال لبق لحقيقي و شلا نمل، حتى هوما كايخدّمو السم.[21] النوع د النمل پوليراتشيس ديڤيس (Polyrhachis dives) كايخدّم السم ب شكل موضعي على قبل التعقام د لممرضات (pathogens).[22]

لاسلسوليات لخرين

[بدل | بدل لكود]
قنديل لبحر مالو كينݣي (Malo kingi) لي قد ضفر د صبع ليد، عندو سم من أخطر السموم بينات ݣاع لحيوانات، لي كايسبب ملازمة إيروكاندجي (Irukandji syndrome)—تقصاح شديد، تقيا، و زيادة مزروبة ف الطونسيو

كاينين لاسلسوليات مسمومين ف بزاف د لفيلومات، منهم قنادل لبحر كيف قنادل لبحر لمكعبين لي خطيرين،[23] راجل لݣيرة لبرطقيزي (Portuguese man-of-war) (سيفونوفور) و بلعمانات لبحر من بينات اللساعات (Cnidaria)،[24] قنافد لبحر من بينات مشوكات الجلدة،[25] و لغلال لمخروطي[26] و راسيات الرجلين بحال الروطال من بينات الرخويات.[27]

السلسوليات

[بدل | بدل لكود]

لحوت

[بدل | بدل لكود]

السم كايتلقى ف 200 حوتة غضروفية تقريباً، منهم الرايات لقرّاصين، لقروصا، و لخرّافيات (chimaeras)؛ السنّورات (جوايه 1000 نوع مسموم)؛ و 11 تقسيمة ديال لحوتات مشوكات زعانف (Acanthomorpha)، لي فيهم عݣارب لبحر (كتر من 300 نوع)، حوتات لحجر (كتر من 80 نوع)، حوتات لعݣرب د ݣورنرد، بو مليسات، السيݣانات، حوتات الجرّاح، شي حوتات ڤيلوريين، شي حوتات علجوميين، خطافيات لمرجان، لحوتات لڤيلوريين لحومر، وكالات لبراز، حوتات الصخر، عݣارب لبحر د لما لغارق، حوتات الرزوزي، الطرخينات، و حضايات النجوم.[28]

لبرمائيات

[بدل | بدل لكود]

شي سالاماندرات يمكن ليهم يخرّجو ضلوعا ماضيين ب قماقم مسمومين.[29][30] جوج نواع د الجران ف لبرازيل عندهم شوك ݣليول ف جيهة التاج د جماجمهم لي، ف لوقيتة د لكونطاكط، كايسيفط سم ل السيبلات نتاوعهم.[31]

الزواحف

[بدل | بدل لكود]
سم لفعى لمروج الصرصارة (Crotalus viridis) (ليمن)، فيه ل ميطالوپروطييناز (متال ف ليسر) لي كايعاون ف هضيم لفريسة قبل من لماكلة.

شي 450 نوع د لحنش كايكون مسموم.[28] سم لحنش كايخرج من غدد تحت لعين (غدد لفك التحتاني) و كايتسيفط ل السيبلة من نياب نبوبيين ولا فيهم مجاري. سموم لحناش فيهم تشكيلة ديال طوكسينات لپيپتيد، بحال لپروطيازات (proteases)، لي كايهيدروليزيو (كايفسّخو ب شكل مائي) الربطات لپروتينيين د لپيپتيد؛ النوكليازات (nucleases)، لي كايهيدروليزيو الربطات د لفوصفور جاوجي لإيسطير (phosphodiester) ديال لاديئين؛ و الطوكسينات لعصبيين، لي كايعكّلو طليق السينيالات ف السيسطيم لعصبي.[32] سم لحنش كايدير أعراض بحال التقصاح، النفيخ، نخير النسيج، طونسيو هابطة، تقباطات عضليين (convulsions)، النزيف (كايتبدل على حساب النوع د لحنش)، التشلال التنفوسي، فشلان لكبدة، لكوما، و لموت.[33] سم لحنش يقدر يكون تأصل ب النسيخ د الجينات (duplication of genes) لي ديجا تخصّلو ف لغدد الدفاليين ديال الجدود.[34][35]

السم لحيواني كايتصاب ف شي زواحف خرين بحال الزرمومية لمعققة لميكسيكية،[36] وحش لهيلا،[37] و ف شي زرموميات د لورل، بحال دراݣو لكوموضو.[38] السپيكطروميطري د لماص ورات بلي التخليطة د لپروتينات لحاضرين ف سمهم، معقدة كيف ما التخليطة د لپروتينات لملقيين ف سم لحنش.[38][39] شي زرموميات عندهم واحد لغدة سمية، كايشكلو واحد التقسيمة فتيراضية، حمالات السم (Toxicofera)، لي فيها التنيضيمات حنشيات و إيݣوانيات و لفاميلات ورليات، بدغيات، و مسماريات الجلدة.[40]

لبزوليات

[بدل | بدل لكود]

يوتشامبيرسيا (Euchambersia)، واحد لݣنس منقارض ديال وحشيات الراس (therocephalians)، تفتارض بلي كان عندو غدد د السم ملاصقين معا نيابو.[41]

شوية د النواع د لبزوليات لعايشين كايكونو مسمومين، منهم مشقوق السنّة، الزبّابات، الطوپين لأوروپي، سحات الليل مصاصين الدم، دكور خلد لما، و اللوريسات التقال.[42][43] الزبابات عندهم دفال مسموم و ف لغالب طوورو مزيّاتهم ب شكل كايتشابه معا لحناش.[44] لحضور ديال مهامز كعبيين بحال هادوك لي عند خلد لما ف بزاف ديال لݣروپات د شباه لبزوليات اللاوحشيين كايلمّح بلي السم كان واحد لخصلة سلفية بينات لبزوليات.[45]

الديراسات لمشددين على خلدان لما بيّنات بلي الطوكسين ديالهم تصايب ب شكل لولاني من واحد النسيخ د الجينات، بلحق الضونيات وراو دليل بلي التطوور لي تزاد د سم خلد لما ماكايعولش بزاف على النسيخ د الجينات كيف ما كان كايتشاف.[46] لغدد لعرقيين لمعدلين هوما لي تطوورو ل غدد السم د خلد لما. وخا توكّد بلي سم الزواحف و خلد لما تطوور ب شكل مستاقل، كايتشاف بلي شي قلدات پروتينييم فلانيين لي كايتخيّرو باش يطّوورو ل موليكولات طوكسيك. هادشي كايعطي دليل كتر علاش السم ولّى واحد لمزيّة متجانسة و علاش حيوانات مبدلين ب زايد تطوورو ب شكل تقاربي.[14]

السم و بنادم

[بدل | بدل لكود]

التسمام لحيواني (Envenomation) ودّى ل 57,000 موتة ف 2013، هادشي قل من 1990 لي كان فيها 76,000 موتة.[47] السموم لحيوانيين، كايتصابو ف كتر من 173,000 نوع، و عندهم حتيمال باش يداويو ساس عريض من لمرضات، تقلّب فيهم ف كتر من 5,000 ورقة علمية.[37]

ف الطب، پروتينات سم لحنش تخدّمو ف مداوية حالات مرضيين منهم الطرومبوز (thrombosis)، حريݣ لمفاصل (arthritis)، و شي كونصيرات.[48][49] السم د وحش لهيلا فيه لإيكزيناتيد (exenatide)، لي كايتخدّم ف مداوية النوع 2 د سكّار.[37] السولينوپسينات (Solenopsins) لي كايتخرّجو من السم د نمل لعافية بيّن التطباقات دياولو لبيوطبيين، لي كايتفاوتو من مداوية لكونصير ل الصدفية (psoriasis).[50][51] واحد لفرع د الصيونص، لڤينوميكس (الديراسات على السم لحيواني)، تدار ليه الساس على قبل ديراسة لپروتينات لمرافقين ب السم لحيواني و كيفاش لعناصر لفرديين د السم يمكن ليهم يتخدّمو على ود غراضات صيدليين.[52]

لمقاومة

[بدل | بدل لكود]
كبور لرض لكاليفورني عندو مقاومة ضد السم لمجهد د اللفعى الصرصارة د شمال لمهدن.

السم لحيواني كايتخدّم كا سلاح غدائي من بزاف د نواع لمفتارسين. التطوور لمرافق بينات لمفتارسين و لفرايس هو لقوة الدافعة د مقاومة السم، لي تطوور شلا خطرات على طول مملاكة لحيوان.[53] التطوور لمرافق بينات لمفتارسين لمسمومين و لفرايس لي مقاومين السم توصف ب صيفتو سباق التسلاح لكيماوي.[54] لفردات مفتارس/فريسة تشافو بلي تطوورو ب شكل مرافق على طول پيريوضات طوال د لوقت.[55] ماحد لمفتارس كايستاغل لفراد لمحسوسين، لفراد الناجيين كايكونو كايقتاصرو على هادوك لي قادرين يتفاداو لفريس.[56] لمقاومة عادةً كاتزاد معا لوقت مادام لمفتارس كايولي ب شكل متزايد ماقادرش يجيب لفريسة لمقاومة.[57] التكلفة د تطوير شي مقاومة د السم كاتكون زايدة ل لمفتارس و لفريسة ب جوج.[58] لخلاص على قبل التكلفة د لمقاومة لفيزيولوجية هو واحد لفرصة زايدة على قبل النجو د لفريسة، و لكن كايخلّي لمفتارسين يتوسعو ل نيشات غدائيين قل ف التخدام.[59]

كبور لرض لكاليفورني عندو نسبات كايتنوعو د مقاومة السم ديال اللفعى الصرصارة الشمالية د لمهدن.[60] لمقاومة كاتشمل تقمام الطوكسينات و كاتعول على النسمة. منين كاتكون نسمة اللفعى الصرصارة كتف، لمقاومة د لكبور كاتكون زيْد.[61] اللفاعي الصرصارين ستاجبو ب شكل لوكال ب زيادة مفعولية سمهم.[62]

حناش لملك د لامريكتين كايكونو عصايريين كايفرسو شلا حناش مسمومين.[63] هوما طورو مقاومة لي ماكاتبدلش معا لعمر ولا التعراض.[57] هوما مانعين ضد سموم لحناش لي فبيئة كل واحد فيهم، بحال نحاسيات الراس، قطنيات لفم، و اللفعات الصرصارات الشمال أمريكيين، بلحق ماشي السم د، متلاً، بو سكات لملك ولا لمامبات لكحلات.[64]

حوتات لكلون الشايعين دايماً كايعيشو بينات مجسّات بلعمان لبحر و عندهم مقاومة ضد سمهم

من بين لحيوانات لبحريين، النون (لانݣيلة/eels) كاتكون عندهم مقاومة ضد سم حناش لبحر، لي فيه تخليطات معقدين د الطوكسينات لعصبيين، لميوطوكسينات، الطوكسينات لكلويين، لي كايتنوعو على حساب النوع.[65][66] لانݣيلات ب الضبط عندهم مقاومة ضد سم حناش لبحر لي مختصين ف لماكلة عليهم، هادشي لي كايلمّح ل التطوور لمرافق؛ لحوت لي ماشي من لفرايس عندهم مقاومة قليلة ضد سم حنش لبحر.[67]

حوتات لكلون كايعيشو بينات ل مجسات د بلعمان لبحر لمسمومين (واحد لمكافلة ملزومة ل لحوتة)،[68] و عندهم مقاومة ضد سمهم.[69][70] غير 10 د نواع لمعروفين من بلعمان لبحر كايكون مضيّفين ل حوتات لكلون و غير شي فردات من بلعمان لبحر و حوتات لكلون لي كايكونو متناسقين.[71][72] ݣاع بلعمانات لبحر كايخرّجو سموم مسيفطين من كياس لمفاويين مخويين و إفرازات خنونيين. الطوكسينات مركبين من لپيپتيدات و لپروتينات. هوما كايتخدّمو باش يجدبو لفرايس و باش يردعو لمفتارسين ب تسباب التقصاح، خسران التنساق لعضلي، و هليك النسيج. حوتات لكلون عندهم واحد لخنونة كاتحامي لي كاتخدْم كا كاموفلاج كيماوي ولا تقليد ماكروموليكي هادشي لي كايخلّي لكياس اللمفاويين لمخويين و بلعمانات لبحر مايعرفوهومش.[73][74][75] حوتات لكلون يقدرو يكيّفو خنونتهم باش تولي تشبه ل ديك د شي نوع خاص ديال بلعمان لبحر.[75]

  1. ↑ "venom" at Dorland's Medical Dictionary
  2. 1 2 Gupta, Ramesh C. (24 March 2017). Reproductive and developmental toxicology. Saint Louis. pp. 963–972.
  3. ↑ Chippaux, JP; Goyffon, M (2006). "[Venomous and poisonous animals--I. Overview]". Médecine Tropicale (in French). 66 (3): 215–20.
  4. ↑ "Poison vs. Venom". Australian Academy of Science. 3 November 2017
  5. ↑ Nelsen, D. R.; Nisani, Z.; Cooper, A. M.; Fox, G. A.; Gren, E. C.; Corbit, A. G.; Hayes, W. K. (2014). "Poisons, toxungens, and venoms: Redefining and classifying toxic biological secretions and the organisms that employ them". Biological Reviews of the Cambridge Philosophical Society. 89 (2): 450–465.
  6. ↑ Kordiš, D.; Gubenšek, F. (2000). "Adaptive evolution of animal toxin multigene families". Gene. 261 (1): 43–52.
  7. ↑ Harris, J. B. (September 2004). "Animal poisons and the nervous system: what the neurologist needs to know". Journal of Neurology, Neurosurgery & Psychiatry. 75 (suppl_3): iii40 – iii46.
  8. ↑ Raffray, M.; Cohen, G. M. (1997). "Apoptosis and necrosis in toxicology: a continuum or distinct modes of cell death?". Pharmacology & Therapeutics. 75 (3): 153–177.
  9. ↑ "Neurotoxins in Snake Venom"
  10. ↑ Dutertre, Sébastien; Lewis, Richard J. (2006). "Toxin insights into nicotinic acetylcholine receptors"
  11. ↑ Nicastro, G. (May 2003). "Solution structure of crotamine, a Na+ channel affecting toxin from Crotalus durissus terrificus venom". Eur. J. Biochem. 270 (9). Franzoni, L.; de Chiara, C.; Mancin, A. C.; Giglio, J. R.; Spisni, A.: 1969–1979.
  12. ↑ Griffin, P. R.; Aird, S. D. (1990). "A new small myotoxin from the venom of the prairie rattlesnake (Crotalus viridis viridis)". FEBS Letters. 274 (1): 43–47.
  13. ↑ Samejima, Y.; Aoki, Y.; Mebs, D. (1991). "Amino acid sequence of a myotoxin from venom of the eastern diamondback rattlesnake (Crotalus adamanteus)". Toxicon. 29 (4): 461–468.
  14. 1 2 Whittington, C. M.; Papenfuss, A. T.; Bansal, P.; et al. (June 2008). "Defensins and the convergent evolution of platypus and reptile venom genes". Genome Research. 18 (6): 986–094.
  15. ↑ Sobral, Filipa; Sampaio, Andreia; Falcão, Soraia; et al. (2016). "Chemical characterization, antioxidant, anti-inflammatory and cytotoxic properties of bee venom collected in Northeast Portugal" (PDF). Food and Chemical Toxicology. 94: 172–177.
  16. ↑ Peng, Xiaozhen; Dai, Zhipan; Lei, Qian; et al. (April 2017). "Cytotoxic and apoptotic activities of black widow spiderling extract against HeLa cells". Experimental and Therapeutic Medicine. 13 (6): 3267–3274.
  17. ↑ Post Downing, Jeanne (1983). "Venom: Source of a Sex Pheromone in the Social Wasp Polistes fuscatus (Hymenoptera: Vespidae)". Journal of Chemical Ecology. 9 (2): 259–266.
  18. ↑ Post Downing, Jeanne (1984). "Alarm response to venom by social wasps Polistes exclamans and P. fuscatus". Journal of Chemical Ecology. 10 (10): 1425–1433.
  19. ↑ Baracchi, David (January 2012). "From individual to collective immunity: The role of the venom as antimicrobial agent in the Stenogastrinae wasp societies". Journal of Insect Physiology. 58 (1): 188–193.
  20. ↑ Pinto, Antônio F. M.; Berger, Markus; Reck, José; Terra, Renata M. S.; Guimarães, Jorge A. (15 December 2010). "Lonomia obliqua venom: In vivo effects and molecular aspects associated with the hemorrhagic syndrome". Toxicon. 56 (7): 1103–1112.
  21. ↑ Touchard, Axel; Aili, Samira; Fox, Eduardo; et al. (20 January 2016). "The Biochemical Toxin Arsenal from Ant Venoms". Toxins. 8 (1): 30.
  22. ↑ Graystock, Peter; Hughes, William O. H. (2011). "Disease resistance in a weaver ant, Polyrhachis dives, and the role of antibiotic-producing glands". Behavioral Ecology and Sociobiology. 65 (12): 2319–2327.
  23. ↑ Frost, Emily (30 August 2013). "What's Behind That Jellyfish Sting?". Smithsonian.
  24. ↑ Bonamonte, Domenico; Angelini, Gianni (2016). Aquatic Dermatology: Biotic, Chemical and Physical Agents. Springer International. pp. 54–56.
  25. ↑ Gallagher, Scott A. (2 August 2017). "Echinoderm Envenomation". EMedicine.
  26. ↑ Olivera, B. M.; Teichert, R. W. (2007). "Diversity of the neurotoxic Conus peptides: a model for concerted pharmacological discovery". Molecular Interventions. 7 (5): 251–260.
  27. ↑ Barry, Carolyn (17 April 2009). "All Octopuses Are Venomous, Study Says". National Geographic.
  28. 1 2 Smith, William Leo; Wheeler, Ward C. (2006). "Venom Evolution Widespread in Fishes: A Phylogenetic Road Map for the Bioprospecting of Piscine Venoms". Journal of Heredity. 97 (3): 206–217.
  29. ↑ Venomous Amphibians (Page 1) – Reptiles (Including Dinosaurs) and Amphibians – Ask a Biologist Q&A. Askabiologist.org.uk.
  30. ↑ Nowak, R. T.; Brodie, E. D. (1978). "Rib Penetration and Associated Antipredator Adaptations in the Salamander Pleurodeles waltl (Salamandridae)". Copeia. 1978 (3): 424–429.
  31. ↑ Jared, Carlos; Mailho-Fontana, Pedro Luiz; Antoniazzi, Marta Maria; et al. (17 August 2015). "Venomous Frogs Use Heads as Weapons". Current Biology. 25 (16): 2166–2170.
  32. ↑ Bauchot, Roland (1994). Snakes: A Natural History. Sterling. pp. 194–209
  33. ↑ "Snake Bites". A. D. A. M. Inc. 16 October 2017.
  34. ↑ Hargreaves, Adam D.; Swain, Martin T.; Hegarty, Matthew J.; Logan, Darren W.; Mulley, John F. (30 July 2014). "Restriction and Recruitment—Gene Duplication and the Origin and Evolution of Snake Venom Toxins". Genome Biology and Evolution. 6 (8): 2088–2095.
  35. ↑ Daltry, Jennifer C.; Wuester, Wolfgang; Thorpe, Roger S. (1996). "Diet and snake venom evolution". Nature. 379 (6565): 537–540.
  36. ↑ Cantrell, F. L. (2003). "Envenomation by the Mexican beaded lizard: a case report". Journal of Toxicology. Clinical Toxicology. 41 (3): 241–244.
  37. 1 2 3 Mullin, Emily (29 November 2015). "Animal Venom Database Could Be Boon To Drug Development". Forbes.
  38. 1 2 Fry, B. G.; Wroe, S.; Teeuwisse, W. (June 2009). "A central role for venom in predation by Varanus komodoensis (Komodo Dragon) and the extinct giant Varanus (Megalania) priscus". PNAS. 106 (22): 8969–8974.
  39. ↑ Fry, B. G.; Wuster, W.; Ramjan, S. F. R.; Jackson, T.; Martelli, P.; Kini, R. M. 2003c. Analysis of Colubroidea snake venoms by liquid chromatography with mass spectrometry: Evolutionary and toxinological implications. Rapid Communications in Mass Spectrometry 17:2047-2062.
  40. ↑ Fry, B. G.; Vidal, N.; Norman, J. A.; et al. (February 2006). "Early evolution of the venom system in lizards and snakes". Nature. 439 (7076): 584–588.
  41. ↑ Benoit, J.; Norton, L. A.; Manger, P. R.; Rubidge, B. S. (2017). "Reappraisal of the envenoming capacity of Euchambersia mirabilis (Therapsida, Therocephalia) using μCT-scanning techniques". PLOS ONE. 12 (2): e0172047.
  42. ↑ Smith, William Leo; Wheeler, Ward C. (2006). "Venom Evolution Widespread in Fishes: A Phylogenetic Road Map for the Bioprospecting of Piscine Venoms". Journal of Heredity. 97 (3): 206–217
  43. ↑ Nekaris, K. Anne-Isola; Moore, Richard S.; Rode, E. Johanna; Fry, Bryan G. (27 September 2013). "Mad, bad and dangerous to know: the biochemistry, ecology and evolution of slow loris venom". Journal of Venomous Animals and Toxins Including Tropical Diseases. 19 (1): 21.
  44. ↑ Ligabue-Braun, R.; Verli, H.; Carlini, C. R. (2012). "Venomous mammals: a review". Toxicon. 59 (7–8): 680–695.
  45. ↑ Jørn H. Hurum, Zhe-Xi Luo, and Zofia Kielan-Jaworowska, Were mammals originally venomous?, Acta Palaeontologica Polonica 51 (1), 2006: 1-11
  46. ↑ Wong, E. S.; Belov, K. (2012). "Venom evolution through gene duplications". Gene. 496 (1): 1–7.
  47. ↑ GBD 2013 Mortality and Causes of Death Collaborators (17 December 2014). "Global, regional, and national age-sex specific all-cause and cause-specific mortality for 240 causes of death, 1990-2013: a systematic analysis for the Global Burden of Disease Study 2013". Lancet. 385 (9963): 117–171
  48. ↑ Pal, S. K.; Gomes, A.; Dasgupta, S. C.; Gomes, A. (2002). "Snake venom as therapeutic agents: from toxin to drug development". Indian Journal of Experimental Biology. 40 (12): 1353–1358.
  49. ↑ Holland, Jennifer S. (February 2013). "The Bite That Heals". National Geographic. Archived from the original on 25 May 2018
  50. ↑ Fox, Eduardo G.P.; Xu, Meng; Wang, Lei; Chen, Li; Lu, Yong-Yue (May 2018). "Speedy milking of fresh venom from aculeate hymenopterans". Toxicon. 146: 120–123.
  51. ↑ Fox, Eduardo Gonçalves Paterson (2021). "Venom Toxins of Fire Ants". In Gopalakrishnakone, P.; Calvete, Juan J. (eds.). Venom Genomics and Proteomics. Springer Netherlands. pp. 149–167.
  52. ↑ Calvete, Juan J. (December 2013). "Snake venomics: From the inventory of toxins to biology". Toxicon. 75: 44–62.
  53. ↑ Arbuckle, Kevin; Rodríguez de la Vega, Ricardo C.; Casewell, Nicholas R. (December 2017). "Coevolution takes the sting out of it: Evolutionary biology and mechanisms of toxin resistance in animals" (PDF). Toxicon. 140: 118–131.
  54. ↑ Dawkins, Richard; Krebs, John Richard; Maynard Smith, J.; Holliday, Robin (21 September 1979). "Arms races between and within species". Proceedings of the Royal Society of London. Series B. Biological Sciences. 205 (1161): 489–511.
  55. ↑ McCabe, Thomas M.; Mackessy, Stephen P. (2015). Gopalakrishnakone, P.; Malhotra, Anita (eds.). Evolution of Resistance to Toxins in Prey. Toxinology. Springer Netherlands. pp. 1–19.
  56. ↑ Nuismer, Scott L.; Ridenhour, Benjamin J.; Oswald, Benjamin P. (2007). "Antagonistic Coevolution Mediated by Phenotypic Differences Between Quantitative Traits". Evolution. 61 (8): 1823–1834.
  57. 1 2 Holding, Matthew L.; Drabeck, Danielle H.; Jansa, Sharon A.; Gibbs, H. Lisle (1 November 2016). "Venom Resistance as a Model for Understanding the Molecular Basis of Complex Coevolutionary Adaptations". Integrative and Comparative Biology. 56 (5): 1032–1043.
  58. ↑ Calvete, Juan J. (1 March 2017). "Venomics: integrative venom proteomics and beyond". Biochemical Journal. 474 (5): 611–634.
  59. ↑ Morgenstern, David; King, Glenn F. (1 March 2013). "The venom optimization hypothesis revisited". Toxicon. 63: 120–128.
  60. ↑ Poran, Naomie S.; Coss, Richard G.; Benjamini, Eli (1 January 1987). "Resistance of California ground squirrels (Spermophilus Beecheyi) to the venom of the northern Pacific rattlesnake (Crotalus Viridis Oreganus): A study of adaptive variation". Toxicon. 25 (7): 767–777.
  61. ↑ Coss, Richard G.; Poran, Naomie S.; Gusé, Kevin L.; Smith, David G. (1 January 1993). "Development of Antisnake Defenses in California Ground Squirrels (Spermophilus Beecheyi): II. Microevolutionary Effects of Relaxed Selection From Rattlesnakes". Behaviour. 124 (1–2): 137–162.
  62. ↑ Holding, Matthew L.; Biardi, James E.; Gibbs, H. Lisle (27 April 2016). "Coevolution of venom function and venom resistance in a rattlesnake predator and its squirrel prey". Proceedings of the Royal Society B: Biological Sciences. 283 (1829): 20152841.
  63. ↑ Conant, Roger (1975). A field guide to reptiles and amphibians of Eastern and Central North America (Second ed.). Boston: Houghton Mifflin.
  64. ↑ Weinstein, Scott A.; DeWitt, Clement F.; Smith, Leonard A. (December 1992). "Variability of Venom-Neutralizing Properties of Serum from Snakes of the Colubrid Genus Lampropeltis". Journal of Herpetology. 26 (4): 452.
  65. ↑ Heatwole, Harold; Poran, Naomie S. (15 February 1995). "Resistances of Sympatric and Allopatric Eels to Sea Snake Venoms". Copeia. 1995 (1): 136.
  66. ↑ Heatwole, Harold; Powell, Judy (May 1998). "Resistance of eels (Gymnothorax) to the venom of sea kraits (Laticauda colubrina): a test of coevolution". Toxicon. 36 (4): 619–625.
  67. ↑ Zimmerman, K. D.; Heatwole, Harold; Davies, H. I. (1 March 1992). "Survival times and resistance to sea snake (Aipysurus laevis) venom by five species of prey fish". Toxicon. 30 (3): 259–264
  68. ↑ Litsios, Glenn; Sims, Carrie A.; Wüest, Rafael O.; Pearman, Peter B.; Zimmermann, Niklaus E.; Salamin, Nicolas (2 November 2012). "Mutualism with sea anemones triggered the adaptive radiation of clownfishes". BMC Evolutionary Biology. 12 (1): 212.
  69. ↑ Fautin, Daphne G. (1991). "The anemonefish symbiosis: what is known and what is not". Symbiosis. 10: 23–46 – via University of Kansas.
  70. ↑ Mebs, Dietrich (15 December 2009). "Chemical biology of the mutualistic relationships of sea anemones with fish and crustaceans". Toxicon. Cnidarian Toxins and Venoms. 54 (8): 1071–1074.
  71. ↑ da Silva, Karen Burke; Nedosyko, Anita (2016), Goffredo, Stefano; Dubinsky, Zvy (eds.), "Sea Anemones and Anemonefish: A Match Made in Heaven", The Cnidaria, Past, Present and Future: The world of Medusa and her sisters, Springer International Publishing, pp. 425–438,
  72. ↑ Nedosyko, Anita M.; Young, Jeanne E.; Edwards, John W.; Silva, Karen Burke da (30 May 2014). "Searching for a Toxic Key to Unlock the Mystery of Anemonefish and Anemone Symbiosis". PLOS ONE. 9 (5): e98449.
  73. ↑ Mebs, D. (1 September 1994). "Anemonefish symbiosis: Vulnerability and resistance of fish to the toxin of the sea anemone". Toxicon. 32 (9): 1059–1068.
  74. ↑ Lubbock, R.; Smith, David Cecil (13 February 1980). "Why are clownfishes not stung by sea anemones?". Proceedings of the Royal Society of London. Series B. Biological Sciences. 207 (1166): 35–61.
  75. 1 2 Litsios, Glenn; Kostikova, Anna; Salamin, Nicolas (22 November 2014). "Host specialist clownfishes are environmental niche generalists". Proceedings of the Royal Society B: Biological Sciences. 281 (1795): 20133220.
مرجّعة من "https://ary.wikipedia.org/w/index.php?title=سم_حيواني&oldid=436751"